2Akor 3:7 - ÎVUKU RÎA ÛVORO MWARO

⁷ Watho ûrîa waretire gîkuû wandîkîtwe ivengererî cia mathiga. Naguo waûkire ûrî na riiri wa Ngai ûrîa watûmire ûthiû wa Musa ûkenga mûno na andû a Isiraeli matingîavotire gwîkara maûroretie. Nwatî vuvarî riiri ûcio nîwathirire.

2Akor 3:7 ပူးပေါင်းရင်းမြစ်များ

Kîam 3:21

Nake Ngai-Mûnene, Ngai nîwarûthîre Adamu na mûka nguo ya rûûo na akîmekîra.

Nehemia 9:13

Nîwanyûrûrûkire kuuma îgûrû kîrîmarî gîa Sinai, na ûkîaria na andû aku. Nîwamavere maathani na mawatho marîa maarî magîrîru.

Thaburi 119:174

Nîmbetererete ûvonokio waku, we Ngai-Mûnene! Nie nîngenagua nî watho waku.

Thaburi 119:97

Ûûi, kaî nîmendete watho waku-î! Ndindaga ngîîciria ûvoro waguo mûthenya mûgima.

Ntha 24:12

Ngai-Mûnene nîwerire Musa atîrî, “Unûkia ûke kîrîmarî varî nie na weterere vo. Nanie ngaakûnengera ivengere igîrî cia mathiga ciandîkîtwe mawatho na maathani ma gûtaara andû.”

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:19

Rîrîa Musa aakuvîvîrie varîa maambîte magema na akîona njaû ya ndegwa na andû makîinagia nîwarakarire na agikia ivengere irîa aakuîte vau nthî ya kîrîma na ikîenyûkanga.

Ntha 34:1

Ngai-Mûnene nîwerire Musa atîrî, “Rûtha ivengere cia mathiga igîrî wata irîa cia mbere na nîngwandîka ivengererî icio ciugo irîa ciarî ivengererî cia mbere irîa wenyûrangire.

Ciîko 6:15

Nao andû onthe arîa maarî Kîammarî nîmaaroririe Stefano na vinya na makîona ûthiû wa Stefano wîkariî ta wa mûraika.

Aroma 10:4

Nîûndû Kristû nîwathiririe watho nîguo mûndû wa wonthe ûmwîtîkîtie etîkîrîke nî Ngai.

Aroma 4:15

Watho ûretaga marakara ma Ngai, nwatî kûrîa gûtarî watho gûtirî ûvoro wa kûregana na Watho.

Aroma 5:20

Watho wekîrirwe nîguo andû mevie mûno. Nwatî wa ûrîa mevia mongererekaga, wega wa Ngai nîwongererekaga makîria.

Aroma 7:10

na ngîkua. Narîo rîathani rîrîa rîngîatûmire ngîe na mwoyo, nîrîatûmire ngue.

Aroma 7:22

Ngororî yakwa nîngenete nî ûndû wa watho wa Ngai.

Aroma 7:5

Vîndî îrîa twatûûraga tûrûmagîrîra maûndû ma mwîrî, watho wekagîra vinya merirîria marîa macûku ma mwîrî. Kwoguo maûndû marîa twekaga maatûretagîra gîkuû.

1Akor 13:10

Nwatî vîndî îrîa ûndû ûrîa mûkinyanîru ûgaaûka, ûndû ûrîa ûtarî mûkinyanîru nîûkaathira.

2Akor 3:3

Nîkûronekana waro atî Kristû ke mwene nîke wandîkire maarûa îno na akîmîtûma na njîra yetû. Maarûa îno ndîandîkîtwe na rangi, nwatî yandîkîtwe na Roho wa Ngai ûrîa ûtûûraga mwoyo, na ndîandîkîtwe ivengererî cia mathiga nwatî yandîkîtwe ngororî cia andû.

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

2Akor 3:8

Ethîrwa watho ûrîa ûretaga gîkuû warî na riiri ta ûcio na nîwathirire, na kinthî wîra wa Roho wa Ngai ndûrî na riiri makîria.

Agal 3:10

Andû arîa meciragia nîmagaatuwa athingu mbere ya Ngai nîûndû wa kûvingia watho nî arume. Nîûndû mandîko matheru maugîte atîrî: “Mûndû wa wonthe ûtavingagia maûndû monthe marîa mandîkîtwe wathorî nî mûrume.”

Agal 3:21

Ûndû ûyû ûrenda gûtwonia atî watho nîûreganîte na ciîranîro cia Ngai? Naarî. Nîûndû ethîrwa andû nîmaagîre na watho wa gûtûma magîe na mwoyo, andû onthe nîmangîatuirwe athingu nî Ngai nîûndû wa kûwathîkîra.

Gûco 4:13

Nîwamûmenyithirie ûvoro wa kîrîkanîro kîrîa aarîkanîre namue, na akîathana atî mûkîrûmagîrîre; nakîo nî maathani îkûmi marîa andîkire ivengererî igîrî cia mathiga.

Gûco 4:8

Na nî vûrûri ûrîkû wana ethîrwa ûrî mûnene atîa ûrî na mawatho maro na matuîro ma ciira ta kîrîra gîkî kîonthe nîmûthomithîtie ûmûnthî?

Gûco 5:22

“Mama nîmo maathani marîa Ngai-Mûnene aamûveere muonthe rîrîa mwacemanîtie kîrîmarî. Rîrîa aaririe na mûgambo mûnene arî mwakirî, matuurî na nduma nene, ndongerera Maathani mengî tiga mama. Nîwacokire akîandîka Maathani mau ivengererî igîrî cia mathiga na akînengera cio.

Gûco 9:15

“Kwoguo nînagarûrûkire ngînyûrûrûka kuuma kîrîmarî nguuîte ivengere igîrî cia îthiga na njara irîa ciandîkîtwe kîrîkanîro. Nakîo kîrîma nwa gîakanaga mwaki.

Ahib 12:18

Mue mûtikinyîte vandû mûngîvutia ta ûrîa andû a Isiraeli maakinyire kîrîmarî gîa Sinai kîrîa gîaakanaga mwaki mûnene kûrî na nduma nene na rûkûngi rûnene.

Ahib 3:3

Mûndû ûrîa ûtumaga nyomba nîavecagwa gîtîîo gûkîra nyomba îrîa atumîte. Na njîra wata îno, Jesû nîwagîrîrwe nî kûvewa gîtîîo gûkîra Musa.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.