2Akor 7:4 - ÎVUKU RÎA ÛVORO MWARO

⁴ Nie nînîmwîvokete mûno; nînîtîîaga mûno nîûndû wenyu. Nîrî na ûmîrîru mathînarî metû monthe na nîmbîcûrîtwe nî gîkeno kîngî.

2Akor 7:4 ပူးပေါင်းရင်းမြစ်များ

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

Aroma 5:3

Wana nîtûkenaga twona mathîna nîûndû nîtwîcî atî mathîna maretaga kûmîrîria,

1Akor 1:4

Vîndî cionthe nînjokagia ngatho kûrî Ngai wakwa nîûndû wenyu, nîûndû wa wega wa Ngai ûrîa ke amûvete na njîra ya Jesû Kristû.

2Akor 1:14

nîûndû rîu mûtaûkîrîtwe nî maûndû mamwe marîa matwîgiî. Rîrîa mûthenya wa Mwathani wetû Jesû ûgaakinya nîmûgetîîa nîûndû wetû wata ûrîa twîthagîrwa tûgîtîîa nîûndû wenyu.

2Akor 1:4

Ke nîatûmagîrîria mathînarî metû monthe nîguo tûvotage kûmîrîria arîa engî marî na mathîna ma mîthemba yonthe, tûgîtûmagîra ûmîrîru wata ûrîa tue ene tûgwatîte kuuma kûrî Ngai.

2Akor 10:8

Nîûndû nie wana ngegatha vanini makîria ûvororî wîgiî vinya ûrîa tûvetwe nî Mwathani ndingîconoka. Nîûndû vinya ûcio nî wa gwaka wîtîkio wenyu na tî wa kûûthûkia.

2Akor 11:21

Nie nînîregua nthoni ngiuga atî tue tûtiarî na vinya wa gwîka maûndû mau! Nwatî ethîrwa mûndû wana ûrîkû nwa etîîe nîûndû wa kîndû, wa nanie nwa nîtîîe. Nie nîraria ta mûndû mûritu.

2Akor 2:14

Nwatî nîtûcokie ngatho kûrî Ngai! Nîûndû tûrî ûrûmwe na Kristû, Ngai nîatûvotanagîra vîndî cionthe. Na njîra yetû Ngai nîatambagia mûtararûko wa ûmenyo wa Kristû kûndû kuonthe.

2Akor 3:12

Na nîûndû tue tûrî na Kîîrîgîrîro gîkî, tûrî na ûmîrîru mwîngî.

2Akor 7:14

Nîûndû rîrîa nonanirie mwîtîîo kûrî ke nîûndû wenyu, mue mûtianjonorithia. Kwoguo mwîtîîo wetû kûrî Tito nîwonanîtie atî nî wa ma wata ûrîa tûtwîre tûmwîraga ûma.

2Akor 8:24

Kwoguo onaniani wendo wenyu kûrî o, nîguo makanitha monthe makaamenya nama atî tûtirî na mavîtia tûgîtîîa nîûndû wenyu.

Afil 1:14

Nîûndû wa kwîthîrwa nîrî njeera, nîgûtûmîte etîkia eengî mevoke Mwathani mûno. Kwoguo nîmavunjagia ndûmîrîri ya Mwathani matarî na guoya.

Afil 1:20

Nînîîriragîria mûno, na ngerîgîrîra atî ndigaaconoka nî ûndû wana ûrîkû, nwatî ngeethagîrwa nîrî na ûmîrîru rîu na vingo cionthe, nîguo mwîrî wakwa wonthe ûtûmage Kristû akumue ethîrwa nîrî mwoyo kana nîrî mûkuû.

Afil 1:26

nîguo rîrîa ngeethîrwa tûrî namue rîngî mûkeethîrwa mûrî na gîtûmi kîganu gîa gwîtîîa nîûndû wakwa mûtûûrîrerî wenyu mûrî na ûrûmwe na Kristû Jesû.

Afil 2:17

Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.

Akol 1:24

Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.

1Ath 2:19

Mue nî mue mwîrîgîrîro wetû, gîkeno gîetû na nthûmbî îrîa tûgetîîa nayo rîrîa Mwathani wetû Jesû Kristû agaaûka.

1Ath 2:2

Mbere ya gûka nîmwîcî ûrîa twanyaririrwe na tûkîrumwa tûrî Filipi. Nwatî wana gûtuîka nîtwakararirue mûno, Ngai wetû nîwatûvere ûmîrîru wa kûmûvunjîria ûvoro wake mwaro.

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.

File 1:7

Mûrû wa îthe wetû, wendo waku nîûtûmîte ngîe na gîkeno kînene na ûkanyûmîrîria mûno! We nîûcanjamûrîte ngoro cia andû onthe a Ngai.

Jakuvu 1:2

Ariû na aarî a îthe wetû, rîrîa mwagîa na magerio ma mîthemba na mîthemba, nîmwagîrîrwe nî gwîcûragwa nî gîkeno,