2Akor 10:2 - ÎVUKU RÎA ÛVORO MWARO

² Nîramûria atî vîndî îrîa ngaaûka mûtigatûme ngaaria na ûcamba. Nîûndû nîrî na ma atî nwa mbarie na ûcamba kûrî andû arîa maugaga atî mîtugo yetû nî ya kîûmûndû.

2Akor 10:2 ပူးပေါင်းရင်းမြစ်များ

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

Aroma 8:4

Ngai eekire ûguo nîguo tue arîa tûrûmagîrîra maûndû marîa Roho endaga nwatî tî maûndû marîa meriragîrua nî mwîrî tûvingagie maûndû marîa watho ugîte.

Aroma 8:5

Nîûndû andû arîa marûmagîrîra maûndû ma mwîrî meciragia maûndû marîa mwîrî wendaga, nwatî andû arîa marûmagîrîra maûndû ma Roho, meciragia wa maûndû marîa Roho endaga.

2Akor 1:17

Nie ngîvanga mûvango nîkwa nonekaga ta nîngîgarûrûka? Vîndî îrîa ngûthondeka mîvango yakwa, nîkwa nîmîthondekaga nîrî na meciria ma ûmûndû nîvarîrîtie kuga “Ii,” na “naarî” vîndî wa îo?

2Akor 11:21

Nie nînîregua nthoni ngiuga atî tue tûtiarî na vinya wa gwîka maûndû mau! Nwatî ethîrwa mûndû wana ûrîkû nwa etîîe nîûndû wa kîndû, wa nanie nwa nîtîîe. Nie nîraria ta mûndû mûritu.

2Akor 13:10

Nîramwandîkîra ûguo nîrî kûraca namue, nîguo vîndî îrîa ngaaûka ndikamûvinyîrîrie ngîvûthîra vinya ûrîa mvetwe nî Mwathani. Mvetwe vinya ûcio nîguo mvote kûmûtethia nwatî tî kûmûcûkia.

2Akor 13:2

Nînaakanirie arîa mevîtie mbere vamwe na acio engî onthe rîrîa naarî namue. Wa na rîu nîrî kûraca nîngûmakaania. Vîndî îrîa ngaaûka rîngî gûtirî mûndû ûtakaaverithua,