2Akor 4:6 - ÎVUKU RÎA ÛVORO MWARO

⁶ Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

2Akor 4:6 ပူးပေါင်းရင်းမြစ်များ

Kîam 1:3

Nake Ngai nîwaugire atîrî, “Nî kûgîe ûtheri;” nakuo nîkwagîre na ûtheri.

Thaburi 63:2

Nîrenda gûkwona ûrî vandû varîa vatheru; mone vinya waku na riiri waku.

Thaburi 74:16

We nîwaûmbire mûthenya wana ûtukû; nîwaigire riûa vandû va rîo na ûkiga mweri vandû va guo.

Thaburi 90:16

Tûma ndungata ciaku cione ciîko ciaku cia vinya, na ûtûme njiarwa cietû cione riiri wa vinya waku.

Isaia 35:2

Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.

Isaia 40:5

Naguo riiri wa Ngai-Mûnene nîûkonanua, nao andû onthe nîmakawona, nîûndû Ngai-Mûnene nîke ugîte ûguo.”

Isaia 45:7

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Isaia 60:2

Taroria nduma nîgaakunîka nthî, na nduma ndumanu îkunîke andû; nwatî Ngai-Mûnene nîagaakûmûrîkîra, na riiri wake nîûkooneka îgûrû rîaku.

Luka 10:22

“Vava nîmûnengeru maûndû monthe. Gûtirî mûndû wana ûmwe wîcî Mûriû tiga Îthe, na gûtirî mûndû wana ûmwe wîcî Vava tiga Mûriû na andû arîa Mûriû endaga kûmenyithia ke nû.”

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 11:40

Jesû nîwamwîrire atîrî, “Na kinthî ndikwîrire wetîkia nîûkwona riiri wa Ngai?”

Johana 12:41

Isaia aaugire ûguo nîûndû nîwonire riiri wa Jesû na akîaria ûvoro ûmwîgiî.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

1Akor 12:8

Roho nîavecaga mûndû ûmwe ndûmîrîri îcûrîte ûûgî, na Roho wa ûcio akava mûndû wîngî ndûmîrîri îcûrîte ûmenyo.

2Akor 2:10

Ethîrwa mue nîmwovera mûndû, wa nanie nînovera mûndû ûcio. Nakîo kîrîa nie novanîra ethîrwa naarî na ûndû wa kwovanîra nie novanîre nîûndû wenyu nîrî mbere ya Kristû.

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

Aefeso 1:17

Mvoyaga Ngai wa Mwathani wetû Jesû Kristû, ûrîa arî ke Îthe wetû ûrî riiri amûve Roho ûrîa ûgûtûma mûvîge na ûkûmûguûrîria Ngai nîguo mûmûmenye waro.

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

Afil 2:6

Ke aarî na Ûngai, Nwatî ndeciria atî nwa atûmîre vinya nîguo eganane na Ngai.

Akol 1:15

Kristû nîke mûvuano wa Ngai ûrîa ûtonekaga. Nîke Mûriû wa îrikithathi na nî mûnene gûkîra indo cionthe irîa ciaûmbirwe.

1Ath 2:12

Tue, nîtwamûûmagîrîria, nîtwamûthaithaga na nîtwekaraga tûkîmûringagîrîria mûtûûrage na mûtûûrîre ûrîa ûkenagia Ngai ûrîa ûmwîtaga ûthamakirî wake ûrîa ûrî na riiri.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 6:4

Andû arîa matiganîrîtie wîtîkio wao nî vinya kûmagarûra nîguo mavere. Nîûndû nîmonete ûtheri na magacama kîveo Kîam îgûrû na makagaîrwa Roho Mûtheru.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

2Pet 1:19

Na tûrî na ûma makîrîa wa ndûmîrîri îrîa yanîrîrwe nî arathi. Nîmwagîrîrwe nî kûthikîrîria ndûmîrîri îo, nîûndû yo îkariî ta taa yakanîte vandû ndumarî nginya gûkîe, na ûtheri wa njata ya kîraûko ûgakengaga ngororî cienyu.