2Akor 6:11 - ÎVUKU RÎA ÛVORO MWARO

¹¹ Arata etû arîa mûrî Korinitho, tûmwarîrîtie tûtakûmûthitha wanarî ûndû na tûvingûrîte ngoro cietû.

2Akor 6:11 ပူးပေါင်းရင်းမြစ်များ

Ayubu 32:20

Nwanginya mbarie nîguo mvûcûke, nama nwa nginya mbarie.

Thaburi 119:32

Ngaarûmagîrîra ûrîa maathani maku maugîte, nîûndû nîûmvecaga ûtaûku mwîngî.

Thaburi 51:15

We Mwathani, mvotithia kwaria, na nîngûgûkumia.

Isaia 60:5

Nîûkoona ûguo, na wîcûrwe nî gîkeno, ngoro yaku nîgaacanjamûka nî gûkena, nîûndû ûtonga wa ndûrîrî nîûkaaretwe kûrî we, ûtonga wa îriarî nîûkaaretwe kûrî we.

Ezek 33:22

Kîvwaî mbere ya mûndû ûcio aûka nînagîte na vinya wa Ngai-Mûnene. Kwoguo rîrîa mûndû ûcio waûrîte aûkire kîraûko Kîam mûthenya ûcio warûmîrîrîte, Ngai-Mûnene nîwamûvere ûvoti wa kwaria.

Habakuku 2:5

Ûtonga nîûtûmaga mûndû aveenanie; andû arîa etîi mativurûkaga, mekariî ta gîkuû kîo kîene, matiîganagîra. Kîu nîkîo gîtûmaga eyûnganîria ndûrîrî cionthe, na agacokanîrîria andû onthe matuîke ake.

Ciîko 18:1

Na vuva wa ûguo, Paûlo nîwaumire Athene na akîthiî Korinitho.

Ciîko 18:8

Kirisipo ûrîa warî mûnene wa îvoero rîu, na andû onthe a mûciî wake nîmeetîkirie Mwathani. Wana andû engî eengî arîa maarî kûu Korinitho nîmaathikîrîrie Paûlo, magîtîkia na makîvatithua.

2Akor 12:15

Nîngaakena ngîtûmîra kîrîa kîonthe nîrî nakîo na ndûmîke nîguo nîmûtethie. Ethîrwa nînîmwendete mûno anga mue nwa mûmende vanini?

2Akor 2:4

Nie naamwandîkîre nîrî na mathîna meengî na kîeva kîngî mûno ngororî yakwa ngîtûrûraga methori. Mworoto wakwa ndwarî wa gûtûma mwîgue kîeva, nwatî warî wa gûtûma mûmenye ûrîa nîrî na wendo mwîngî kûrî mue muonthe.

Agal 3:1

Mue Agalatia aya aritu! Nû wamûrogire? Nîmwataarîrue waro ûrîa Kristû aakwire arî mûtharavarî.

Agal 4:12

Ariû na aarî a îthe wetû, nîramûthaitha mwîkare ta nie, nîûndû wana nie mbîkariî ta mue. Mûtianamvîtîria.

Aefeso 6:19

Mvoyagîrani wa nanie atî rîrîa navingûra kanyua gakwa, Ngai amvecage ciugo nîguo mbaragie nthitho ya ûvoro mwaro ndarî na guoya.

Aefeso 6:8

Mûndû wa wonthe wana ethîrwa nî ngombo kana tî ngombo, nîamenyage atî Mwathani nîakaava wa mûndû kîveo nîûndû wa wîra mwaro ûrîa wa mûndû ekaga.

Afil 1:8

Ngai nî mûira atî nîraria ûma vîndî îrîa nguga atî wendo wakwa kûrî mue wîthagîrwa umîte ngororî ya Jesû Kristû ke mwene.

Afil 4:15

Mue andû a kanitha wa Filipi nîmwîcî waro atî Kîammbîrîriarî gîa kûvunjia ûvoro mwaro naauma Makedonia, kanitha wenyu wonga nîguo wandethirie rîrîa naarî na thîna na nîrî mathînarî.

Kûguû 22:12

Nake Jesû arauga atîrî, “Tathikîrîriani, nîmbûka warîu! Nie nîmbûka na iveo ciakwa nîguo mve wa mûndû kûringana na ûrîa ekîte.

1Sam 2:1

Hana nîwavoire na akiuga atîrî, Ngai-Mûnene nîecûrîtie gîkeno ngororî yakwa, nie nîngenete nîûndû wa ûrîa ekîte. Nînthekagîrîra nthû ciakwa, nîrî mûkenu nîûndû Ngai nî amvonoketie!