2Akor 2:17 - ÎVUKU RÎA ÛVORO MWARO

¹⁷ Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 2:17 ပူးပေါင်းရင်းမြစ်များ

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Ciîko 20:20

Mue nîmwîcî nînaamûvunjîrie na ndiamûthithaga ûndû wana ûrîkû ûrîa ûngîamûgunire. Mue nîmwîcî nînavunjirie na ngîthomithania mbere ya andû na ngîvunjia mîciîrî yenyu.

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

1Akor 5:8

Kwoguo tigani tûkûngûîre kîrugo gîkî tûtarî na mîgate îrî na ndawa îno ngûrû ya kwimbia na nîo wîvia na waganu, nwatî nî na mûgate ûrugîtwe na mûtu ûrarî mwîkîre ndawa ya kwimbia ûrîa arî guo ûtheru na ûma.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 1:18

Nî ma wata ûrîa Ngai arî mwîvokeku, kîîranîro gîakwa gîtiarî “Ii” na “naarî”.

2Akor 11:11

Nie nîrauga ûguo nîûndû ndimwendete? Ngai nîwicî atî nie nîmwendete!

2Akor 12:19

Mue nwa mwîthîrwe mûgîîciria atî nîkwa tûregitagîra mbere yenyu. Naarî! Tue twaragia ûrîa Kristû angîenda twarie tûrî mbere ya Ngai. Arata etû, ûndû wa wonthe twîkaga twîkaga nîguo mûtetheke.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

2Akor 6:7

ndûmîrîri yetû ya ûma na tûrî na vinya wa Ngai. Twîthagîrwa tûrî na ûthingu ûrî guo indo cietû cia mbaara cia kûrûa na cia kwîgitîra kûrî maûndû monthe.

Agal 1:6

Mue nîmûmakîtie mûno nîûndû vuva wa kavinda kanini, nîmûtiganîrîtie ûrîa wamwîtire na njîra ya wega wa Kristû na mûgetîkîra ûvoro mwaro wîngî.

1Ath 2:4

Vingo cionthe twaragia ûrîa Ngai endaga, nîûndû ke nîwonete tûrî agîrîru na a kwîvokerwa Ûvoro Mwaro. Tûtiaragia nîguo tûkenie andû, nwatî twaragia nîguo tûkenie Ngai ûrîa ûthimaga wendi wa ngoro cietû.

Tito 1:11

Andû acio nîmagîrîrwe nî kûgirua marie nîûndû nî macûkîtie mîciî mîîngî na njîra ya kûthomithania maûndû marîa mataagîrîrîte. Mekaga ûguo nîûndû wa gûcaria mbeca na njîra îrîa îtagîrîrîte.

Ahib 11:27

Wîtîkio nîguo watûmire Musa auma Misiri atagwîtigîra marakara ma mûthamaki. Nîwaregire gûcoka na akîthiî na mbere takwa onete Ngai ûrîa ûtonekaga.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 2:20

Nwatî nîrî na ûndû nîramûcukîra: Mue nîmwîtîkagîria mûndûmûka ûcio wîtagwa Jezebeli atambie kîthomo Kîam maveeni. Ke etucaga nî mûrathi wa Ngai, nwatî na njîra ya kîthomo kîu gîake, nîavîtithagia ndungata ciakwa igeka ciîko cia ûmaraa na ikarîa irio irîa irutîrîtwe mîvuanano.