Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2Akor 10:4 - ÎVUKU RÎA ÛVORO MWARO

4 Indo cia mbaara irîa tûtûmagîra mbaararî yetû tî cia gûkû nthî, nwatî nî vinya wa Ngai. Vinya ûcio nîguo tûtûmagîra gûcûkangia vinya wa nthû cietû na kûthiria ngarari.

အခန်းကိုကြည့်ပါ။ ကော်ပီ




2Akor 10:4
28 ပူးပေါင်းရင်းမြစ်များ  

Ngai-Mûnene nîagaatûma ûthamaki waku ûneneve kuuma Zayuni. Augîte atîrî, “Ûkaathanaga ûrî gatagatî ka nthû ciaku.”


Mûthenya ûcio wakinya, rîrîa nthû cienyu ikaaûragwa na nthingo ciao ndaca ciomomorwe, tûrûnjî nîtûkaanyûrûrûka kuuma irîmarî cionthe na tûrîmarî tuonthe.


Rîu nînakûva wathani îgûrû rîa mavûrûri na mothamaki, nîguo ûmakûûre na ûmomomore, ûmacûkangie na ûmagwîthie, ûmatume na ûmavande.”


Ngai-Mûnene arauga atî, kiugo gîakwa nîta mwaki; nîta nyondo îrîa yatûranagia mathiga magatuîka icunjî.


Nake Musa nîwarerirwe na ûûgî wonthe wa andû a Misiri na agîtuîka mûndû warî na ûvoti mwîngî wa kwaria na wa gwîka maûndû.


Ûtukû ûrî vakuvî kûthira na mûthenya ûrî vakuvî gûka. Nîtûtige gwîka ciîko irîa ciîkagîrwa ndumarî na tûoce indo cia mbaara irîa itûmagîrwa kûrûa ûtherirî.


Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.


Kwoguo wîtîkio wenyu ndumanîte na ûûgî wa ûmûndû nwatî umanîte na vinya wa Ngai.


Nî mûthigari ûrîkû ûrîvaga matûmîri make ke mwene vîndî îrîa arî mbaararî? Nî mûrîmi ûrîkû ûtarîcaga matunda marîa maumaga mûgûndarî wake wa mîthavibu? Nî mûrîthi ûrîkû ûtanyunyaga îriia kuuma ndîthiarî yake?


Nîûndû nie wana ngegatha vanini makîria ûvororî wîgiî vinya ûrîa tûvetwe nî Mwathani ndingîconoka. Nîûndû vinya ûcio nî wa gwaka wîtîkio wenyu na tî wa kûûthûkia.


Nîramwandîkîra ûguo nîrî kûraca namue, nîguo vîndî îrîa ngaaûka ndikamûvinyîrîrie ngîvûthîra vinya ûrîa mvetwe nî Mwathani. Mvetwe vinya ûcio nîguo mvote kûmûtethia nwatî tî kûmûcûkia.


Tûtirauga atî tûrî na ûvoti wa kûruta wîra ûyû. Ngai nîke ûtûvotithagia kûruta wîra ûrîa wonthe tûrutaga.


Nwatî tûrî na mûthithû ûyû twîkariî ta nyûngû cia yûmba nîguo kwonanue atî vinya mûnene uumaga kûrî Ngai, nwatî tî kuuma kûrî tue.


ndûmîrîri yetû ya ûma na tûrî na vinya wa Ngai. Twîthagîrwa tûrî na ûthingu ûrî guo indo cietû cia mbaara cia kûrûa na cia kwîgitîra kûrî maûndû monthe.


Nwatî tûrî andû a mûthenya. Kwoguo nîtwagîrîrwe nîgwîkara twîîguîte. Twagîrîrwe nîgwîkîra wîtîkio na wendani nîguo ituîke ta ngo ya cuuma ya kûgitîra kîthûri, na tûgîe na mwîrîgîrîro wa kûvonoka ûrî ta ngovia ya cuuma twîkîrîte ya kûgitîra kîongo.


Timotheo mwana wakwa, nîrakwatha wîkage maûndû mama nîûndû nîmaringanîte na maûndû marîa maarathirwe makwîgiî. Tûmîra ciugo icio irî ta indo cia mbaara nîguo ûvote kûrûa waro.


Îtîkîra kûnyarirwa vamwe natue ta mûthigari mwaro wa Jesû Kristû.


Wîtîkio nîguo watûmire nthingo cia Jeriko ciomomoke ciarîkia kûthiûrûrûkwa mîthenya mûgwanja nî andû a Isiraeli.


Nao athînjîri-Ngai nîmaavuvire tûrumbeta twao. Na rîrîa andû meegwire mûgambo wa tûrumbeta nîmaaugîrîrie na mûgambo mûnene. Nacio nthingo cia Jeriko nîciagwîre. Andû a Isiraeli nîmaaunûkirie kîrîma na magîtonya îtûûrarî rîa Jeriko makîrînyita.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