2Akor 3:1 - ÎVUKU RÎA ÛVORO MWARO

¹ Anga tûreguîka ta kwa tûrambîrîria gwîtîîa rîngî? Nwa gûtuîke atî, ta andû amwe, tue nîtûkwenda maarûa cia gûtûgathîrîria tûgîûka kûrî mue kana tûkiuma kûrî mue?

2Akor 3:1 ပူးပေါင်းရင်းမြစ်များ

Ciîko 18:27

Na vîndî îo Apolo nîwatwire atî ke nîakûthiî Akaia. Kwoguo etîkia arîa maarî kûu Efeso nîmaamûmîrîrie na makîandîka maarûa kûrî etîkia arîa maarî Akaia makîmathaitha mamûnyite ûgeni. Na rîrîa Apolo aakinyire kuo, nîwatethirie arîa maatuîkîte etîkia mûno nîûndû wa wega wa Ngai.

Aroma 16:1

Nie nînagathîrîria mwarî wa îthe wetû Foebe ûrîa ûrutaga wîra wa ûtungati kanitharî wa Kenikerea.

1Akor 10:33

Îkagani wata ûrîa nie mbîkaga. Nîngeragia gûkenia andû onthe maûndûrî monthe marîa mbîkaga. Ngîka ûguo, ndiîthagîrwa ngîcaria ûrîa nîngîîguna nie mwene, nwatî mbîthagîrwa ngîcaria ûrîa nîngîguna andû onthe nîguo mavote kûvonoka.

1Akor 16:3

Narîkia gûka nîngaatûma arîa onthe mûkaathuura nîguo mavire iveo cienyu Jerusalemu. Nîngaamatûma marî na maarûa cia kûmamenyithania.

1Akor 3:10

Na ngîtûmagîra kîveo kîrîa naveerwe nî Ngai, nie nînatumire mûcingi wa nyomba îo nîrî ta mûtumi ûrî na wara mwîngî. Nake mûndû wîngî nîaratuma îgûrû rîaguo. Nwatî wa mûndû nwanginya amenyerere ûrîa atumaga îgûrû rîaguo.

1Akor 4:15

Nîûndû wana ethîrwa mûrî na arimû matangîtarîka mûtûûrîrerî wenyu wa Ûkristiano, mûrî na îthe ûmwe tu. Na nîûndû wa kwîthîrwa mûrî na ûrûmwe na Jesû Kristû, nînatuîkire îthe wenyu na njîra ya kûmûkinyîria Ûvoro Mwaro.

2Akor 10:12

Tue tûtikwenda kwîiga kana kwîgerekania na arîa menenevagia. Kaî o nî irimû-î! Marûthaga ithimi ciao cia kwîthima o ene nacio, na magetuîra na njîra ya ithimi wa icio.

2Akor 10:18

Nîûndû andû arîa metucaga aro tîo Ngai amûkagîra, nwatî amûkagîra arîa ke atûcaga aro.

2Akor 10:8

Nîûndû nie wana ngegatha vanini makîria ûvororî wîgiî vinya ûrîa tûvetwe nî Mwathani ndingîconoka. Nîûndû vinya ûcio nî wa gwaka wîtîkio wenyu na tî wa kûûthûkia.

2Akor 12:11

Nie mbîthagîrwa ngîka maûndû ta mûndû mûritu, nwatî nî mue mûtûmîte mbîka ûguo. Mue nîmue mwagîrîrwe nîkûngathîrîria. Nîûndû ndirî mûnini mûno gûkîra acio meîtaga “atûmwa” enyu a mwanya.

2Akor 12:19

Mue nwa mwîthîrwe mûgîîciria atî nîkwa tûregitagîra mbere yenyu. Naarî! Tue twaragia ûrîa Kristû angîenda twarie tûrî mbere ya Ngai. Arata etû, ûndû wa wonthe twîkaga twîkaga nîguo mûtetheke.

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 5:12

Tue tûtiramûringîrîria mûtwîtîkîre rîngî, nwatî tûrageria kûmûva gîtûmi kîrîa kîngîtûma mwîtîîe nîûndû wetû. Kwoguo mwarîkia gûkîmenya mûkaavotaga gûcokia ciûria cia arîa metîîaga nîûndû wa ûrîa andû monekanaga na tî ûndû wa ûrîa mekariî ngororî ciao.