2Akor 4:12 - ÎVUKU RÎA ÛVORO MWARO

¹² Ûguo nî kuga gîkuû kîthagîrwa gîkîruta wîra ndaarî yetû, naguo mwoyo wîthagîrwa ûkîruta wîra ndaarî yenyu.

2Akor 4:12 ပူးပေါင်းရင်းမြစ်များ

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

1Akor 4:10

Tûrî irimû nîûndû wa Kristû. Nwatî mue mûrî aûgî mûrî na ûrûmwe na Kristû. Tûtirî na vinya, nwatî mue mûrî na vinya! Mue mûrî atîîe nwatî tue tûrî anyarare!

2Akor 12:15

Nîngaakena ngîtûmîra kîrîa kîonthe nîrî nakîo na ndûmîke nîguo nîmûtethie. Ethîrwa nînîmwendete mûno anga mue nwa mûmende vanini?

2Akor 13:9

Tue nîtûkenaga rîrîa tûtarî na vinya namue mûrî na vinya. Kwoguo ûrîa tûvoyaga nî atî mûtuîke agîrîru.

2Akor 4:11

Nîûndû tue arîa tûrî mwoyo vîndî cionthe twîthagîrwa tûrî thînarî wa gûkua nîûndû wa Jesû, nîguo mwoyo wake wonekage mîîrîrî îno yetû îkucaga.

2Akor 4:13

Kwandîkîtwe mandîkorî matheru atîrî, “Nie naaririe nîûndû nînetîkirie.” Kwoguo tûrî mwoyo ûcio wa wîtîkio, tue wanatue nîtwaragia nîûndû nîtwîtîkîtie.

Afil 2:17

Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.

Afil 2:30

nîûndû aarî vakuvî gûkua nîûndû wa wîra wa Kristû. Ekire ûguo nîguo andethie na ûtethio ûrîa mue mûtangîavotire kûmva.

1Joh 3:16

Ûndû ûrîa ûtûmenyithagia ûrîa wendo wîkariî, nî ûyû: atî Kristû nîwarutire mwoyo wake nîûndû wetû. Tue natue nîtwagîrîrwe nî kûruta mîoyo yetû nîûndû wa ariû na aarî a îthe wetû.