2Akor 2:4 - ÎVUKU RÎA ÛVORO MWARO

⁴ Nie naamwandîkîre nîrî na mathîna meengî na kîeva kîngî mûno ngororî yakwa ngîtûrûraga methori. Mworoto wakwa ndwarî wa gûtûma mwîgue kîeva, nwatî warî wa gûtûma mûmenye ûrîa nîrî na wendo mwîngî kûrî mue muonthe.

2Akor 2:4 ပူးပေါင်းရင်းမြစ်များ

Thaburi 119:136

Methori manyûrûrûkaga kuuma methorî makwa ta rûnjî, nîûndû andû mativingagia watho waku.

2Akor 11:2

Nînîramwîguîra wîru wata ûrîa Ngai amwîgucagîra, nîûndû mue mwîkariî ta mwîrîtu nthingi ûrîa nerîrîre akaavikua nî mûthuuri ûmwe, na nîke Jesû Kristû.

2Akor 12:15

Nîngaakena ngîtûmîra kîrîa kîonthe nîrî nakîo na ndûmîke nîguo nîmûtethie. Ethîrwa nînîmwendete mûno anga mue nwa mûmende vanini?

2Akor 2:9

Nie namwandîkîre maarûa îo ngîmûgeria nîguo menye kana nîmwîthagîrwa mwîvarîrîtie kûmbathîkîra maûndûrî monthe.

2Akor 7:12

Kwoguo wana ethîrwa nînaandîkire maarûa îo, ndiamîandîkire nîûndû wa mûndû ûrîa wavîtirie kana mûndû ûrîa wavîtîrue. Vandû va ûguo namîandîkire nîguo nîmwonie cararûkû mbere ya Ngai ûrîa wîrutîri wenyu kûrî tue wîkariî.

Afil 3:18

Ûndû ûyû nthiîte kûmwîra nanamwîra mavinda meengî, na rîu nwa ngûmwîra wa guo ngîrîraga naguo nî atî: andû engî matûûraga ta nthû cia gîkuû gîa Kristû mûtharavarî.