2Akor 4:1 - ÎVUKU RÎA ÛVORO MWARO

¹ Tûrî na ûtungata ûyû tûvetwe nî Ngai nîûndû wa ntha ciake, kwoguo tûtingîûrwa nî thayû.

2Akor 4:1 ပူးပေါင်းရင်းမြစ်များ

Isaia 40:30

Wana andû arîa ethî nîmakaathira vinya na manoge, na andû arîa matarî akûrû nîmakaagwa nî kûnoga.

Isaia 40:31

Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Jeremia 45:3

waugire atîrî, “Kaî nîrî na thîna-î! Nîûndû Ngai-Mûnene nîongererete kîeva îgûrû rîa ruo rûrîa nîrî naruo. Njaîte nganoga na ndirî na thayû.”

Luka 18:1

Jesû nîwacokire akîva arutwa ake ngerekano ya kûmonia atî nîmagîrîrwe nî kûvoya vingo cionthe matagûkua ngoro.

1Akor 3:5

Apolo nîkwa arî û? Nake Paûlo nû? Tue tûrî ndungata cia Ngai irîa ke aatûmîre nîguo mwîtîkie. Na wa mûndû wa ûmwe wa cietû arutaga wîra ûrîa Mwathani aamûveere arute:

1Akor 7:25

Ûvoro wîgiî arîa matavikanîtie, nie ndirî na rîathani kuuma kûrî Mwathani, nwatî nî woni wakwa nîravecana nîûndû nînduîkîte mûndû mwîvokeku nîûndû wa ntha cia Mwathani.

2Akor 3:12

Na nîûndû tue tûrî na Kîîrîgîrîro gîkî, tûrî na ûmîrîru mwîngî.

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

2Akor 4:16

Nîûndû wa gîtûmi gîkî tûtikucaga ngoro. Wana ethîrwa mwîrî ûyû wonekaga nî ûthiîcaga wa ûkîoraga, ûtûûro wetû wa kîîroho nî ûcerûvagua wa mûthenya wa mûthenya.

2Akor 5:18

Maûndû mama monthe mekîtwe nî Ngai ûrîa watwîguithanirie nake ke mwene na njîra ya Kristû, na agîtûva wîra wa kwîgwithanagia andû nake.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

Aefeso 3:13

Kwoguo nîramûthaitha mûtigakue ngoro nîûndû wa mathîna marîa nîrona nîûndû wenyu. Nî magûtûma mûgîe na umithio.

Afil 4:13

Nwambîke maûndû monthe na njîra ya ûrîa ûmvecaga vinya.

2Ath 3:13

Nwatî mue Ariû na aarî a îthe wetû, mûtîkanoge nî gwîka waro.

1Tim 1:13

wana gwatuîka mavinda marîa mavîtûku nînarumire Kristû, ngîmûnyarira na ngîmwîra maûndû meengî ma kûmûrakaria. Nwatî Ngai nîwambîguîrîre ntha nîûndû ndiarî na wîtîkio, kwoguo ndiamenyaga ûrîa nekaga.

Ahib 12:3

Ta îcirieni ûvoro wake ûcio waûmîrîrie rûmena rûnene kuuma kûrî andû evia. Kwoguo mûtikaûrwe nî vinya kana mûkua ngoro.

1Pet 2:10

Vîndî îmwe mûtiarî andû a Ngai, nwatî rîu mûrî andû ake. Vîndî îmwe mûtiarî akinyîre nî ntha cia Ngai, nwatî rîu mûrî akinyîre nîcio.

Kûguû 2:3

Mue nîmûmîrîrîtie mûkirîrîrîtie, na mûkanyamarua nîûndû wakwa, na mûtirî mwandiganîria.