2Akor 7:3 - ÎVUKU RÎA ÛVORO MWARO

³ Nie ndirauga ûguo nîguo nîmûtuîre. Nînaamwîrire atî tue nîtûmwendete mûno na atî vîndî cionthe tûkethagîrwa tûrî vamwe vîndî îrîa tûrî mwoyo kana twakua.

2Akor 7:3 ပူးပေါင်းရင်းမြစ်များ

2Akor 11:11

Nie nîrauga ûguo nîûndû ndimwendete? Ngai nîwicî atî nie nîmwendete!

2Akor 12:15

Nîngaakena ngîtûmîra kîrîa kîonthe nîrî nakîo na ndûmîke nîguo nîmûtethie. Ethîrwa nînîmwendete mûno anga mue nwa mûmende vanini?

2Akor 13:10

Nîramwandîkîra ûguo nîrî kûraca namue, nîguo vîndî îrîa ngaaûka ndikamûvinyîrîrie ngîvûthîra vinya ûrîa mvetwe nî Mwathani. Mvetwe vinya ûcio nîguo mvote kûmûtethia nwatî tî kûmûcûkia.

2Akor 3:2

Mue ene nîmue maarûa yetû, yandîkîtwe ngororî cietû nîguo îthomwe na îmenywe nî andû onthe.

2Akor 7:12

Kwoguo wana ethîrwa nînaandîkire maarûa îo, ndiamîandîkire nîûndû wa mûndû ûrîa wavîtirie kana mûndû ûrîa wavîtîrue. Vandû va ûguo namîandîkire nîguo nîmwonie cararûkû mbere ya Ngai ûrîa wîrutîri wenyu kûrî tue wîkariî.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

1Ath 2:8

Nîûndû wa ûrîa twamwendete, twa ûvoro mwaro wa Ngai wonga twevarîrîtie kûgaana namue, nwatî twevarîrîtie kûgaana namue nginya mîoyo yetû. Twekire ûguo nîûndû wa kûmwenda.