2Akor 7:10 - ÎVUKU RÎA ÛVORO MWARO

¹⁰ Nîûndû kîeva kîrîa Ngai egwithanagia nîgîtûmaga andû magarûrûke na gîkamatongoria kûrî ûvonokio, na ûguo ndwagîrîrwe gûtûma mûndû akua ngoro. Nwatî kîeva kîrîa kiumanaga na ûmûndû nîkîretage gîkuû.

2Akor 7:10 ပူးပေါင်းရင်းမြစ်များ

Kîam 30:1

Rakeli ndethîrîtwe aciarîrîte Jakovu mwana. Kwoguo Rakeli nîweguîrîre mwarwang'ina wîru, na akîra Jakovu atîrî, “Mva ciana kana ngue.”

2Sam 12:13

Daudi nîwerire Nathani atîrî, “Nie nîmvîtîrîtie Ngai-Mûnene.” Nake Nathani nîwerire Daudi atîrî, “Ngai-Mûnene nîwakûovera mevia maku, na tîûkua.

2Sam 13:4

Jonadabu nîwaûririe Amunoni atîrî, “We wî mûvîcî wa mûthamaki. Nîndûî kîrakûthînia nîûndû monaga wî mûrakaru mîthenya yonthe?” Amunoni nîwamûcokerie atîrî, “Nîmendete Tamarû mwarwang'ina na Abusalomu mûrwaiya.”

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

1Atha 21:4

Ahabu nîwathiîre mûciî gwake arî mûrakaru na ûthû mwîngî nîûndû wa ûrîa Nabothi aamwîrîte, atî tîamûnengera mûgûnda wa mîthabivû nîûndû aaûgaire kuuma kûrî methe make. Ahabu nîwamamire ûrîrîrî wake erekerete rûthingo, na ndangîarîre irio.

Thaburi 38:18

Nînîraumbûra mevia makwa; mevia makwa nî maratûma nthînîke.

Nthi 15:13

Andû marî na gîkeno, nî mathekaga, nwatî marî arakaru monekaga marî na kîeva.

Nthi 15:15

Andû arîa athîni vîndî cionthe matûûraga na thîna, nwatî andû arîa akenu vîndî cionthe matûûraga ta marî na kîrugo.

Nthi 17:22

Mwîrî wa mûndû mûkeni wîkaraga ûrî na vinya, nwatî mwîrî wa mûndû ûrîa wîkaraga na kîeva nîûthiraga vinya.

Nthi 18:14

Mwîrîgîrîro wa gûtûûra mwoyo nîûtûmaga mûndû eyûmîrîrie rîrîa arî mûrwaru, nwatî mwîrîgîrîro ûngîthira gûtirî mûndû ûngîvota kwîyûmîrîria.

Mûvunjia 7:3

Kîeva nî Kîamro gûkîra gîkeno, nîûndû kîeva gîtûmaga mûndû atukia kîthithi na ngoro îgacanjamûka.

Jeremia 31:9

Magaûka makîrîraga methori, nîngamatongoria macoke ngîmaûmagîrîria. Nîngatûma mathiîrîre rûtere rwa tûrûnjî, makaathiîrîra njîrarî nûngarû matakûvîngwa, nîûndû nie nîrî îthe wa Isiraeli, na Efiraimu nî îrikithathi rîakwa.

Ezek 7:16

Andû arîa makaavonoka nîmakaaûra na mathiî magekarage irîmarî, magîcayaga ta ndutuura cia ciandarî, wa mûndû nîûndû wa mevia make.

Jona 3:10

Rîrîa Ngai oonire ûrîa meekire na ûrîa maatiganire na ciîko ciao cia waganu, nîwericûkirwe na ndaamaverithia ta ûrîa aaugîte nîagwîka.

Jona 3:8

Andû onthe wana nyamû cia kûrîthua nwanginya ciîkîrwe nguo cia macakaya. Mûndû wa wonthe nwanginya avoe na kinyi kûrî Ngai na atige mîtugo yake mîcûku na ciîko ciake cia waganu.

Jona 4:9

Nwatî Ngai nîwerire Jona atîrî, “Kûrî na vata wa kûrakarîra kamûtî kau?” Nake Jona nîwacokirie atîrî, “Nîrî na kîvooto gîa kûrakara, kûrakara nginya ngerirîria gûkua!”

Mathaayo 26:75

Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.

Luka 15:10

Nîramwîra atî, ûguo nwa guo araika a Ngai makenagîra mwîvia ûmwe ûrîa wîrirîte mevia make.”

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

2Akor 7:9

Nwatî rîu nîrî na gîkeno na tî nîûndû wa kûmwîgwithia kîeva, nwatî nîûndû kîeva kîenyu nîgîatûmire mûgarûrûke. Kîeva kîrîa mwegwire nî Ngai watûmire mwîgue, kwoguo tue tûtiamûvîtîria.

Ahib 12:17

Mue, nîmwicî atî vuvarî, Esaû nîwendaga îthe amûrathime. Nwatî îthe ndaamûrathima, nîûndû Esaû ndaavota kwona ûndû wa kûgarûra ûrîa eekîte wana ethîrwa nîwaûcaragia akîrîraga methori.

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.