2Akor 8:7 - ÎVUKU RÎA ÛVORO MWARO

⁷ Mue mûrî itonga mûno cia maûndû monthe, wîtîkiorî, mîariorî, ûmenyorî, na wendirî wenyu wa gûtethania na wendo wenyu kûrî tue. Kwoguo nîtûkwenda mûtuîke ataana ûtungatarî wa kwendana wana guo.

2Akor 8:7 ပူးပေါင်းရင်းမြစ်များ

Mathaayo 25:22

“Nayo ndungata îrîa yanengeretwe mbeca ngiri igîrî nîyathiîre kûrî mwathi wayo na îkiuga atîrî, ‘Mwathi wakwa, wanengere mbeca ngiri igîrî, na rîu nîmonjorithîtie mbeca ciîngî ngiri igîrî.’

Aroma 15:14

Ariû na aarî a îthe wetû, nie mwene nîmbicî na ma atî nîmwîcûrîtue nî wega na ûmenyo na atî nîmûvotete kûthomithania mue ene.

1Akor 1:5

Nîûndû mue mûrî ûrûmwe na Kristû nîmûtongetue na njîra cionthe, mîariorî yonthe na ûmenyorî wonthe.

1Akor 12:13

Amwe gatagatîrî getû nî Ayahudi, na amwe nî andû a Ndûrîrî, na engî nî ngombo, na amwe nî andû marî na wîyathi. Nwatî tuonthe twavatithirue na njîra ya Roho ûmwe tûgîtuîka mwîrî ûmwe, na tûkînyua Roho wa ûcio ûmwe.

1Akor 12:8

Roho nîavecaga mûndû ûmwe ndûmîrîri îcûrîte ûûgî, na Roho wa ûcio akava mûndû wîngî ndûmîrîri îcûrîte ûmenyo.

1Akor 13:2

Nwa mbîthîrwe nîmvotaga kûvunjia ndûmîrîri ya Ngai, na nwa mbîthîrwe nîmenyaga maûndû monthe na ngataûkîrwa nî maûndû monthe marîa marî nthithorî. Wana nwa mbîthîrwe nîrî na wîtîkio mûnene ta ûrîa ûngîvota kûthamia irîma. Nwatî ethîrwa ndirî na wendani, ndirî na vata wana vanini.

1Akor 13:8

Wendani ndûthiraga. Morathi nîmakaathira, kwaria na nthiomi nîgûkaathira na ûmenyo wa naguo nîûkaathira.

1Akor 14:12

Ûguo nwa guo mwîkariî. Ethîrwa nîmwîriragîria mûno kûgîa na iveo irîa Roho avecanaga, nwa nginya mûgeragie mûno makîria ûrîa mûngîvota gûtûmîra iveo irîa ciîkîraga kanitha vinya.

1Akor 4:7

Nû wagûtuire mûnene gûkîra arîa engî? Nîndûî ûrî nakîo ûtaavewa? Na ethîrwa nîkwa waveerwe, wîtîîaga nîkî takwa atarî kûvewa waveerwe?

2Akor 7:7

Na tûtiaûmîrîrue nî gûka gwake kuonga, nwatî wana nîûndû wa kûmenya ûrîa mwamûmîrîrie. Ke nîwatwîrire ûrîa mûrî na wendi mwîngî wa kwenda kûmona, ûrîa mûrî na kîeva na ûrîa mwîvarîrîtie kûngitîra. Kwoguo wana nîmûkenu mûno rîu.

2Akor 8:6

Kwoguo nîtwaûririe Tito athiî na mbere kûmûtethia mûrîkie ûtungati ûcio wa mwanya nîûndû nîke wawambîrîrîtie.

2Akor 9:14

Nîûndû wa wendo mûnene ûrîa marî naguo kûrî mue, makaamûvoyagîra nîûndû wa wega mwîngî wa Ngai ûrîa mûrî naguo.

2Akor 9:8

Nake Ngai arî na ûvoti wa kûmûva nyîngî makîria ya irîa mûvatarîte nîguo vîndî cionthe mwîthagîrwe mûrî na indo cionthe irîa mue ene mûvatarîte na ciîngî nyîngî nîûndû wa wîra mwaro.

Aefeso 4:29

Tigagani kwaragia mîario îno mîcûku, nwatî aragiani mîario îrîa mîaro îrî na umithio kûrî andû na ya kûmatethia na kîrîa mavatarîte. Nao andû arîa makegucaga mûkîaria magekagwa waro nî mîario îo.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Afil 1:9

Îvoya rîakwa kûrî mue nî atî wendo wenyu ûthiî na mbere kwongerereka, vamwe na ûmenyo wa ma na gûkûûrana maûndû waro,

2Ath 1:3

Ariû na aarî a îthe wetû, nwanginya tûcokagie ngatho kûrî Ngai vîndî cionthe nîûndû wenyu. Tue nîtwagîrîrwe nî gwîka ûguo nîûndû wîtîkio wenyu nîûrakûra mûno, na wendani gatagatîrî kenyu nî ûrongerereka.

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

Ahib 12:28

Kwoguo nîtwagîrîrwe nî gûcokia ngatho, nîûndû nîtwamûkagîra ûthamaki ûrîa ûtanginainua. Nîtûcokie ngatho na tûgooce Ngai na njîra îrîa îngîmûkenia tûrî na gîtîîo na kûmwîtigîra,

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

Kûguû 3:17

We uugaga atîrî, ‘Ûrî mûtongu na ûrî na indo nyîngî na gûtirî na kîndû ûvatarîte.’ Nwatî we ndûramenya ûrîa ûrî mûkîa na wagîrîrwe nî kwîguîrwa ntha! We ûrî mûthîni, ûrî njaga na ûrî mûtumumu.