2Akor 5:14 - ÎVUKU RÎA ÛVORO MWARO

¹⁴ Tue twathagwa nî wendo wa Kristû, nîûndû nîtûmenyete atî mûndû ûmwe nîwakwire nîûndû wa andû onthe. Kwoguo andû onthe nîmagaanaga gîkuû gîake.

2Akor 5:14 ပူးပေါင်းရင်းမြစ်များ

1Maû 11:18

Athigari arîa athatû njamba nîmaavîtûkîrîre varîa athigari a Afilisiti maambîte magema mao, nîmaathiîre magîtava manjî na makîvirîra Daudi. Nwatî Daudi ndaanyua manjî mau, vandû va ûguo nîwametûrûrire nthî marî ta îtega kûrî Ngai-Mûnene

Ayubu 32:18

Nîûndû nîrîmwîcûre nî ndeto, roho wakwa nîûraningîrîria kwaria.

Rwîmbo rwa Nyîmbo 1:4

Mboca tûthiî nawe na îvenya, tuîka mûthamaki wakwa na ûmvire gwaku mûciî. Tûgakenaga tûrî vamwe, tûgakumagia wendo waku gûkîra ndivei. Aka onthe nîmakwendete.

Isaia 53:6

“Tue tuonthe nî tûrîte ta ng'ondu, wa mûndû akathiî njîra yake ke mwene. Nwatî Ngai-Mûnene nîwamwigîrîre mevia, marîa twagîrîrwe nî gûkuua tuonthe.

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Luka 15:24

nîûndû mwanake ûyû wakwa ararî mûkuû, nwatî rîu nîmûriûku; ararî mûru nwatî rîu nîmwoneku.’ Na kwoguo nîmaambîrîrie gûkenanîra.

Luka 15:32

Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Luka 24:29

Nwatî arûmîrîri acio nîmaamûthaithire makîmwîraga atîrî, “Îkarania natue nîûndû kûthiîte gûtuka.” Kwoguo Jesû nîwathûkirie na agîkarania nao.

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Johana 11:25

Jesû nîwamwîrire atîrî, “Nie nînie kûriûka na nînie mwoyo. Mûndû wa wonthe ûmbîtîkîtie wana akua nîagaatûûra mwoyo;

Johana 5:25

Nie nîramwîra na ma atî îvinda nîrîkuvîvîriu na nîrîrîkîtie gûkinya. Îvinda rîîrî nîrîo akuû makeegua mûgambo wa Mûriû wa Ngai, na arîa makaawîgua nîmakaagîa na mwoyo.

Ciîko 18:5

Na rîrîa Sailasi na Timotheo maakinyire maumîte Makedonia, Paûlo nîwambîrîrie gûtûmîra mavinda monthe make na wîra wa kûvunjia na akarutaga ûira kûrî Ayahudi akiugaga atî Jesû nîke Mesaya.

Aroma 2:2

Nîtwîcî atî îtua rîa Ngai nî rîa ma kûrî andû arîa mekaga maûndû ta mau.

Aroma 5:15

Nwatî Adamu na mûndû ûcio methagîrwa marî na ngûrani, nîûndû kîveo Kîam Ngai tî ûndû ûmwe na mevia ma Adamu. Andû eengî nîmaakwire nîûndû wa mevia ma mûndû ûcio ûmwe. Nwatî wega wa Ngai nî mwîngî makîria, kwoguo andû eengî nîmaamûkîre kîveo kuuma kûrî Ngai na njîra ya wega wa mûndû ûmwe na nîke Jesû Kristû.

Aroma 6:13

Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.

Aroma 6:6

Nîtwîcî atî ûmûndû wetû wa tene nîwambirwe mûtharavarî vamwe na Kristû nîguo vinya wa mwîrî ûrîa wîvagia ûthirue na tûtigacoke gûtuîka ngombo cia mevia.

1Akor 16:22

Mûndû wa wonthe ûtendete Mwathani arogwatwa nî kîrumi. Maranatha: Mwathani wetû, ûka!

1Akor 2:14

Mûndû wa wonthe ûtarî na Roho ndangîvota kwamûkîra iveo irîa ciumaga kûrî Roho wa Ngai. Andû ta acio meciragia ûcio nî ûrimû nîûndû vata waguo ûngîtuîrua tu na njîra ya Kîîroho.

2Akor 3:7

Watho ûrîa waretire gîkuû wandîkîtwe ivengererî cia mathiga. Naguo waûkire ûrî na riiri wa Ngai ûrîa watûmire ûthiû wa Musa ûkenga mûno na andû a Isiraeli matingîavotire gwîkara maûroretie. Nwatî vuvarî riiri ûcio nîwathirire.

2Akor 3:9

Ethîrwa watho ûrîa ûtucagîra andû warî na riiri, na kinthî wîra wa Roho wa Ngai ûrîa ûtucaga andû athingu ndûrî na riiri makîria.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Aefeso 6:24

Wega wa Ngai ûrekara na arîa onthe mendete Mwathani wetû Jesû Kristû marî na wendani ûrîa ûtathiraga.

Akol 2:13

Vîndî îmwe mwarî akuû kîîroho nîûndû mwarî evia na mwarî andû a Ndûrîrî arîa matarî watho. Nwatî rîu Ngai nîarîkîtie kûmûva mwoyo vamwe na Kristû, na agatwovera mevia metû monthe.

Akol 3:3

Nîûndû nîmwakwire na rîu mwoyo wenyu ûthithîtwe vamwe na Kristû kûrî Ngai.

1Tim 2:6

Ke nîke wevecanire nîguo akûûre andû onthe kuuma meviarî. Ûndû ûcio nîwonanirie na ma kavinda karîa kaagîrîrîte atî Ngai nîwendaga andû onthe mavonoke,

1Tim 5:6

Nwatî mûndûmûka wa ndigwa ûrîa ûtûûraga ekenagia na maûndû marîa eriragîria, nî mûkuû wana ethîrwa onekaga arî mwoyo.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Ahib 2:9

Nwatî twonaga Jesû ûrîa gwa kavinda kanini watuirwe mûnini gûkîra araika, nîguo na njîra ya wega wa Ngai akue nîûndû wa andû onthe. Na rîu tûmwonaga ekîrîte nthûmbî îrî na riiri na gîtîîo nîûndû wa ûrîa aathînirue na agîkua.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

1Pet 1:8

Mue mûtianona Kristû, nwatî nîmûmwendete. Mue rîu mûtiramwona, nwatî nîmûmwîtîkîtie. Kwoguo nîmûkenaga gîkeno kînene mûno na gîtangîgweteka na ciugo,

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.