2Akor 3:6 - ÎVUKU RÎA ÛVORO MWARO

⁶ Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

2Akor 3:6 ပူးပေါင်းရင်းမြစ်များ

Jeremia 31:31

Ngai-Mûnene arauga atîrî, “Îvinda nîrîgûkinya rîrîa ngarûtha kîrîkanîro gîcerû na andû a Isiraeli na andû a Juda.

Mathaayo 13:52

Kwoguo Jesû nîwamerire atîrî, “Mwarimû wa wonthe wa Watho ûrîa ûtuîkîte mûrûmîrîri wa Ûthamaki wa Îgûrû, ekariî ta mwene mûciî ûrîa ûrutaga indo irîa njerû na irîa ngûrû kuuma mûthithûrî wake.”

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Maariko 14:24

Nake Jesû nîwamerire atîrî, “Îno nî nthakame yakwa ya kîrîkanîro, îrîa îgeetûrûrwa nîûndû wa andû eengî.

Luka 22:20

Na marîkia kûrîa, nîwamanengere gîkombe akiugaga atîrî, “Gîkombe gîkî nî Kîam nthakame yakwa ya kîrîkanîro gîcerû îrîa yetûrûrirwe nîûndû wenyu.]

Johana 5:21

Na wata ûrîa Îthe ariûkagia akuû na akamava mwoyo, ûguo nwa ta guo Mûriû avecanaga mwoyo kûrî arîa onthe endaga kûva.

Johana 6:63

Roho wa Ngai nîke ûvecanaga mwoyo. Mwîrî ndûvecanaga mwoyo. Ciugo icio namwîra nîcio itûmaga mûgîe na Roho wa Ngai ûrîa ûvecanaga mwoyo.

Aroma 1:5

Na njîra ya Jesû Kristû Ngai nîwatûmire ngîe na wega wake na agîtûma nduîke mûtûmwa nîguo andû a ndûrîrî cionthe metîkie na mathîke. Ndutaga wîra ûyû nîûndû wa Kristû.

Aroma 3:20

Nîûndû gûtirî mûndû ûngîtuîka mûthingu mbere ya Ngai nîûndû wa kwathîkîra Watho. Ûrîa watho wîkaga nî kûmenyithia mûndû atî nî evîtie.

Aroma 4:15

Watho ûretaga marakara ma Ngai, nwatî kûrîa gûtarî watho gûtirî ûvoro wa kûregana na Watho.

Aroma 4:17

Mandîkorî matheru kwandîkîtwe atîrî, “Nie nîngûtuîte îthe wa ndûrîrî nyîngî.” Kwoguo kîîranîro kîu nî Kîamro methorî ma Ngai ûrîa wetîkîtue nî Iburahimu. Ke nî Ngai ûrîa ûriûkagia akuû na ûrîa ûtûmaga kûgîe na indo irîa itatûûraga kuo.

Aroma 7:6

Nwatî rîu tûrî ovore kuuma wathorî na tûrî akuû maûndûrî marîa matûtucaga ngombo. Rîu tûtungatagîra Ngai tûrî na mwoyo mûcerû wa Roho, nwatî tûtimûtungatagîra tûkîrûmagîrîra watho ûrîa mwandîke wa tene.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

1Akor 11:25

Na njîra wata îo, rîrîa maarîkirie kûrîa irio cia kîvwaî, nîwocire gîkombe na akiuga atîrî, “Gîkombe gîkî nî gîa kîrîkanîro gîcerû kîrîa kîonanîtue na njîra ya nthakame yakwa. Vîndî cionthe rîrîa mûkaanyunyaga ndivei kuuma gîkomberî gîkî, îkagani ûguo nîûndû wa kûndirikanaga.”

1Akor 12:28

Kanitharî Ngai nîathuurîte: amwe matuîke atûmwa, engî arathi, na kathatû akathuura arimû. Nîacokete akathuura aringi ciama; makarûmîrîrwa nî arîa mavetwe ûvoti wa kûvonania, arîa matethagia arîa engî, atongoria na arîa maragia na nthiomi.

1Akor 15:45

Mandîkorî Matheru kwandîkîtwe atîrî, “Mûndû wa mbere kûmbwa na nîke Adamu, nîwatuîkire mûndû ûrî mwoyo.” Nwatî Adamu wa mûthiia nîwatuîkire Roho ûrîa ûvecanaga mwoyo.

1Akor 3:10

Na ngîtûmagîra kîveo kîrîa naveerwe nî Ngai, nie nînatumire mûcingi wa nyomba îo nîrî ta mûtumi ûrî na wara mwîngî. Nake mûndû wîngî nîaratuma îgûrû rîaguo. Nwatî wa mûndû nwanginya amenyerere ûrîa atumaga îgûrû rîaguo.

