2Akor 9:10 - ÎVUKU RÎA ÛVORO MWARO

¹⁰ Ngai ûrîa ûvecaga mûrîmi mbeû ya kûvanda na akamûva mûgate wa kûrîa, nwake ûkaamûva mbeû îrîa mûvatarîte. Nîûndû wa ûtaana wenyu Ngai nîagaatûma mbeû îo îkûre na îngîvie maketha.

2Akor 9:10 ပူးပေါင်းရင်းမြစ်များ

Kîam 47:19

Tue wana mîgûnda yetû tûngîkua atîa ûroretie? Tûgûre vamwe na mîgûnda yetû nawe ûtûvecage irio. Nîtûgûtuîka ngombo cia mûthamaki wana mîgûnda yetû îtuîke yake. Tûve irio cia kûrîa na ûtûve mbeû ya kûvanda mîgûndarî yetû nîguo tûtigakue vûrûri ûtigwa ûrî mûtheri.”

Nthi 11:18

Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

Mûvunjia 11:6

Vanda mbegû mûgûndarî waku kîraûko na kîvwaî, nîûndû ndwîcî irîa igaakûthatûka nî cia kîraûko kana nî cia kîvwaî.

Isaia 55:10

“Wata ûrîa mbura yuraga nthî na mbaravu îkagwa nthî kuuma îgûrû, na iticokaga kuo nwatî itûmaga nthî îgîe manjî, na igatûma mîmera îmere na îgakûra, na ikava mûvandi maketha na ikava andû irio,

Hosea 10:12

Îvandîreni ûthingu, namue nîmûgaaketha wendo; Rîmani mîgûnda îrîa yatigirwe, nîûndû kavinda ga kûnjaria nie Ngai mûnene nîgakinyu, nanie nîngaamurîria kîrathimo ta mbura.

Mathaayo 6:1

“Îîmenyagîrîreni rîrîa mûgwîka ciîko cienyu cia ûthingu mbere ya andû atî nîguo o moone ûrîa mûreka. Mûngîka ûguo mbere ya andû, gûtirî kîveo mûkaavewa nî Îthe wenyu ûrîa wî îgûrû.

2Akor 9:12

Wîra ûyû mûraruta ndûratethia andû a Ngai onga, nwatî nîûratûma andû macokie ngatho nyîngî makîria kûrî Ngai.

2Akor 9:6

Ririkanani atî mûndû ûrîa ûvandaga tûnini agaaketha tûnini. Nake ûrîa ûvandaga nyîngî agaaketha nyîngî.

Agal 3:5

Ngai amûvecaga Roho na akaringa ciama gatagatîrî kenyu nîûndû nîmûrûmagîrîra watho kana nîûndû nîmwîgucaga ûvoro mwaro na mûgawîtîkia?

Aefeso 5:9

nîûndû ûtheri nîguo ûretaga maûndû monthe maro, ma ûthingu na ma ma.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Afil 4:17

Nie ndirenda iveo kuuma kûrî mue, nwatî nîrenda mûgîe na maciaro marîa maumanaga na ûvecani.

1Ath 3:12

Mwathani arotûma wendani gatagatîrî kenyu wongerereke, na mwendage andû onthe ta ûrîa tûmwendete.

1Ath 4:10

Na nîmwîthîrîtwe mwendete ariû na aarî a îthe wetû onthe arîa marî Makedonia kuonthe. Kwoguo twamûthaitha mûthiî na mbere na kûmenda makîria.