2Akor 11:19 - ÎVUKU RÎA ÛVORO MWARO

¹⁹ Mue ene mûrî aûgî mûno, kwoguo nîmwamûkagîra arîa aritu mûkenete.

2Akor 11:19 ပူးပေါင်းရင်းမြစ်များ

1Akor 10:15

Nie nîraria takwa nîrarîria andû agima. Kwoguo îîtuîreni mue ene ûrîa nîrenda kuga.

1Akor 4:10

Tûrî irimû nîûndû wa Kristû. Nwatî mue mûrî aûgî mûrî na ûrûmwe na Kristû. Tûtirî na vinya, nwatî mue mûrî na vinya! Mue mûrî atîîe nwatî tue tûrî anyarare!

1Akor 8:1

Rîu nînîrenda kwaria ûvoro wîgiî irio irîa irutîrîtwe mîvuanano. Îni nîtîcî na ma atî tuonthe twîthagîrwa tûrî na ûmenyo. Ûmenyo ûcio wetû nîguo ûtûmaga mûndû ecûrwe nî mwîtîîo, nwatî wendani nîwîkanagîra vinya.

Kûguû 2:2

Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.

Kûguû 3:17

We uugaga atîrî, ‘Ûrî mûtongu na ûrî na indo nyîngî na gûtirî na kîndû ûvatarîte.’ Nwatî we ndûramenya ûrîa ûrî mûkîa na wagîrîrwe nî kwîguîrwa ntha! We ûrî mûthîni, ûrî njaga na ûrî mûtumumu.