2Akor 8:21 - ÎVUKU RÎA ÛVORO MWARO

²¹ Mûvango wetû nî gwîka ûrîa kwagîrîrîte mbere ya Mwathani na mbere ya andû.

2Akor 8:21 ပူးပေါင်းရင်းမြစ်များ

1Atha 18:34

Nîwacokire akîmeera atîrî, “Îkani guo rîngî.” Nao nîmeekire guo riita rîa kaîrî. Elija nîwacokire akîmeera rîngî atîrî, “Îkani wa ûguo rîngî riita rîa kathatû. Nao andû nîmeekire waguo riita rîa kathatû.”

Nthi 3:4

Weka ûguo, ûkaavewa gîtîîo na wendwe nî Ngai na andû.

Mathaayo 23:5

Mekaga maûndû mao monthe nîguo monwe nî andû. Nîmaramagia ithitû ciao na nîmaracavagia mîcivi ya nguo ciao!

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Mathaayo 6:1

“Îîmenyagîrîreni rîrîa mûgwîka ciîko cienyu cia ûthingu mbere ya andû atî nîguo o moone ûrîa mûreka. Mûngîka ûguo mbere ya andû, gûtirî kîveo mûkaavewa nî Îthe wenyu ûrîa wî îgûrû.

Mathaayo 6:4

Kwoguo kûvecana kwenyu nî kwîthagîrwe kûrî nthithorî. Nake Îthe wenyu ûrîa wonaga maûndû marîa mekagîrwa nthithorî nî akaamûva kîveo.

Aroma 12:17

Mûndû angîgwîka naaî, ndûkamwîke naaî. Nwatî geragia gwîka andû onthe maûndû marîa maro.

Aroma 14:18

Rîrîa andû matungatîra Kristû na njîra ta îno, nîmakenagia Ngai na magetîkîrwa nî andû arîa engî.

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 8:20

Nîtûrageria gûtikagîe na ûndû ûngîtûma andû magîe na înegene ûvororî wîgiî ûrîa tûgûtûmîra mbeca ino mûrutîte na wendo.

2Akor 8:22

Kwoguo nîtûgûtûma mûrû wa îthe wetû wîngî nîguo maûke marî vamwe na Tito. Nîtûgeretie mûrû wa îthe wetû ûcio maita meengî na nîtwonete arî na wendi mûno gûtethia. Na rîu nîûndû wa ûrîa amwîvokete, arî na wendi makîria wa gûka kûmûtethia.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

1Ath 5:22

na mûragîre maûndû monthe macûku.

1Tim 3:7

Agîrîrwe nî kwîthîrwa arî mûtîîe nî andû arîa matarî a kanitha, nîguo ndagaconorwe nîo na ndakagwe mûtegorî wa Ngoma.

1Tim 5:14

Kwoguo nîrona kwagîrîrîte aka a ndigwa arîa ethî mavike, magîe na ciana na mamenyerere mîciî yao. Meka ûguo, nthû cietû itikaagîa na kamweke ga gûtûruma.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

Ruthu 3:14

Kwoguo Ruthu nîwamamire vau magûrûrî ma Boazu nginya gûgîkîa, nwatî nîwaramûkire mbere ya kûthamburûkane nîûndû Boazu ndeendaga mûndû wanarî ûmwe amenye atî Ruthu aararîte kûu.