2Akor 11:26 - ÎVUKU RÎA ÛVORO MWARO

²⁶ Ng'endorî ciakwa nyîngî nanethîrwa nîrî na ûgwati kuuma kûrî mwîcûro wa manjî na kuuma kûrî mîkora. Nanethîrwa nîrî na ûgwati kuuma kûrî andû etû Ayahudi na kuuma kûrî andû a Ndûrîrî. Nanethîrwa nîrî na thîna matûûrarî manene, werûrî, îriarî na nanethîrwa nîrî na thîna kuuma kûrî arata maveeni.

2Akor 11:26 ပူးပေါင်းရင်းမြစ်များ

Ciîko 13:45

Na rîrîa Ayahudi moonire kîrîndî, nîmecûrirwe nî wîru, magîkararia maûndû marîa Paûlo aaragia, na makîmûruma.

Ciîko 13:50

Nwatî Ayahudi nîmaaunjugire anene a îtûûra wana aka a ndûrîrî a Kîrathi Kîam îgûrû arîa meetîkîtie Ngai. Nao nîmaatûmire Paûlo na Baranaba mambîrîrie kûnyariirwa na makîmengata kuuma vûrûrirî ûcio wa kwao.

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 14:5

Nao andû a ndûrîrî amwe na Ayahudi, vamwe na atongoria ao, nîmaavangire mathînie Paûlo na Baranaba na mamaûrage na njîra ya kûmariva na mathiga.

Ciîko 15:40

Nake Paûlo nîwathuurire Sailasi nîguo mathiîcanie nake. Nao etîkia nîmaaigire Paûlo na Sailasi wegarî wa Mwathani.

Ciîko 17:13

Nwatî Ayahudi arîa maarî Thesalonike nîmaamenyire atî Paûlo nîwavunjagia kiugo Kîam Ngai wana Berea. Na kwoguo nîmaathiîre kuo, makiunjuga kîrîndî na gûkîgîa gacagaca.

Ciîko 17:5

Nwatî Ayahudi amwe nîmegwire wîru, makîrete vamwe andû aganu arîa maaûrûraga thokorî, na makîthondeka gîkundi. Nao nîmaambîrîrie gacagaca kûu îtûûrarî rîu rîonthe na makîtharîkîra nyomba ya mûndû ûmwe wetagwa Jasoni. Andû acio maacaragia Paûlo na Sailasi, nîguo mamavire nja kûrî andû.

Ciîko 18:12

Na vîndî îrîa Galio aatwirwe mwarîrîria wa Akaia, Ayahudi marî vamwe nîmaanyitire Paûlo, makîmûvira Kîammarî,

Ciîko 19:1

Na vîndî îrîa Apolo aarî Korinitho, Paûlo nîwavîtûkîrîre mwena wa rûgûrû na agîkinya Efeso. Nake nîwethîre arutwa amwe kuo

Ciîko 19:23

Na îvindarî rîu kûu Efeso nîkwagîre na mathîna meengî mûno nîûndû wa Njîra ya Mwathani.

Ciîko 20:19

Ayahudi nîmaatûmire nthînîke mûno nîûndû wa mîvango yao mîcûku. Nwatî mue nîmwicî atî nie nînatungatagîra Mwathani nîrî na wînyivia mwîngî na mavinda meengî ngetûrûraga methori.

Ciîko 20:3

kûrîa ke eekarire kwa îvinda rîa mîeri îthatû. Nwatî vîndî îrîa ke evaaragîria gûtwa meri athiî Sîria, nîwamenyire atî Ayahudi amwe nîmaavangaga kûmûûraga. Kwoguo Paûlo nîwatuire acoke akîvîtûkîra Makedonia akîthiî Sîria.

Ciîko 23:10

Nacio ngarari nîciengîvire mûno nginya mûnene wa mbûtû ya athigari akîambîrîria kwîgua guoya akîona takwa Paûlo agûtembûranganua tûcunjî nî Ayahudi. Kwoguo mûnene ûcio wa mbûtû ya athigari nîwathire athigari ake akîmeera manyûrûrûke mathiî varîa Paûlo aarî, mamûrute vo na vinya na mamûvire kûrîa athigari maambîte magema.

Ciîko 25:3

etîkîre Paûlo aretwe Jerusalemu nîûndû nîmaavangîte kûmûûraga arî njîrarî athiîte.

Ciîko 27:42

Nao athigari nîmaavangire maûrage andû onthe arîa moovetwe nîguo gûtikanae kwonekana mûndû wana ûmwe wa ciao ûkûthambîra aume îriarî na aûre.

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

Aroma 8:35

Nî ndûî kîngîtûtigithania na wendani wa Kristû? Nî mathîna, kana kîeva, kana mînyamaaro, kana yûra, kana ûthîni, kana ûgwati wana kana kûûragwa?

1Akor 15:30

Tue natue twîikagia ûgwatirî vîndî cionthe nîkî?

1Akor 15:32

Ethîrwa naatongoretue nî merirîria ma kîûmûndû vîndî îrîa naarûaga na nyamû cia kîthaka kûu Efeso naagunîkire atîa? Nwatî ethîrwa akuû matikaariûkua, “Tigani tûrîe na tûnyue nîûndû rûyû nîtûgaakua.”

2Akor 11:32

Rîrîa naarî Damesiki, mûndû ûrîa wathanaga vandûrî va mûthamaki Areta nîwaigire athigari ivingorî cia îtûûra nîguo manyite.

Agal 2:4

Andû amwe arîa meendaga Tito arue na meetucaga etîkia, nîmeetonyererie gîkundirî gîetû ta athigani. Meendaga gûtuîria ûvoro wîgiî wîyathi ûrîa wonekaga nîûndû wa kwîthîrwa tûrî kîndû kîmwe na Jesû Kristû. Andû acio meendaga tûtuîke ngombo.