2Akor 12:1 - ÎVUKU RÎA ÛVORO MWARO

¹ Nie nwa nginya nîtîîe, wana ethîrwa gûtirî na ûndû mwaro nganyita nîûndû wa gwîtîîa. Nwatî rîu nîngûthiî na mbere kwaria ûndû wîgiî cioneki irîa noonirue na ngîguûrîrua nî Mwathani.

2Akor 12:1 ပူးပေါင်းရင်းမြစ်များ

Ezek 11:24

Na njîra ya kîoneki Roho wa Ngai nîwambocire akîmvira îthamîriorî vûrûri wa Akalidei, na kîoneki kîrîa naarî nakîo gîkîthira.

Ndari 12:6

Ngai-Mûnene, nîwamerire atîrî, “Tanthikîrîriani! Rîrîa kûrî na arathi gatagatîrî kenyu, nie nîîmenyithanagia kûrî o na njîra ya cioneki na ngamarîria na njîra ya iroto.

Johana 16:7

Nwatî nîramwîra na ma atî: nie nathiî nîmûkûgîa umithio nîûndû nîngîrega kûthiî mûtigaatûmîrwa Mûtethia. Nwatî nathiî nîngaamûtûma kûrî mue.

Johana 18:14

Kaiafa nîke wataarîte Ayahudi atî nî kava mûndû ûmwe akuîre andû onthe.

Ciîko 18:9

Na ûtukû ûmwe Mwathani nîwarîrie Paûlo na njîra ya kîoneki, akîmwîra atîrî, “Tiga kûgîa na guoya. Thiî na mbere kwarîria andû na ndûgakire.

Ciîko 23:11

Ûtukû ûcio Mwathani nîwarûngamire vakuvî na Paûlo na akîmwîra atîrî, “Ûmîrîria! Nîûndû wata ûrîa we waruta ûira ûmbîgiî kûrî andû arîa marî gûkû Jerusalemu nwa ta guo ûkaaruta ûira ûmbîgiî kûrî andû arîa marî Roma.”

1Akor 10:23

“Tue nîtwîtîkîrîtue gwîka maûndû monthe,” ûguo nîguo o maugaga. Nwatî tî maûndû monthe maro. “Tue nîtwîtîkîrîtue gwîka maûndû monthe,” nwatî tî maûndû monthe matethagia andû arîa metîkîtie kûgîa na vinya.

1Akor 14:6

Kwoguo ariû na aarî a îthe wetû, ngaûka kûrî mue ngîaragia na nthiomi, nîngîthîrwa nîrî wa vata ûrîkû kûrî mue? Ndingîthîrwa nîrî na vata kûrî mue wana vanini, tiga nwanga mbûkîte kûmûretere ûguûrio, ûmenyo, ûrathi kana kîthomo.

1Akor 6:12

Mûndû avota kuga atîrî, “Nie nîrîmwîtîkîrie gwîka ûndû wa wonthe.” Ûguo nîguo, nwatî maûndû monthe tî maro kûrî mue mûkîmeka. Nie nwa mbuge atî nîrîmwîtîkîrie gwîka ûndû wa wonthe, nwatî ndigûtuwa ngombo nî ûndû wana ûrîkû.

2Akor 12:11

Nie mbîthagîrwa ngîka maûndû ta mûndû mûritu, nwatî nî mue mûtûmîte mbîka ûguo. Mue nîmue mwagîrîrwe nîkûngathîrîria. Nîûndû ndirî mûnini mûno gûkîra acio meîtaga “atûmwa” enyu a mwanya.

2Akor 12:5

Kwoguo nîretîîa nîûndû wa mûndû ûcio, nwatî ndiretîîa nîûndû wakwa. Nwa nîtîire nîûndû maûndû marîa monanagia atî ndirî vinya.

2Akor 12:7

Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.

2Akor 12:9

Nwatî ke nîwanjokerie atîrî, “Wega wakwa nî ûkwîganîte. Nîûndû vinya wakwa nîwonekanaga kûrîa gûtarî vinya.” Kwoguo nîngenaga mûno ngîtîîa nîûndû wa ûvûthû wakwa, nîguo vinya wa Kristû ûvotage gûtûûra ndaarî yakwa.

2Akor 8:10

Naguo woni wakwa nî atî nî waro mûno mûrîkie rîu ûndû ûrîa mwambîrîrie kuuma mwaka mûthiru. Nîmue mwarî a mbere, na twa gwîka tu, nwatî wana kwenda gwîka.

Agal 1:12

Ûvoro ûcio ndiawamûkîra kuuma kûrî mûndû kana ngîthomithua nî mûndû. Jesû Kristû ke mwene nîke wanguûrîrie ûvoro ûcio.

Agal 2:2

Naathiîre kuo nîûndû Ngai nîwanguûrîrie atî nwanginya nthiî. Nînathiîre ndundu na atongoria a kanitha onga na ngîmava ûvoro mwaro ûrîa mvunjagia kûrî andû a ndûrîrî. Nekire ûguo nîguo wîra ûrîa naarutîte mbere na ûrîa ndutaga rîu ndûgatuîke wa mana.

Aefeso 3:3

Ngai nîwanguûrîrie nthitho ya mûvango wake na akîmenyithia yo. (Nie nîndîkîtie kwandîka ûvoro ûyû na njîra nguvî,

1Ath 4:15

Maûndû mama tûramûthomithia nî ndûmîrîri ya Mwathani, nîûndû tue arîa tûkethîrwa tûrî mwoyo rîrîa Mwathani agaaûka, tûtikaathiî mbere ya arîa maakuire.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.