2Akor 9:6 - ÎVUKU RÎA ÛVORO MWARO

⁶ Ririkanani atî mûndû ûrîa ûvandaga tûnini agaaketha tûnini. Nake ûrîa ûvandaga nyîngî agaaketha nyîngî.

2Akor 9:6 ပူးပေါင်းရင်းမြစ်များ

Nthi 11:18

Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 22:9

Mûndû mûtana nîarathimagwa, nîûndû nîagaanaga irio ciake na athîni.

Mûvunjia 11:1

Iga mbeca ciaku wîrarî wa kûgûra na kwendia, nîûndû vuva wa mîthenya mîîngî nîikaagîa na maciaro.

Mûvunjia 11:6

Vanda mbegû mûgûndarî waku kîraûko na kîvwaî, nîûndû ndwîcî irîa igaakûthatûka nî cia kîraûko kana nî cia kîvwaî.

Luka 6:38

Vecanagani namue nîmûkaavewa iveo nî Ngai, mwîcûrîrîtue, igakindîrwa, ikainainua na ikathûmbwa. Nîûndû kîthimi kîrîa mûthimanagîra nakîo nîkîo Ngai akaamûthimîra nakîo.”

1Akor 1:12

Ûrîa nîrauga nî atî: wa mûndû gatagatîrî kenyu augaga atîrî, “Nie nûmagîrîra Paûlo,” wîngî akauga, “Nie nûmagîrîra Apolo,” wîngî akauga, “Nie nûmagîrîra Petero”; na wîngî akauga, “Nie nûmagîrîra Kristû.”

1Akor 15:20

Nwatî ûma nî atî Kristû nîariûkîtue na agatuîka kîonereria gîa atî arîa makuîte wa nao nîmakaariûkua.

1Akor 7:29

Ariû na aarî a îthe wetû, ûndû ûrîa nie nîrauga nî atîrî: kavinda karîa gatigarîte nî kanini mûno. Kuuma rîu, andû arîa mavikanîtie magîrîrwe nî gûtûûra takwa matarî avikaniu.

2Akor 9:10

Ngai ûrîa ûvecaga mûrîmi mbeû ya kûvanda na akamûva mûgate wa kûrîa, nwake ûkaamûva mbeû îrîa mûvatarîte. Nîûndû wa ûtaana wenyu Ngai nîagaatûma mbeû îo îkûre na îngîvie maketha.

2Akor 9:5

Kwoguo nînoonire kwagîrîte mbûrie ariû a îthe wetû aya maûke kûrî mue mbere ya mbûka nîguo mavarîrîrie kîveo kîrîa mweranîre kûvecana. Nakîo gîkeethîrwa kîvecanîtwe na kwîyendera na tî kûringîrîrua.

Agal 3:17

Ûrîa nîrageria kuga nî atî Ngai nîweranîre atî nîakwiga kîrîkanîro kîrîa maarîkanîre na Iburahimu. Watho ûrîa wacokire kûvecanwa vuva wa mîaka magana mana ma mîrongo îthatû, ndûngiuna kîrîkanîro kana ûregana na kîîranîro Kîam Ngai.

Agal 5:16

Nie nîrauga atî mûtûûre mûtongoretue nî Roho, na mweka ûguo mûtikaavingagia merirîria ma mwîrî.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Akol 2:4

Nîramwîra ûguo nîguo mûtikanetîkîrie mûndû wana ûrîkû amûveenererie na mîario ya maveeni, wana ethîrwa îkîoneka îrî mîaro atîa.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.