2Akor 4:10 - ÎVUKU RÎA ÛVORO MWARO

¹⁰ Vîndî cionthe tûkuuaga gîkuû Kîam Jesû mîîrîrî yetû nîguo ûtûûro wake wa naguo wonekane mîîrîrî yetû.

2Akor 4:10 ပူးပေါင်းရင်းမြစ်များ

Johana 14:19

Vuva wa kavinda kanini andû a nthî tî macoka kûmona rîngî, nwatî mue mûkaamona; na nîûndû nîndûûraga mwoyo, wa namue nîmûgaatûûra mwoyo.

Aroma 6:5

Ethîrwa nîtwatuîkire kîndû kîmwe nake nîûndû wa gûkua wata ûrîa aakwire, na njîra wata îo nîtûgaatuîka kîndû kîmwe nake na njîra ya kûriûka gwake.

Aroma 6:8

Ethîrwa nîtûrîkîtie gûkua vamwe na Kristû, nîtwîtîkîtie atî nîtûgaatûûra vamwe nake.

Aroma 8:36

Wata ûrîa kwandîkîtwe mandîkorî matheru atîrî, “Tûtûûraga tûûragagwa vîndî cionthe nîûndû waku, tûtucagwa ta ng'ondu cia kûthînjwa.”

2Akor 1:5

Wata ûrîa tûrî na îgai înene mînyamarorî ya Kristû, nwa ta guo kûvîtûkîra kûrî Kristû tûgaaga ûmîrîru mwîngî kuuma kûrî Ngai.

2Akor 1:9

Ngororî cietû nîtwegucaga atî nîtwatuîrîrîtwe kûragwa. Nwatî ûguo wekîkire nîguo tûtikevoke vinya wetû tue ene, nwatî twîvoke Ngai ûrîa ûriûkagia arîa makuîte.

2Akor 13:4

Nîûndû wana ethîrwa aambirwe mûtharavarî nîûndû wa ûvûthû wa ûmûndû, ke nîatûûraga mwoyo nîûndû wa ûvoti wa Ngai. Tûrî ûrûmwe na Kristû wa natue tûrî avûthû, nwatî tue wa vamwe namue tûgatûûra mwoyo na Kristû nîûndû wa ûvoti wa Ngai.

2Akor 4:11

Nîûndû tue arîa tûrî mwoyo vîndî cionthe twîthagîrwa tûrî thînarî wa gûkua nîûndû wa Jesû, nîguo mwoyo wake wonekage mîîrîrî îno yetû îkucaga.

Agal 6:17

Ngîrîkia, mûndû wana ûrîkû ndakanthînie nîûndû irema irîa nîrî nacio mwîrîrî cionanagia atî nie nîrî ngombo ya Kristû.

Akol 1:24

Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.

2Tim 2:11

Ûvoro ûyû nî wa ma atî: “Ethîrwa nîtwakwire vamwe nake, nîtûgatûûrania nake.

1Pet 4:13

Nwatî kenani nîûndû mûrathînua wata ûrîa Kristû aathînirue, nîguo mûkeethîrwa mwîcûrîtwe nî gîkeno rîrîa riiri wake ûkaaguûrua.

1Pet 4:14

Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.

Kûguû 1:17

Rîrîa namwonire, nînegwîthirie nthî mbere yake ta mûndû mûkuû. Nwatî mûndû ûcio nîwakûnjûrire njara yake akîmbigîrîra na akîmbîra atîrî, “Ndûgetigîre! Nie nî nie wa mbere na wa mûthiia.