2Akor 2:9 - ÎVUKU RÎA ÛVORO MWARO

⁹ Nie namwandîkîre maarûa îo ngîmûgeria nîguo menye kana nîmwîthagîrwa mwîvarîrîtie kûmbathîkîra maûndûrî monthe.

2Akor 2:9 ပူးပေါင်းရင်းမြစ်များ

Ntha 16:4

Ngai-Mûnene nîwacokire akîra Musa atîrî, “Nie nîngûmûnyûrûrûkîria mîgate kuuma îgûrû yure ta mbura. Na wa mûthenya mûndû akathiîcaga akaûngania irîa ikûmwîgana mûthenya ûcio. Ûguo nîguo ûgaatûma menya kana makaambathîkagîra.

2Akor 10:6

Na nîtûkaaverithia ûndû wa wonthe ûtathîkaga mue mwarîkia kwonania wathîki wenyu viû.

2Akor 2:3

Kîu nîkîo gîatûmire mandîka maarûa îo kûrî mue. Nie ndiendaga gûka kûrî mue na mbîgwithue kîeva nî andû wa arîa magîrîrwe nî gûtûma ngene. Nîrî na ûma atî vîndî îrîa ngenete, wa namue muonthe mûrî akenu.

2Akor 2:4

Nie naamwandîkîre nîrî na mathîna meengî na kîeva kîngî mûno ngororî yakwa ngîtûrûraga methori. Mworoto wakwa ndwarî wa gûtûma mwîgue kîeva, nwatî warî wa gûtûma mûmenye ûrîa nîrî na wendo mwîngî kûrî mue muonthe.

2Akor 2:8

Kwoguo nie nîngûmûthaitha mûtûme ke amenye atî mue nîmûmwendete na ma.

2Akor 8:2

Nîmaavîtûkîrîrîte mageriorî marito na mathînarî meengî. Nwatî wana ethîrwa maarî athîni mûno, gîkeno Kîamo Kîamrî kîngî nîûndû nîmaavecanire na ûtaana.

2Akor 8:24

Kwoguo onaniani wendo wenyu kûrî o, nîguo makanitha monthe makaamenya nama atî tûtirî na mavîtia tûgîtîîa nîûndû wenyu.

Gûco 13:3

mûtikathikîrîrie mûrathi ûcio kana mûroti ûcio, nîûndû Ngai-Mûnene Ngai wenyu nîke ûramûgeria nîguo amenye kana nîmûmwendete na ngoro yonthe na mwoyo wonthe.

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

Afil 2:22

Mue nîmwîcî ûrîa Timotheo onanîtie atî ke nî mwagîrîru, nîûndû twîthîrîtwe tûkîrutithania wîra nake wa kûvunjia ûvoro Mwaro. Twîthîrîtwe tûkîrutithania wîra ûcio ta Mûriû na îthe.

2Ath 3:14

Ethîrwa kûrî mûndû ûkaarega kwathîkîra ûrîa tûmwîrîte maarûarî îno, menyani mûndû ûcio na mûtikathiîcanie nake nîguo aconoke.

File 1:21

Nîrandîka maarûa îno nîrî na mwîvoko atî we nîûgwîka ûguo nakûria wîke. Nîrî na ma we nîûgwîka wana makîria ya ûguo.