2Akor 7:11 - ÎVUKU RÎA ÛVORO MWARO

¹¹ Nîûndû ûcio taroriani ûrîa Ngai eekire nîûndû wa kîeva kîenyu. Kîeva kîu nîgîatûmire mûgîe na kîîo, gîgîtûma mwende kwonania atî mûtiarî na mavîtia, gîgîtûma mûrakare na mwîtigîre. Nîgîatûmire mwende kûmona, kwîrutîra na kwenda kwona gûgîkwa ûrîa kwagîrîrîte. Nîmwonanîtie atî mûtirî na mavîtia maûndûrî monthe.

2Akor 7:11 ပူးပေါင်းရင်းမြစ်များ

Nehemia 13:25

Nînakararanirie nao na ngîmaruma irumi, amwe ao ngîmariva na ngîmakûranga njuîrî cia ciongo. Nînaamevîtithirie na rîîtwa rîa Ngai atî gûtirî vîndî îngî o kana ciana ciao ikaavikia kana ivikue nî andû acio.

Ayubu 42:6

Kwoguo, nîngûvera ngîvakaga rûkûngû na mûu, nîreyonaga nîrî kîndû Kîam mana.”

Thaburi 119:139

Nîmbakanagwa nî marakara, nîûndû nthû ciakwa nîiriganagîrwa nî ciugo ciaku.

Thaburi 130:6

Mbetagîrîra Ngai-Mûnene gûkîra ûrîa arangîri metagîrîra gûkîe, gûkîra ûrîa arangîri metagîrîra gûkîe.

Thaburi 145:19

Nîavingagia mavata ma arîa onthe mamûtîîte, nîegucaga kîrîro Kîamo na akamavonokia.

Thaburi 2:11

Goocagani Ngai-Mûnene na gîtîîo mûkinainaga,

Thaburi 35:13

Nwatî rîrîa maarî arwaru, nînekîrire nguo ya macakaya; nînenyerekirie, na naavoyaga nyînamîtie kîongo gîakwa,

Thaburi 38:9

We Mwathani, nîwicî maûndû monthe marîa mendaga; we nîwîgucaga gûcaa gwakwa kuonthe.

Thaburi 42:1

Wata ûrîa nthwariga înyondagîra manjî ma rûnjî, nwaguo ngoro yakwa îkûnyondagîra, we Ngai wakwa.

Thaburi 69:9

Wendo ûrîa mendete nyomba yaku nîguo ûranthiria; irumi irîa makûrumaga nînie inyitaga.

Nthi 14:16

Mûndû mûûgî nîwîmenyagîrîra na nîaûragîra maûndû macûku, nwatî mûndû kîrimû ndamakaga na ekaga maûndû na îvenya.

Nthi 28:14

Gûkena nî mûndû ûrîa wîtigagîra Ngai-Mûnene vîndî cionthe, nwatî mûndû wa ngoro nyûmû arîkagîrîria thînarî.

Rwîmbo rwa Nyîmbo 8:6

Ngororî yaku ndûkagîe wendo na mûndû wîngî tiga nie, ndûkamumunye mûndû wîngî tiga nie. Nîûndû wendo ûrî vinya ta gîkuû, wîru nî mûcûku ta gîkuû kîo kîene. Wendo ûrîrîmbûkaga ta mwaki, wakanaga ta mwaki ûtangîvoreka.

Isaia 26:8

We Ngai-Mûnene nîtûgwetagîrîra, tûrûmîrîrîte matuîro maku ma ciira; na ngoro cietû nwawe ciîriragîria.

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Danieli 6:14

Rîrîa mûthamaki egwire ûguo, nîwathînîkire mûno na agîîciria ûrîa angîtethûra Danieli. Aatindire mûthenya mûgima akîgeragia ûrîa angîvonokia Danieli.

Maariko 3:5

Jesû nîwamaroririe arakarîte na arî na kîeva kîîngî mûno ngororî yake nîûndû wa ûrîa maaûmîtie ngoro ciao. Nîwacokire akîra mûndû ûcio wonjete njara atîrî, “Tambarûkia njara yaku.” Nake nîwamîtambarûkirie na îkîvua.

Johana 2:17

Nao arutwa ake nîmaaririkanire atî Mandîko Matheru nîmaugîte atîrî, “Kîîo kîrîa nîrî nakîo nîûndû wa nyomba yaku nîkîo gîkaandîa.”

Ciîko 17:16

Na rîrîa Paûlo eetererete Sailasi na Timotheo kûu Athene, nîwarakarire mûno nîûndû wa kwona ûrîa îtûûra rîu rîecûrîte mîvuanano.

Aroma 11:20

Nî ûvoro wa ma. Mvûa ciakavûrangirwe nîûndû itietîkia na mue mwîthagîrwa mûrî gîcunjî Kîam mûtî ûcio nîûndû nîmwîtîkîtie. Nwatî ndûgetîîe nîûndû wa ûguo, vandû va ûguo îîtigîreni.

