2Ath 2:13 - ÎVUKU RÎA ÛVORO MWARO

¹³ Ariû na aarîa îthe wetû, nwanginya tûcokagie ngatho kûrî Ngai vîndî cionthe nîûndû wenyu mue arîa mwendetwe nî Mwathani. Nîûndû Ngai nîwamûthuurire mûrî a mbere nîguo amûvonokie na njîra ya kûtherua nî Roho mûtheru na gwîtîkia ûvoro wa ma.

2Ath 2:13 ပူးပေါင်းရင်းမြစ်များ

Kîam 1:1

Kîambîrîriarî Ngai nîwaûmbire îgûrû na nthî.

2Sam 12:25

na akîatha mûrathi Nathani agatuîre rîîtwa Jedidia nîûndû Ngai-Mûnene nîwakendete.

Nthi 8:23

Tene mûno Kîammbîrîriarî nîrîo naaûmbirwe, nînie naarî wa mbere nthî îtanaûmbwa.

Isaia 46:10

Nînie managîrîra maûndû ma mûthiia kuuma Kîammbîrîria; na ngaumbûra maûndû marîa matanekwa kuuma tene, ngiugaga atî mworoto wakwa nîûkaavinga, na nîngaavingia mîvango yakwa yonthe.

Jeremia 31:3

nie Ngai-Mûnene nînamaumîrîre nîrî kûraca. Nîmwendete na wendo ûtathiraga, kwoguo nîrî mwîvokeku kûrî mue vîndî cionthe.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Danieli 10:11

Nake mûraika nîwambîrire atîrî, “Danieli, Ngai nîakwendete mûno. Rûngama na ûthikîrîrie waro ûrîa ngûkwîra. Nie ndûmîtwe kûrî we.” Rîrîa aambîrire ûguo, nînarûngamire wa nginainaga.

Danieli 10:19

Nîwambîrire atîrî, “We mûndû ûyû, Ngai nî mûkwendu mûno, ndûgetigîre! Gîa na thayû, gîa na vinya na ûmîrîrie!” Na rîrîa aambîrire ûguo, nînaagîre na vinya na ngiuga atîrî, “Mwathi wakwa, rîu mbîra ûrîa ûkwenda, nîûndû nîwambîkîra vinya.”

Danieli 9:23

Mavinda marîa wambîrîrie kûvoya, Ngai nîwacokirie mavoya, nanie naûka gûgûtaarîria macokio mau, nîûndû we wî mwende mûno. Kwoguo tathikîrîria waro nîguo ûtaûkîrwe nî kîoneki kîu.

Luka 1:75

na tûtûûre tûrî atheru na athingu methorî make, mîthenya yonthe ya ûtûûro wetû.

Johana 1:1

Kîambîrîriarî, Ke ûrîa wîtagwa Kiugo aarî wa kuo. Kiugo aarî vamwe na Ngai na aarî Ngai.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Ciîko 13:48

Na vîndî îrîa andû a ndûrîrî meegwire Paûlo akiuga ûguo, nîmaacanjamûkire na magîkumia ndûmîrîri ya Mwathani. Nao andû arîa maathuurîtwe nîguo magîe na mwoyo wa tene tene, nîmaatuîkire etîkia.

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

Aroma 6:17

Nwatî nwanginya tûcokie ngatho kûrî Ngai nîûndû vîndî îmwe mwarî ngombo cia mevia, nwatî nîmwacokire kwathîkîra ûvoro wa ma ûrîa wonekaga maûndûrî marîa mwathomithirue.

Aroma 8:33

Nû ûngîona ûndû wa kûthitanga andû arîa Ngai athuurîte? Ngai ke mwene nîamatucaga athingu.

Aroma 9:11

Kûthuurwa kwa mûriû ûmwe warî mworoto wa Ngai. Ke mwene nîke wendire kûmûthuura na tî ûndû wa ciîko ciake, aamûthuurire wana mbere ya maciarwa na mbere ya mamenya maûndû maro kana macûku.

