2Akor 1:8 - ÎVUKU RÎA ÛVORO MWARO

⁸ Ariû na aarî a îthe wetû, tue nîtûkwenda mûmenye mathîna marîa twarî namo vûrûrirî wa Asia. Mîrigo îrîa tue twakuithîtue yarî mînene na mîrito nginya tûkîûrwa nî kîîrîgîrîro gîa ûtûûro.

2Akor 1:8 ပူးပေါင်းရင်းမြစ်များ

Ciîko 16:6

Nake Paûlo na andû arîa maathiîcanîtie nake nîmaavîtûkîrîre mavûrûrirî ma Furîgia na Galatia nîûndû Roho Mûtheru nîwamagiririe matikavunjie Ûvoro Mwaro kûu vûrûrirî wa Asia.

Ciîko 19:41

Nake karani wa îtûûra arîkia kuga maûndû mama, nîwerire andû mathiî.

Ciîko 2:9

Tue tumîte kûndû mwanya, kuuma Parithia, Amede na Aelamu, kuuma Mesopotamia, Judea, Kapadokia, na kuuma Ponto, Asia na

Aroma 1:13

Ariû na aarî a Îthe wetû, nîngwenda mûmenye atî mavinda meengî nanavanga gûka kûrî mue nwatî ûndû ûkaga ûkandigîrîria. Mendaga gûka nîguo ndûme andû arîa engî matuîke arûmîrîri a Jesû Kristû wa ta ûrîa nekire kûrî andû a ndûrîrî.

1Akor 15:32

Ethîrwa naatongoretue nî merirîria ma kîûmûndû vîndî îrîa naarûaga na nyamû cia kîthaka kûu Efeso naagunîkire atîa? Nwatî ethîrwa akuû matikaariûkua, “Tigani tûrîe na tûnyue nîûndû rûyû nîtûgaakua.”

1Akor 16:9

Nîûndû gûkû kûrî na kanya ga kûruta wîra mûnene na mwaro wana ethîrwa kûrî na andû eengî mararegana nanie.

1Akor 4:8

Nîkwa mûreciria atî nîmûrîkîtie kûgîa na maûndû monthe marîa mûvatarîte? Mwîciragia atî mue mûrî atongu? Nîkwa mûreciria atî nîmûrîkîtie gûtuîka athamaki wana ethîrwa tue tûtirî athamaki? Naarî kethîrwa mue mûrî athamaki, nîguo wanatue tûtuîke athamaki vamwe namue.

2Akor 1:9

Ngororî cietû nîtwegucaga atî nîtwatuîrîrîtwe kûragwa. Nwatî ûguo wekîkire nîguo tûtikevoke vinya wetû tue ene, nwatî twîvoke Ngai ûrîa ûriûkagia arîa makuîte.

2Akor 6:9

Tûtucagwa ta andû matecîwe, nwatî nîtwîcîwe nî andû onthe. Tûtucagwa ta tûrî akuû, nwatî wata ûrîa mue mûrona tue tûrî mwoyo. Wana ethîrwa nîtûverithagua tûtiûragagwa.

1Sam 20:3

Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”

1Sam 27:1

Daudi nîweîrire na ngoro atîrî, “Mûthenya ûmwe Saûlo nîakambûraga. Kwoguo ûndû ûrîa mwaro makîria nîngîka nî kûra nthiî vûrûrirî wa Afilisiti. Vîndî îo Saûlo nîagaatiga kûnjaria kûu vûrûrirî wonthe wa Isiraeli, na ngethîrwa nîrî mûgitîre kuuma kûrî ke.”