2Akor 7:14 - ÎVUKU RÎA ÛVORO MWARO

¹⁴ Nîûndû rîrîa nonanirie mwîtîîo kûrî ke nîûndû wenyu, mue mûtianjonorithia. Kwoguo mwîtîîo wetû kûrî Tito nîwonanîtie atî nî wa ma wata ûrîa tûtwîre tûmwîraga ûma.

2Akor 7:14 ပူးပေါင်းရင်းမြစ်များ

Johana 17:19

Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

2Akor 10:8

Nîûndû nie wana ngegatha vanini makîria ûvororî wîgiî vinya ûrîa tûvetwe nî Mwathani ndingîconoka. Nîûndû vinya ûcio nî wa gwaka wîtîkio wenyu na tî wa kûûthûkia.

2Akor 12:6

Ethîrwa nwa mende gwîtîîa, ndingîthîrwa nîrî mûritu nîûndû nîngîthîrwa ngîaria ûma. Nwatî ndigwîtîîa nîûndû ndikwenda mûndû wana ûmwe eciria ûvoro wakwa makîria ya ûrîa amonaga kana egucaga kuuma kûrî nie.

2Akor 2:13

Nwatî nînatangîkire nîûndû ndiona mûrwaiya Tito kuo. Kwoguo nînaugîre andû ûvoro kuo na ngîthiî Makedonia.

2Akor 7:13

Kîu nîkîo gîatûmire tûmîrîria. Wa vamwe na kûmîrîrua gwetû, nîtwakenire mûno twona ûrîa Tito aakenete nîûndû wa ûrîa muonthe mwatûmire oneke arî mwîganîru.

2Akor 7:4

Nie nînîmwîvokete mûno; nînîtîîaga mûno nîûndû wenyu. Nîrî na ûmîrîru mathînarî metû monthe na nîmbîcûrîtwe nî gîkeno kîngî.

2Akor 7:6

Nwatî Ngai ûrîa ûmagîrîria arîa marî na mathîna, nîwatûmîrîrie rîrîa Tito aûkire.

2Akor 8:24

Kwoguo onaniani wendo wenyu kûrî o, nîguo makanitha monthe makaamenya nama atî tûtirî na mavîtia tûgîtîîa nîûndû wenyu.

Afil 1:26

nîguo rîrîa ngeethîrwa tûrî namue rîngî mûkeethîrwa mûrî na gîtûmi kîganu gîa gwîtîîa nîûndû wakwa mûtûûrîrerî wenyu mûrî na ûrûmwe na Kristû Jesû.

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.