2Akor 3:10 - ÎVUKU RÎA ÛVORO MWARO

¹⁰ Nî ma nwa tuge atî riiri ûrîa ûkengaga nîmûthiru nîûndû nî riiri ûrîa mûcerû.

2Akor 3:10 ပူးပေါင်းရင်းမြစ်များ

Ayubu 25:5

Ethîrwa methorî make mweri ndûrî na ûtheri wa kwîgana, kana njata tî ntheru mbere yake;

Isaia 24:23

Mweri nîûgaaconorithua, narîo riûa rîguithue nthoni, nîûndû Ngai-Mûnene mwene vinya wonthe nîakaathana, arî îgûrû rîa Kîrîma gîa Zayuni kûu Jerusalemu, na nîakoonania riiri wake kûrî atongoria a andû ake.

Hagai 2:3

“Kûrî na mûndû wanarî ûmwe gatagatîrî kenyu ûngîririkana ûrîa hekarû îo yarî na riiri? Rîu mwonaga îkariî atîa? Mwonaga takwa îtarî kîndû varî.

Ciîko 26:13

Na thaa thita cia mûthenya nîrî njîrarî nthiîte kuo, mûthamaki mûgathe, nînoonire ûtheri kuuma îgûrû. Ûtheri ûcio warî mûnene gûkîra wa riûa na nîwamûrîkire na mîena yonthe wa vamwe na andû arîa nathiîcanîtie nao.

2Akor 3:11

Ethîrwa kwarî na riiri ndaarî ya kîndû kîrîa gîekarire kavinda kanini, na kinthî gûtirî riiri mwîngî makîria ndaarî ya kîndû kîrîa gîgaatûûra tene na tene?

2Akor 3:9

Ethîrwa watho ûrîa ûtucagîra andû warî na riiri, na kinthî wîra wa Roho wa Ngai ûrîa ûtucaga andû athingu ndûrî na riiri makîria.

2Pet 1:17

Twarî vo rîrîa aaveerwe gîtîîo na riiri nî Ngai Vava rîrîa mûgambo waumire kûrî ûrîa ûrî Riiri Mûnene ûkiuga atîrî, “Ûyû nîke Mûriû wakwa ûrîa mendete mûno, nîrî mûkenie mûno nîke.”

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.