2Akor 9:8 - ÎVUKU RÎA ÛVORO MWARO

⁸ Nake Ngai arî na ûvoti wa kûmûva nyîngî makîria ya irîa mûvatarîte nîguo vîndî cionthe mwîthagîrwe mûrî na indo cionthe irîa mue ene mûvatarîte na ciîngî nyîngî nîûndû wa wîra mwaro.

2Akor 9:8 ပူးပေါင်းရင်းမြစ်များ

2Maû 25:9

Nake Amazia nîwaûririe mûndû ûcio wa Ngai atîrî, “Nîmbîka atîa nîûndû wa sîlûva îrîa yonthe naarîvire ngîkombora athigari kuuma Isiraeli?” Nake mûndû ûcio wa Ngai nîwamûcokerie atîrî, “Ngai-Mûnene arî na ûvoti wa gûkûva ciîngî nyîngî gûkîra icio.”

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Nthi 11:24

Andû amwe mavecanaga na ûtaana na makathiî na mbere gûtonga; nao arîa engî mativecanaga, nwatî nwakwa mathiîcaga na mbere kûthîna.

Nthi 28:27

Mûndû ûrîa ûvecaga arîa athîni ndagaaturaga kîndû, nwatî ûrîa ûregaga gûtethia athîni nîakaarumwa nî andû eengî.

Nthi 3:9

Tîîaga Ngai-Mûnene na indo ciaku, na ûmûrutagîre maketha ma mbere ma indo cionthe cia mîgûnda yaku.

Hagai 2:8

Sîlûva na thaavu yonthe gûkû nthî nî ciakwa.

Malaki 3:10

“Reteni matega menyu makûmbîrî makwa, nîguo nyomba yakwa îgîe na irio cia kwîgana. Mue nwa mûcoke mûngerie. Mweka ûguo, nîmûkoona kana tîmvingûra ndirica cia îgûrû na nîmwîtûrûrîre irathimo ciakwa.

Ciîko 9:36

Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

2Akor 13:3

nîûndû mue mûrenda mwonue atî Kristû araria kûvîtûkîra kûrî nie. Rîrîa araruta wîra kûrî mue ndaturaga vinya, vandû va ûguo ke nîwonanagia vinya wake gatagatîrî kenyu.

2Akor 8:19

Wa vamwe na ûguo, ke nîathuurîtwe nî andû a makanitha nîguo athiîcanie natue rîrîa tûkûruta wîra ûyû wa ûtethio. Tûreka ûguo nîûndû wa ûgooci wa Mwathani na twonanie atî nîtûrenda gûtethia.

2Akor 8:2

Nîmaavîtûkîrîrîte mageriorî marito na mathînarî meengî. Nwatî wana ethîrwa maarî athîni mûno, gîkeno Kîamo Kîamrî kîngî nîûndû nîmaavecanire na ûtaana.

2Akor 8:7

Mue mûrî itonga mûno cia maûndû monthe, wîtîkiorî, mîariorî, ûmenyorî, na wendirî wenyu wa gûtethania na wendo wenyu kûrî tue. Kwoguo nîtûkwenda mûtuîke ataana ûtungatarî wa kwendana wana guo.

2Akor 9:11

Ke agatûmaga mûtonge na njîra cionthe nîguo mûvecanage vîndî cionthe. Nao andû eengî magaacokagia ngatho kûrî Ngai nîûndû wa iveo cienyu irîa makamûkagîra kuuma kûrî tue.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Aefeso 3:20

Ngai arokumua na njîra ya vinya wake ûrîa ûrutaga wîra ndaarî yetû, ke nîavotaga gwîka maûndû meengî mûno makîria ya marîa tûngîmûria wana kana tûngîciria.

Afil 4:11

Ndirauga ûguo atî nîûndû nînîrenda ûtethio. Nîmenyerete kwîganagîrwa nî kîrîa nîrî nakîo.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

2Ath 2:17

Ke aromûmîrîria na amûve vinya vîndî cionthe, nîguo mwîkage na mwaragie maûndû marîa maro.

2Tim 2:21

Andû arîa metheragia kuuma kûrî maûndû monthe ma waganu, magaatûmagîrwa rîrîa kûrî na maûndû manene, nîûndû nîmeamûrîte magatuîka andû a vata kûrî mûmathi. Andû aya nîmevarîrîtie kûruta wîra wa wonthe mwaro.

2Tim 3:17

nîguo mûndû wonthe ûtungatagîra Ngai ethagîrwa arî mwagîrîru na arî mwîvarîriu gwîka ûndû wa wonthe mwaro.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Tito 3:14

Andû etû nîmagîrîrwe nî kwîruta gûtûmîra mavinda mao na gwîka ciîko mbaro nîguo matethagîrîria mavata ma andû arîa engî. Matiagîrîrwe nî gûtûûra mûtûûrîre ûtarî na maciaro.

Tito 3:8

Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.

1Pet 4:10

Wa mûndû nîavetwe kîveo ngûrani nî Ngai nîguo ta mûramati mwaro wa iveo cia Ngai agîtûmagîre gûtungata andû arîa engî. Vûthagîrani waro iveo cia mwanya irîa ciumanîte na wega wa Ngai.