2Akor 4:14 - ÎVUKU RÎA ÛVORO MWARO

¹⁴ Nîtwîcî atî Ngai ûrîa wariûkirie Mwathani Jesû nî agaatûriûkia vamwe na Jesû na atwige tûrî vamwe namue mbere yake.

2Akor 4:14 ပူးပေါင်းရင်းမြစ်များ

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Ciîko 2:24

Nwatî Ngai nîwariûkirie Jesû na akîmwovora ûrûrûrî wa gîkuû, nîûndû gûtingîavotekire atûûre ovetwe nîkîo.

Ciîko 2:32

Ngai nîwariûkirie Jesû ûyû na tue tuonthe tûrî aira a ûma ûyû.

Aroma 8:11

Ethîrwa Roho wa Ngai ûrîa wariûkirie Jesû Kristû atûûraga ndaarî yenyu, ûcio wariûkirie Jesû Kristû nî akaava mîîrî îo yenyu îrîa îkuucaga mwoyo. Ageeka guo na njîra ya Roho ûcio wake ûrîa ûtûûraga ndaarî yenyu.

1Akor 6:14

Na njîra ya vinya wake Ngai nîwariûkirie Mwathani, na wa natue nîagaatûriûkia.

2Akor 11:2

Nînîramwîguîra wîru wata ûrîa Ngai amwîgucagîra, nîûndû mue mwîkariî ta mwîrîtu nthingi ûrîa nerîrîre akaavikua nî mûthuuri ûmwe, na nîke Jesû Kristû.

Aefeso 5:27

Aakwire nîguo egîîre na kanitha wîkariî ta mûviki, ûrî na riiri na mûtheru, na ûtarî na îvîtia, wîvia, naaî kana ûcûku wana ûrîkû.

Akol 1:22

Nwatî rîu na njîra ya kûûragwa kîîmwîrî kwa Mûriû wake, Ngai nîarîkîtie kûmûtua arata ake nîguo amûrete mbere yake mûrî atheru na athingu na mûtarî na ûcuke.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

1Ath 4:14

Nîtwîtîkîtie atî Jesû nîwakwire na akîriûka. Kwoguo nîtwîtîkîtie atî Ngai nî akaarete vamwe na Jesû andû arîa makuîte mamwîtîkîtie.

Jakuvu 5:15

Namo mavoya mau mangîvowa na wîtîkio nîmakûvonia mûndû ûcio ûrwarîte na Mwathani acokerie mûndû ûcio ûgima wake wa mwîrî. Na ethîrwa mûndû ûcio nîwîtîkîtie nîakwoverwa mevia make.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,