2Akor 8:10 - ÎVUKU RÎA ÛVORO MWARO

¹⁰ Naguo woni wakwa nî atî nî waro mûno mûrîkie rîu ûndû ûrîa mwambîrîrie kuuma mwaka mûthiru. Nîmue mwarî a mbere, na twa gwîka tu, nwatî wana kwenda gwîka.

2Akor 8:10 ပူးပေါင်းရင်းမြစ်များ

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Mathaayo 10:42

Nîramwîra na ma atî mûndû wa wonthe ûvecaga ûmwe wa aya anini gîkombe Kîam manjî ma mvevo ma kûnyua nîûndû nî arutwa akwa, nîakaavewa kîveo.”

Johana 11:50

Anga mûtiîcî nî kava mûndû ûmwe akuîre andû gûkîra gwîtîkîra rûrîrî ruonthe rûcûkangue.”

Johana 16:7

Nwatî nîramwîra na ma atî: nie nathiî nîmûkûgîa umithio nîûndû nîngîrega kûthiî mûtigaatûmîrwa Mûtethia. Nwatî nathiî nîngaamûtûma kûrî mue.

Johana 18:14

Kaiafa nîke wataarîte Ayahudi atî nî kava mûndû ûmwe akuîre andû onthe.

1Akor 10:23

“Tue nîtwîtîkîrîtue gwîka maûndû monthe,” ûguo nîguo o maugaga. Nwatî tî maûndû monthe maro. “Tue nîtwîtîkîrîtue gwîka maûndû monthe,” nwatî tî maûndû monthe matethagia andû arîa metîkîtie kûgîa na vinya.

1Akor 16:2

Wa mûthenya wa Jumaviri, wa mûndû nwa nginya aigage mbeca kûringana na ûrîa athûkûmîte. Wa mûndû nîwagîrîrwe nî kwiga mûthithû nîguo gûtikethîrwe kûrî na vata wa kûngania mbeca rîrîa ngaaûka.

1Akor 6:12

Mûndû avota kuga atîrî, “Nie nîrîmwîtîkîrie gwîka ûndû wa wonthe.” Ûguo nîguo, nwatî maûndû monthe tî maro kûrî mue mûkîmeka. Nie nwa mbuge atî nîrîmwîtîkîrie gwîka ûndû wa wonthe, nwatî ndigûtuwa ngombo nî ûndû wana ûrîkû.

1Akor 7:25

Ûvoro wîgiî arîa matavikanîtie, nie ndirî na rîathani kuuma kûrî Mwathani, nwatî nî woni wakwa nîravecana nîûndû nînduîkîte mûndû mwîvokeku nîûndû wa ntha cia Mwathani.

1Akor 7:40

Nwatî mûndûmûka ta ûcio angîrega kûvika rîngî, ke nwa ethîrwe arî mûkenu makîria. Ûcio nî woni wakwa, na nie nîreciria Roho wa Ngai nîke ûrandongoria.

2Akor 12:1

Nie nwa nginya nîtîîe, wana ethîrwa gûtirî na ûndû mwaro nganyita nîûndû wa gwîtîîa. Nwatî rîu nîngûthiî na mbere kwaria ûndû wîgiî cioneki irîa noonirue na ngîguûrîrua nî Mwathani.

2Akor 8:6

Kwoguo nîtwaûririe Tito athiî na mbere kûmûtethia mûrîkie ûtungati ûcio wa mwanya nîûndû nîke wawambîrîrîtie.

2Akor 8:8

Nie ndiramwîra ûguo takwa nîramwatha. Nwatî na njîra ya ûrîa arîa engî mendete gûtethia, nîrenda kûmenya ûrîa wendo wenyu wana guo ûrî wa ma.

2Akor 9:2

Nie nîmbicî atî mue nîmûrenda gûtethia, nanie nînetîire kûrî andû a Makedonia nîûndû wenyu na ngîmeera atîrî, “Ariû na aarî a îthe wetû a Akaia methîrîtwe mevarîrîtie gûtethia kuuma mwaka mûthiru.” Wendi wenyu wa kûvecana nîûtûmîte amwe ao mende kûvecana.

Afil 4:17

Nie ndirenda iveo kuuma kûrî mue, nwatî nîrenda mûgîe na maciaro marîa maumanaga na ûvecani.

Ahib 13:16

Mûtikariganîrwe nî gwîka waro na gûtethania mûndû na ûrîa wîngî, nîûndû mama nîmo magongoona marîa makenagia Ngai.