1Akor 1:21

Kûringana na ûûgî wake, Ngai nîwatûmire andû matikaamûmenye na njîra ya ûûgî wao. Vandû va ûguo, na njîra ya ndûmîrîri îo îtucagwa ya “ûrimû” îrîa tue tûvunjagia, Ngai nîwatuire atî nîakaavonokia arîa mamwîtîkîtie.

Agal 3:1

Mue Agalatia aya aritu! Nû wamûrogire? Nîmwataarîrue waro ûrîa Kristû aakwire arî mûtharavarî.

Aefeso 2:8

Nî wega wa Ngai ûtûmîte mûvonokue na njîra ya gwîtîkia. Ûvonokio wenyu ndumanîte na mawîra marîa mwanaruta, nwatî nî kîveo kuuma kûrî Ngai.

Gûco 33:12

Ûvoro wîgiî mûvîrîga wa Benjamini nîwaugire atîrî, “Ûyû nîguo mûvîrîga ûrîa Ngai-Mûnene endete, ke ekaraga aûgitîrîte, ekaraga aûrigicîrîtie vîndî cionthe, na atûûranagia nao vîndî cionthe.”

Akol 1:5

Rîrîa ndûmîrîri îrîa ya ma, nîyo ûvoro mwaro yamûkinyîre rita rîa mbere, nîmwegwire ûvoro wîgiî mwîrîgîrîro ûrîa îvecanaga. Kwoguo kîrîa mwîrîgagîrîra nîkîo gîtûmaga mwîtîkie Jesû Kristû na mûgîe na wendani. Nakîo kîrîa mûrî na mwîrîgîrîro wakîo mûrî aigîre kîo waro îgûrû.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

1Ath 1:4

Ariû na aarî a îthe wetû, nîtwîcî atî Ngai nîamwendete na nîamûthuurîte mûtuîke ake.

1Ath 2:12

Tue, nîtwamûûmagîrîria, nîtwamûthaithaga na nîtwekaraga tûkîmûringagîrîria mûtûûrage na mûtûûrîre ûrîa ûkenagia Ngai ûrîa ûmwîtaga ûthamakirî wake ûrîa ûrî na riiri.

1Ath 4:7

Ngai aatwîtire tûtûûre tûrî atheru, nwatî tî tûtûûre tûkîvagia.

1Ath 5:9

Ngai ndaatûthuura nîguo atûverithie nîûndû wa kûmûrakaria, nwatî aatûthuurire nîguo tûgîe na ûvonokio na njîra ya Mwathani wetû Jesû Kristû.

2Ath 1:3

Ariû na aarî a îthe wetû, nwanginya tûcokagie ngatho kûrî Ngai vîndî cionthe nîûndû wenyu. Tue nîtwagîrîrwe nî gwîka ûguo nîûndû wîtîkio wenyu nîûrakûra mûno, na wendani gatagatîrî kenyu nî ûrongerereka.

2Ath 2:10

Nîagaatûmîra waganu wa mîthemba yonthe nîguo aveenie andû arîa makaathirua. Magaakua nîûndû nîmaaregire kwamûkîra na kwenda ûma nîguo mavonokue.

2Ath 2:12

Ngai eekire ûguo nîguo arîa onthe maregete gwîtîkia ûvoro wa ma na makenagîra gwîka mevia magaatuîrwa.

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

2Tim 2:15

Geria mûno wa ûrîa ûngîvota gûtuîka mwîvokeku rîrîa ûkûruta wîra wa Ngai. Tuîka mûruti wîra ûrîa ûtaconokaga nî ûndû wa wîra ûrîa arutaga na mûndû ûthomithagia waro ûvoro wa ma wa Ngai.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

Ahib 1:10

Ngai nîwacokire akiuga atîrî, “Kîambîrîriarî, we Mwathani nîwaûmbire nthî, na ûkîthondeka îgûrû na njara ciaku.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

1Joh 4:10

Wendani wîkariî ûû: tî atî nîkwa twendire Ngai, nwatî nîke watwendire na agîtûma Mûriû wake atuîke wa gûtûma tûoverwe mevia metû.

1Joh 4:19

Tue twendanaga nîûndû Ngai nîwatwendire mbere.