1Akor 3:5

Apolo nîkwa arî û? Nake Paûlo nû? Tue tûrî ndungata cia Ngai irîa ke aatûmîre nîguo mwîtîkie. Na wa mûndû wa ûmwe wa cietû arutaga wîra ûrîa Mwathani aamûveere arute:

2Akor 11:23

Nî ndungata cia Kristû? Nie nîraria ta mûndû wa ngoma. Nwatî nîrî ndungata mbaro kûmakîra. Nie nîndutîte wîra mûmû makîria yao. Naanaikua njeera maita meengî kûmakîra, nanarivwa na ivoko mûno kûmakîra na maita meengî nie nanethîrwa nîrî vakuvî gûkua.

2Akor 3:14

Nwatî meciria mao nîmaaûmirue, wana nginya ûmûnthî meciria mao methagîrwa marî makunîkîre na gîtambaa wata kîu rîrîa makûthoma Kîrîkanîro kîrîa gîkûrû. Gîtambaa kîu kîmakunîkîrîte meciria kîrutagwa vo tu na njîra ya Kristû.

2Akor 3:3

Nîkûronekana waro atî Kristû ke mwene nîke wandîkire maarûa îno na akîmîtûma na njîra yetû. Maarûa îno ndîandîkîtwe na rangi, nwatî yandîkîtwe na Roho wa Ngai ûrîa ûtûûraga mwoyo, na ndîandîkîtwe ivengererî cia mathiga nwatî yandîkîtwe ngororî cia andû.

2Akor 3:7

Watho ûrîa waretire gîkuû wandîkîtwe ivengererî cia mathiga. Naguo waûkire ûrî na riiri wa Ngai ûrîa watûmire ûthiû wa Musa ûkenga mûno na andû a Isiraeli matingîavotire gwîkara maûroretie. Nwatî vuvarî riiri ûcio nîwathirire.

2Akor 3:9

Ethîrwa watho ûrîa ûtucagîra andû warî na riiri, na kinthî wîra wa Roho wa Ngai ûrîa ûtucaga andû athingu ndûrî na riiri makîria.

Agal 3:21

Ûndû ûyû ûrenda gûtwonia atî watho nîûreganîte na ciîranîro cia Ngai? Naarî. Nîûndû ethîrwa andû nîmaagîre na watho wa gûtûma magîe na mwoyo, andû onthe nîmangîatuirwe athingu nî Ngai nîûndû wa kûwathîkîra.

Aefeso 2:1

Mue mwarî akuû kîîroho nîûndû wa ûremi na mevia menyu.

Aefeso 2:5

Wana rîrîa twarî akuû kîîroho nîûndû wa ûremi wetû, nîwatûmire tûtûûre mwoyo vamwe na Kristû. Nî wega wa Ngai ûtûmîte mûvonoke.

Aefeso 3:7

Nînatwirwe ndungata ya ûvoro mwaro na njîra ya kîveo Kîam mwanya Kîam wega wa Ngai kîrîa naveerwe na njîra ya vinya wake.

Gûco 27:26

“ ‘Kûnyitwa nî kîrumi nî mûndû ûrîa ûkûregana na mawatho mama monthe ma Ngai na kûmavingia.’ “Nao andû onthe nîmakaauga, ‘Ameni!’

1Tim 4:6

Ûngîthomithia etîkia onthe mataaro mama, ûkethagîrwa ûrî ndungata mbaro ya Jesû Kristû. Ûgekagîrwa vinya nî ciugo cia wîtîkio na kîrîra Kîam ma kîrîa wîthîrîtwe ûkîrûmîrîra.

2Tim 1:11

Nie naathuurirwe nî Ngai nduîke mûtûmwa, mwarimû na mûvunjia wa ûvoro mwaro,

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Ahib 7:22

Ûndû ûyû nîguo ûtûmaga Jesû atuîke mûrûngamîrîri wa kîrîkanîro Kîamro makîria kuuma kûrî Ngai.

Ahib 8:13

Rîrîa Ngai aaririe ûvoro wa kîrîkanîro gîcerû ke nîwatuire kîrîkanîro kîrîa Kîam mbere gîkûrû. Nakîo kîndû wa kîonthe kîrakûra na gîgatuîkanga, nîkwa kîûraga.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Joh 1:1

Tûramwandîkîra ûvoro wîgiî kiugo Kîam mwoyo kîrîa gîtwîre kuo kuuma wa Kîammbîrîria. Kiugo gîkî nîtûkîîguîte, na ma nîtûkîroretie na tûgakîona na metho metû na tûgakînyita na njara cietû.