2Akor 11:9 - ÎVUKU RÎA ÛVORO MWARO

⁹ Na rîrîa twarî namue ndiamwîtia ûtethio rîrîa nendaga mbeca. Arata akwa kuuma Makedonia nîmaandetere kîndû kîonthe kîrîa naavatarîte. Ndiatuîka mûrigo kûrî mue na ndigaatuîka mûrigo wana rî.

2Akor 11:9 ပူးပေါင်းရင်းမြစ်များ

Nehemia 5:15

Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.

Ciîko 18:3

na agîkarania akîrutithanagia wîra nao nîûndû ke aarî mûtumi wa magema wa tao.

Ciîko 18:5

Na rîrîa Sailasi na Timotheo maakinyire maumîte Makedonia, Paûlo nîwambîrîrie gûtûmîra mavinda monthe make na wîra wa kûvunjia na akarutaga ûira kûrî Ayahudi akiugaga atî Jesû nîke Mesaya.

Ciîko 20:33

Nie ndianacumîkîra sîlûva, thaavu kana nguo cia mûndû wana ûrîkû.

Aroma 15:26

Nîûndû etîkia arîa marî Makedonia na Akaia nîmarutîte indo ciao matakûringîrîrua nîguo matethie andû a Ngai arîa athîni kûu Jerusalemu.

1Akor 16:17

Nîrîmûkenu mûno nîûndû Stefana, Fotunatuci na Akaiku nîmaaûkire kûrî nie vandûrî venyu.

2Akor 6:4

Vandû va ûguo, maûndûrî monthe marîa twîkaga twonanagia atî tûrî ndungata cia Ngai na njîra ya gûkirîrîria tûmîrîrîtie mathîna, morito na kûthînîka kwîngî.

2Akor 9:12

Wîra ûyû mûraruta ndûratethia andû a Ngai onga, nwatî nîûratûma andû macokie ngatho nyîngî makîria kûrî Ngai.

Afil 2:25

Nîcirîtie na ngona kwagîrîrîte nîmûtûmîre Mûrû wa îthe wetû Epafarodito, ûrîa wîthîrîtwe vamwe nanie tûkîruta wîra tûrî athigari a ûvoro mwaro wa Jesû. Ke ethagîrwa arî mûnjaama wenyu ûrîa ûndethagia.

1Ath 2:6

Tue tûtiacaria ûrîa tûngîkumua nîmue kana nî andû engî.

1Ath 2:9

Ariû na aarî a îthe wetû, nîmûraririkana ûrîa twarutaga wîra na tûkîthînîka. Twarutaga wîra ûtukû na mûthenya nîguo tûtigatuîke mûrigo kûrî mûndû wana ûmwe wa cienyu vîndî îrîa twamûvunjagîria ûvoro mwaro wa Ngai.

Ahib 11:37

Nîmaarivirwe na mathiga, nîmaatûrirwe icunjî igîrî na mîcumano na makîûragwa na rûviû. Nîmaaûrûraga mekîrîte njûo cia ng'ondu na cia mbûri. Maarî athîni, nîmaanyaririrwe na magîkwa maûndû macûku.