2Akor 11:12 - ÎVUKU RÎA ÛVORO MWARO

¹² Nîngûthiî na mbere gwîka ûrîa nîreka rîu nîguo ndûme acio engî mareîta “atûmwa a mwanya” matikagîe na gîtûmi gîa gwîtîîa. Metîîaga makiugaga atî marutaga wîra na njîra wata îrîa tue tûrutaga.

2Akor 11:12 ပူးပေါင်းရင်းမြစ်များ

Ayubu 23:13

Ngai ndagarûrûkaga na ndagarûragwa, ekaga ûrîa ke mwene akwenda.

Mathaayo 26:16

Kuuma vîndî îo Judasi nîwambîrîre gûcaria kamweke nîguo anenganîre Jesû kûrî o.

1Akor 5:6

Mwîtîîo ûcio wenyu tî mwaro! Mue nîkwa mûtaicî atî ndawa nini ya kwimbia mîgate nîimbagia mûtu wonthe ûrîa ûkandîtwe?

1Akor 9:12

Ethîrwa andû arîa engî marî na kîvooto gîa kûvewa nîmue indo cienyu cia gûkû nthî, na kinthî tue tûtirî na kîvooto kînene makîria? Nwatî tûtianatûmîra kîvooto gîkî. Vandû va ûguo, nîtûûmagîrîria maûndû monthe nîguo tûtigeke ûndû wana ûmwe ûngîgiria andû mavunjie Ûvoro Mwaro wîgiî Kristû.

2Akor 1:17

Nie ngîvanga mûvango nîkwa nonekaga ta nîngîgarûrûka? Vîndî îrîa ngûthondeka mîvango yakwa, nîkwa nîmîthondekaga nîrî na meciria ma ûmûndû nîvarîrîtie kuga “Ii,” na “naarî” vîndî wa îo?

2Akor 10:17

Nwatî mandîko matheru maugîte atîrî, “Mûndû wa wonthe ûngîenda gwîtîîa nwa nginya etîîe ûndûrî wîgiî ûrîa Mwathani ekîte.”

2Akor 11:18

Nwatî nîûndû andû eengî nîmetîîaga nîûndû wa ûmûndû, wa nanie nîngwîka wa guo.

2Akor 11:9

Na rîrîa twarî namue ndiamwîtia ûtethio rîrîa nendaga mbeca. Arata akwa kuuma Makedonia nîmaandetere kîndû kîonthe kîrîa naavatarîte. Ndiatuîka mûrigo kûrî mue na ndigaatuîka mûrigo wana rî.

2Akor 5:12

Tue tûtiramûringîrîria mûtwîtîkîre rîngî, nwatî tûrageria kûmûva gîtûmi kîrîa kîngîtûma mwîtîîe nîûndû wetû. Kwoguo mwarîkia gûkîmenya mûkaavotaga gûcokia ciûria cia arîa metîîaga nîûndû wa ûrîa andû monekanaga na tî ûndû wa ûrîa mekariî ngororî ciao.

Agal 1:7

Nî ma atî gûtirî “Ûvoro Mwaro wîngî.” Nîrauga ûguo nîûndû kûrî andû maramûthînia na makageria kûgarûra ûvoro mwaro wa Kristû.

1Tim 5:14

Kwoguo nîrona kwagîrîrîte aka a ndigwa arîa ethî mavike, magîe na ciana na mamenyerere mîciî yao. Meka ûguo, nthû cietû itikaagîa na kamweke ga gûtûruma.