2Akor 11:28 - ÎVUKU RÎA ÛVORO MWARO

²⁸ Na ndakûgweta maûndû mau mengî, wa mûthenya mbîthagîrwa nîrî mûritûvîre meciriarî nîûndû wa makanitha monthe.

2Akor 11:28 ပူးပေါင်းရင်းမြစ်များ

Ciîko 15:36

Na vuva wa îvinda, Paûlo nîwerire Baranaba atîrî, “Tiga tûcoke matûûrarî monthe marîa marî kûrîa twavunjirie kiugo Kîam Mwathani, tûthiî tûkone etîkia tûkîmenyaga ûrîa marathiî na mbere.”

Ciîko 18:23

Na vuva wa gwîkara kuo kwa îvinda rîîgana ûndû mûna, nîwaumire kuo na akîthiî avîtûkîrîrîte vûrûrirî wa Galatia na Furîgia akîûmagîrîria arutwa onthe.

Ciîko 20:2

Paûlo nîwaririe maûndû meengî ma kûmîrîria arutwa a kûndû kuonthe kûrîa ke aavîtûkîrîre akîthiî Makedonia. Nake nîwacokire akîthiî Ngiriki,

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 1:14

Nîûndû mbîthagîrwa ta nîrî na thirî kûrî andû onthe: Aangiriki na acenji, andû aûgî na arîa matarî aûgî.

Aroma 11:13

Rîu nîraria na mue andû a Ndûrîrî. Rîrîa rîonthe mbîthagîrwa nîrî mûtûmwa kûrî andû a ndûrîrî nînîrutanagîria ûtungatarî wakwa,

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

Aroma 16:4

Andû aya matietigîra gûkua nîguo mamvonokie. Nie nîngûcokia ngatho kûrî o, wana makanitha monthe ma andû a ndûrîrî nîmamacokeria ngatho.

1Akor 7:17

Mûndû wa wonthe gatagatîrî kenyu agîrîrwe nî gwîkara kûringana na wîra ûrîa Mwathani aamûveere na wa ûrîa Ngai aamwîtire ekariî. Ûguo nîguo mbathanîte makanitharî monthe.

Akol 2:1

Nie nîrenda mûmenye ûrîa ndutîte wîra mûmû nîûndû wenyu na nîûndû wa andû a îtûûra rîa Laodikia na nîûndû wa andû arîa engî onthe mataanamona.