2Akor 3:2 - ÎVUKU RÎA ÛVORO MWARO

² Mue ene nîmue maarûa yetû, yandîkîtwe ngororî cietû nîguo îthomwe na îmenywe nî andû onthe.

2Akor 3:2 ပူးပေါင်းရင်းမြစ်များ

Aroma 1:8

Ûndû wa mbere nie nîngûcokia Ngatho kûrî Ngai na njîra ya Jesû Kristû nîûndû wenyu muonthe. Nîûndû ûvoro wîgiî wîtîkio wenyu nîwîgucagwa nî andû onthe a nthî.

1Akor 3:10

Na ngîtûmagîra kîveo kîrîa naveerwe nî Ngai, nie nînatumire mûcingi wa nyomba îo nîrî ta mûtumi ûrî na wara mwîngî. Nake mûndû wîngî nîaratuma îgûrû rîaguo. Nwatî wa mûndû nwanginya amenyerere ûrîa atumaga îgûrû rîaguo.

2Akor 11:11

Nie nîrauga ûguo nîûndû ndimwendete? Ngai nîwicî atî nie nîmwendete!

2Akor 12:15

Nîngaakena ngîtûmîra kîrîa kîonthe nîrî nakîo na ndûmîke nîguo nîmûtethie. Ethîrwa nînîmwendete mûno anga mue nwa mûmende vanini?

2Akor 3:1

Anga tûreguîka ta kwa tûrambîrîria gwîtîîa rîngî? Nwa gûtuîke atî, ta andû amwe, tue nîtûkwenda maarûa cia gûtûgathîrîria tûgîûka kûrî mue kana tûkiuma kûrî mue?

2Akor 7:3

Nie ndirauga ûguo nîguo nîmûtuîre. Nînaamwîrire atî tue nîtûmwendete mûno na atî vîndî cionthe tûkethagîrwa tûrî vamwe vîndî îrîa tûrî mwoyo kana twakua.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

1Ath 1:8

Ndûmîrîri ya Mwathani îrîa yumîte kûrî mue ndîtambîte Makedonia na Akaia kuonga, nwatî ûvoro wîgiî ûrîa mwîtîkîtie Ngai nîûtambîte kûndû kuonthe. Kwoguo gûtirî vata wa kuga wa naarî ûndû.