2Akor 8:23 - ÎVUKU RÎA ÛVORO MWARO

²³ Ûvororî wîgiî Tito, nîtûthiîcanagia na tûkarutithania wîra nake wa kûmûtethia. Ûvororî wîgiî ariû a îthe wetû acio engî marathiîcania nake, matûmîtwe nî makanitha na maretaga riiri kûrî Kristû.

2Akor 8:23 ပူးပေါင်းရင်းမြစ်များ

Luka 5:10

Nao Jakuvu na Johana; ariû a Zebedii, arîa maarutithanagia wîra na Simoni, nîmaamakire. Nwatî Jesû nîwerire Simoni atîrî, “We Petero, tiga kwîgua guoya, nîûndû kwambîrîria rîu ûgaategaga andû.”

Luka 5:7

Kwoguo nî maaveenerie arata ao arîa maarî gatarûrî kau kengî nîguo mathiî mamatethererie. Na rîrîa arata acio ao maathiîre kûmatethereria, nîmecûririe nthamaki tûtarûrî tuoîrî, nginya tûkîambîrîria kûvorokera.

Johana 13:16

Nîramwîra na ma atî gûtirî ngombo nene gûkîra mûmîathi, wana gûtirî mûnjaama mûnene gûkîra mûmûtûmi.

1Akor 11:7

Mûndûmûrûme ndagîrîrwe nî gûkunîkîra kîongo gîake nîûndû nîwonanagia mûvianîre na riiri wa Ngai. Nwatî mûndûmûka onanagia riiri wa mûndûmûrûme.

2Akor 12:18

Nînaûririe Tito athiî na nînatûmire Mûrû a îthe wetû ûcio wîngî mathiî nake. Mue nwa muge atî Tito nîwamûveenirie? Anga ke nanie tûtiarutire wîra na njîra îmwe na tûrî na mworoto ûmwe?

2Akor 7:6

Nwatî Ngai ûrîa ûmagîrîria arîa marî na mathîna, nîwatûmîrîrie rîrîa Tito aûkire.

2Akor 8:16

Nîtûgûcokia ngatho kûrî Ngai ûrîa ûtûmîte Tito agîe na wendi wa kûmûtethia ta ûrîa tûrî naguo.

2Akor 8:18

Vamwe nake nîtûgûtûma mûrû wa îthe wetû ûrîa mûve gîtîîo mûno makanitharî monthe nîûndû wa wîra wake wa kûvunjia ûvoro ûrîa mwaro.

2Akor 8:19

Wa vamwe na ûguo, ke nîathuurîtwe nî andû a makanitha nîguo athiîcanie natue rîrîa tûkûruta wîra ûyû wa ûtethio. Tûreka ûguo nîûndû wa ûgooci wa Mwathani na twonanie atî nîtûrenda gûtethia.

2Akor 8:22

Kwoguo nîtûgûtûma mûrû wa îthe wetû wîngî nîguo maûke marî vamwe na Tito. Nîtûgeretie mûrû wa îthe wetû ûcio maita meengî na nîtwonete arî na wendi mûno gûtethia. Na rîu nîûndû wa ûrîa amwîvokete, arî na wendi makîria wa gûka kûmûtethia.

2Akor 8:6

Kwoguo nîtwaûririe Tito athiî na mbere kûmûtethia mûrîkie ûtungati ûcio wa mwanya nîûndû nîke wawambîrîrîtie.

Afil 2:25

Nîcirîtie na ngona kwagîrîrîte nîmûtûmîre Mûrû wa îthe wetû Epafarodito, ûrîa wîthîrîtwe vamwe nanie tûkîruta wîra tûrî athigari a ûvoro mwaro wa Jesû. Ke ethagîrwa arî mûnjaama wenyu ûrîa ûndethagia.

Afil 4:3

Wa nawe mûrata wakwa mwîvokeku, nîngwenda ûtethagîrîrie aka aya. Nîndutithanîtie wîra wa kûvunjia ûvoro mwaro nao, wa vamwe na Kîlementi marî na andû onthe arîa twarutithanagia wîra nao arîa marîîtwa mao mandîkîtwe îvukuurî rîa mwoyo.

Akol 1:7

Mwathomire ûvoro wîgiî wega wa Ngai kuuma kûrî Epafara, ndungata îrîa twendete na tûrutithanagia wîra nayo. Ke ethagîrwa arî mwîvokeku rîrîa araruta wîra wa Kristû vandûrî vetû.

1Ath 2:2

Mbere ya gûka nîmwîcî ûrîa twanyaririrwe na tûkîrumwa tûrî Filipi. Nwatî wana gûtuîka nîtwakararirue mûno, Ngai wetû nîwatûvere ûmîrîru wa kûmûvunjîria ûvoro wake mwaro.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

Tito 1:4

Kûrî Tito, mwana wakwa wa ma wîtîkiorî ûrîa tûgwatanîrîte. Ûrogîa na wega na thayû kuuma kûrî Ngai Vava na kuuma kûrî Jesû Kristû mûvonokia wetû.

File 1:17

Kwoguo ethîrwa nîwicî atî nîtûrutithanagia wîra wa Mwathani nawe, amûkîra Onesimo wata ûrîa ûngînyamûkîra.

File 1:24

Wana nîmwakethua nî andû arîa tûrutithanagia wîra nao, na nîo Maariko, Arisitariko, Dema na Luka.

3Joh 1:8

Kwoguo tue akristiano nîtwagîrîrwe nî gûtethia andû aya, nîguo twîthîrwe tûrî aruti wîra vamwe nao ûvororî ûrîa wa ma.