Aroma 14:18

Rîrîa andû matungatîra Kristû na njîra ta îno, nîmakenagia Ngai na magetîkîrwa nî andû arîa engî.

Aroma 3:5

Nîtuga atîa ethîrwa waganu wetû nîguo ûtethagîrîria kwonania kîvooto Kîam Ngai, nwa tuge atî Ngai nî mûvîtiu vîndî îrîa agûtûverithia? (Ava nîraria tu ûrîa andû a nthî maragia).

1Akor 12:25

Kwoguo mwîrîrî gûtirî ngaûkano, nwatî ciîga cionthe ngûrani ciaguo nîimenyanagîrîra cio mene.

1Akor 5:13

Nîûndû mandîko matheru maugîte atîrî, “Îngatani andû arîa mekaga naaî maume gatagatîrî kenyu.”

1Akor 5:2

Na mue nîmwîtîîaga! Vandû va gwîtîîa mwagîrîrwe nî gwîcûrwa nî kîeva na mwîngate mûndû ûcio wîkîte gîîko kîu aume gatagatîrî kenyu.

2Akor 13:7

Nwatî tûvoyaga Ngai mûtikevie. Tue tûtivoyaga ûguo nîguo twonanie atî nîtwîkîte waro, nwatî nîguo mwîke ûrîa kwagîrîrîte wana ethîrwa twonagwa tûrî agwîu.

2Akor 2:6

Îvera rîrîa eengî enyu maavere mûndû ûcio nî rîganu.

2Akor 6:4

Vandû va ûguo, maûndûrî monthe marîa twîkaga twonanagia atî tûrî ndungata cia Ngai na njîra ya gûkirîrîria tûmîrîrîtie mathîna, morito na kûthînîka kwîngî.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

2Akor 7:7

Na tûtiaûmîrîrue nî gûka gwake kuonga, nwatî wana nîûndû wa kûmenya ûrîa mwamûmîrîrie. Ke nîwatwîrire ûrîa mûrî na wendi mwîngî wa kwenda kûmona, ûrîa mûrî na kîeva na ûrîa mwîvarîrîtie kûngitîra. Kwoguo wana nîmûkenu mûno rîu.

2Akor 7:9

Nwatî rîu nîrî na gîkeno na tî nîûndû wa kûmwîgwithia kîeva, nwatî nîûndû kîeva kîenyu nîgîatûmire mûgarûrûke. Kîeva kîrîa mwegwire nî Ngai watûmire mwîgue, kwoguo tue tûtiamûvîtîria.

2Akor 9:2

Nie nîmbicî atî mue nîmûrenda gûtethia, nanie nînetîire kûrî andû a Makedonia nîûndû wenyu na ngîmeera atîrî, “Ariû na aarî a îthe wetû a Akaia methîrîtwe mevarîrîtie gûtethia kuuma mwaka mûthiru.” Wendi wenyu wa kûvecana nîûtûmîte amwe ao mende kûvecana.

Aefeso 4:26

Mûngîrakara, mûtigetîkîre marakara menyu matûma mwîvie na mûtigekare mûrakarîte mûthenya wonthe.

Aefeso 5:11

Tigagani kûgwatanîra na andû arîa mekaga maûndû marîa matarî vata na mekagîrwa ndumarî. Vandû va ûguo, tigagani maûndû mau mamenyekanage nî andû.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

1Tim 5:20

Andû arîa mekaga mevia magîrîrwe nî gûkaanua marî mbere ya andû onthe nîguo andû arîa engî metigîre.

2Tim 2:15

Geria mûno wa ûrîa ûngîvota gûtuîka mwîvokeku rîrîa ûkûruta wîra wa Ngai. Tuîka mûruti wîra ûrîa ûtaconokaga nî ûndû wa wîra ûrîa arutaga na mûndû ûthomithagia waro ûvoro wa ma wa Ngai.

Tito 3:8

Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.

Ahib 4:1

Na rîu, nîûndû Ngai nîatûvete kîîranîro gîa gûgaatonya kîvurûkorî gîake, nîtwîmenyagîrîreni nîguo gûtikethîrwe kûrî mûndû wana ûmwe gatagatîrî kenyu ûkaaremwa nî gûtonya.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

1Pet 1:17

Rîrîa mûravoya Ngai nîmûmwîtaga Vava. Nake atucaga cira ya wa mûndû wa mûndû atarî na kîmenyano. Atucaga cira kûringana na ûrîa wa mûndû wa mûndû ekîte. Kwoguo rîrîa mûrî gûkû nthî tûûragani mûrî na gîtîîo kûrî Ngai.

1Pet 2:2

Tuîkagani ta tûkenge. Vîndî cionthe nyondagîrani îriia rîrîa rîtheru rîa Kîîroho nîguo mwarînyua mûkûre na mûvonokue.

Juda 1:23

Vonokagiani arîa engî na njîra ya kûmathara kuuma mwakirî. Nao arîa engî megucagîreni ntha mûrî na guoya, na mûmenage nguo ciao irîa ithanîtue nî merirîria mao macûku.

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.