2Akor 8:2 - ÎVUKU RÎA ÛVORO MWARO

² Nîmaavîtûkîrîrîte mageriorî marito na mathînarî meengî. Nwatî wana ethîrwa maarî athîni mûno, gîkeno Kîamo Kîamrî kîngî nîûndû nîmaavecanire na ûtaana.

2Akor 8:2 ပူးပေါင်းရင်းမြစ်များ

Nthi 11:25

Mûndû mûtaana nîarathimagwa, nake mûndû ûrîa ûvecanaga wanake nîavecagwa.

Mathaayo 20:15

Nie nîrî na rûtha rwa gwîka wa ûrîa nî ngîenda gwîka na mbeca ciakwa. Ndwagîrîrwe nî kwîgua wîru nîûndû nî mûtaana.’ ”

Aroma 12:8

Ûrîa ûrî na kîveo gîa kûûmanîrîria, nwanginya aûmanagîrîrie. Ûrîa ûrî na kîveo gîa kûvecana indo ciake, nî avecanage na ûtaana. Mûndû ûrîa ûrî na kîveo gîa ûtongoria nî atongoragie na kîîo. Mûndû ûrîa ûrî na kîveo gîa kwîgucanîra ntha nîegucanagîre ntha akenete.

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 2:9

Nie namwandîkîre maarûa îo ngîmûgeria nîguo menye kana nîmwîthagîrwa mwîvarîrîtie kûmbathîkîra maûndûrî monthe.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

2Akor 9:11

Ke agatûmaga mûtonge na njîra cionthe nîguo mûvecanage vîndî cionthe. Nao andû eengî magaacokagia ngatho kûrî Ngai nîûndû wa iveo cienyu irîa makamûkagîra kuuma kûrî tue.

2Akor 9:13

Wîra wenyu wa ûtungata nîwonanîtie atî nîmwathîkîrîte ûvoro mwaro ûrîa mumbûraga wa Kristû na andû eengî magaakumia Ngai nîûndû wa ûtaana wenyu na nîûndû nîmûgaanaga indo cienyu nao wa vamwe na andû arîa engî.

Gûco 15:4

“Gûtirî mûndû wanarî ûmwe gatagatîrî ka andû enyu ûkethagîrwa arî mûthîni. Ngai-Mûnene nîakaamûrathima mûrî vûrûrirî ûrîa Ngai-Mûnene Ngai wenyu akûmûva mwîgwatîre ûrî îgai rîenyu,

1Ath 1:6

Nîmwegerekanirie natue na mûkîîgerekania na Mwathani. Nwatî wana ethîrwa nîmwathînîkire mûno, nîmwamûkîre ndûmîrîri îo mûrî na gîkeno kîrîa kiumaga kûrî Roho Mûtheru.

1Ath 2:14

Ariû na aarî a îthe wetû, mathîna marîa mwonire nwa ta marîa moonirwe nî etîkia a Jesû Kristû a makanitha ma Ngai ma Judea. Mwanyaririrwe nî andû enyu wata ûrîa maanyaririrwe nî Ayahudi,

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!