2Akor 2:10 - ÎVUKU RÎA ÛVORO MWARO

¹⁰ Ethîrwa mue nîmwovera mûndû, wa nanie nînovera mûndû ûcio. Nakîo kîrîa nie novanîra ethîrwa naarî na ûndû wa kwovanîra nie novanîre nîûndû wenyu nîrî mbere ya Kristû.

2Akor 2:10 ပူးပေါင်းရင်းမြစ်များ

Mathaayo 18:18

“Kwoguo nie nîramwîra nama atîrî, ûndû wa wonthe mûkarega gûkû nthî, wana îgûrû nîûkaaregwa. Naguo ûndû wa wonthe mûgeetîkîra gûkû nthî, wana îgûrû nî ûgeetîkîrwa.

Johana 20:23

Wona mwovera andû mevia mao nîmakooverwa. Wona mwarega kûmovera, matikooverwa.”

1Akor 5:4

Vîndî îrîa mûcemanîtie vamwe na rîîtwa rîa Mwathani wetû Jesû, na ngethîrwa nîrî vamwe namue kîîroho, na njîra ya vinya wa Mwathani wetû Jesû,

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

2Akor 6:6

Na njîra ya ûtheru wetû, ûmenyo, ûkirîrîria, kwîgucanîra ntha, nîtwîyonanîtie atî tûrî ndungata cia Ngai. Twîkîte ûguo na njîra ya Roho Mûtheru, wendani wetû wa ma, na

Aefeso 4:32

Vandû va ûguo, tuganagani, îgucanagîrani ntha na mwovanagîre wata ûrîa Ngai aamwoveere na njîra ya Kristû.