2Akor 10:14 - ÎVUKU RÎA ÛVORO MWARO

¹⁴ Tûtiaruta wîra makîria ya ûrîa twagîrîrwe nî kûruta vîndî îrîa twaûkire kwenyu rîa mbere, kûmûretere Ûvoro mwaro wîgiî Kristû.

2Akor 10:14 ပူးပေါင်းရင်းမြစ်များ

Maariko 1:1

Gîkî nîkîo Kîammbîrîria Kîam Ûvoro Mwaro wîgiî Jesû Kristû, Mûriû wa Ngai

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

Aroma 16:25

Nîtûkumieni Ngai! Ke arî na ûvoti wa gûtûma mwîkare mûkindîrîtie wîtîkiorî wenyu kûringana na Ûvoro mwaro wîgiî Jesû Kristû ûrîa mvunjagia, na kûringana na kûguûrîrua nthitho ya ûvoro wama ûrîa wethîrîtwe ûrî mûthithe gwa kavinda karaca mûno.

Aroma 2:16

Kwoguo, kûringana na ûvoro mwaro ûrîa mvunjagia ûguo nîguo gûkethîrwa gwîkariî mûthenya ûrîa Ngai na njîra ya Jesû Kristû agaatua ciira wa maûndû ma nthitho marîa marî ngororî cia andû.

1Akor 2:10

Nwatî Ngai nîatûguûrîrîtie nthitho yake na njîra ya Roho wake. Roho atuîragia maûndû monthe wana nginyagia nthitho irîa ndikîru mûno cia Ngai.

1Akor 3:10

Na ngîtûmagîra kîveo kîrîa naveerwe nî Ngai, nie nînatumire mûcingi wa nyomba îo nîrî ta mûtumi ûrî na wara mwîngî. Nake mûndû wîngî nîaratuma îgûrû rîaguo. Nwatî wa mûndû nwanginya amenyerere ûrîa atumaga îgûrû rîaguo.

1Akor 4:15

Nîûndû wana ethîrwa mûrî na arimû matangîtarîka mûtûûrîrerî wenyu wa Ûkristiano, mûrî na îthe ûmwe tu. Na nîûndû wa kwîthîrwa mûrî na ûrûmwe na Jesû Kristû, nînatuîkire îthe wenyu na njîra ya kûmûkinyîria Ûvoro Mwaro.

2Akor 2:12

Vîndî îrîa nie naakinyire Toroasi kûvunjia Ûvoro mwaro wîgiî Kristû nînoonire atî Mwathani nîwavingûrîte njîra nîûndû wa wîra wake kuo.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

Akol 1:5

Rîrîa ndûmîrîri îrîa ya ma, nîyo ûvoro mwaro yamûkinyîre rita rîa mbere, nîmwegwire ûvoro wîgiî mwîrîgîrîro ûrîa îvecanaga. Kwoguo kîrîa mwîrîgagîrîra nîkîo gîtûmaga mwîtîkie Jesû Kristû na mûgîe na wendani. Nakîo kîrîa mûrî na mwîrîgîrîro wakîo mûrî aigîre kîo waro îgûrû.

1Tim 1:11

Maûndû mama mathomithanîtue marî Ûvororî Mwaro ûrîa naveerwe mvunjie. Ûvoro ûcio umaga kûrî Ngai ûrîa ûrî riiri na mûrathime.