2Akor 1:14 - ÎVUKU RÎA ÛVORO MWARO

¹⁴ nîûndû rîu mûtaûkîrîtwe nî maûndû mamwe marîa matwîgiî. Rîrîa mûthenya wa Mwathani wetû Jesû ûgaakinya nîmûgetîîa nîûndû wetû wata ûrîa twîthagîrwa tûgîtîîa nîûndû wenyu.

2Akor 1:14 ပူးပေါင်းရင်းမြစ်များ

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

1Akor 11:18

Ûndû wa mbere, nîmbîrîtwe atî kûrî ikundi itegucanaga mîcemaniorî yenyu. Nîmbîtîkîtie atî maûndû mamwe ma mau nîma ma.

1Akor 15:31

Ariû na aarî a îthe wetû nîngucaga wa mûthenya wa mûthenya. Nîrauga ûguo nîûndû wenyu nîûndû tue tûtûûraga tûrî ûrûmwe na Mwathani wetû Jesû Kristû.

2Akor 2:5

Nwatî ethîrwa nîkûrî mûndû wîgwithanîtie kîeva, ke ndekîte ûguo kûrî nie nienga, nwatî (nîrauga ûguo ndakwenda kûgathîrîria mûno) ekîte guo kûrî mue muonthe.

2Akor 5:12

Tue tûtiramûringîrîria mûtwîtîkîre rîngî, nwatî tûrageria kûmûva gîtûmi kîrîa kîngîtûma mwîtîîe nîûndû wetû. Kwoguo mwarîkia gûkîmenya mûkaavotaga gûcokia ciûria cia arîa metîîaga nîûndû wa ûrîa andû monekanaga na tî ûndû wa ûrîa mekariî ngororî ciao.

2Akor 9:2

Nie nîmbicî atî mue nîmûrenda gûtethia, nanie nînetîire kûrî andû a Makedonia nîûndû wenyu na ngîmeera atîrî, “Ariû na aarî a îthe wetû a Akaia methîrîtwe mevarîrîtie gûtethia kuuma mwaka mûthiru.” Wendi wenyu wa kûvecana nîûtûmîte amwe ao mende kûvecana.

Afil 1:10

nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

Afil 1:26

nîguo rîrîa ngeethîrwa tûrî namue rîngî mûkeethîrwa mûrî na gîtûmi kîganu gîa gwîtîîa nîûndû wakwa mûtûûrîrerî wenyu mûrî na ûrûmwe na Kristû Jesû.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Afil 2:16

rîrîa mûkûmava ndûmîrîri îgiî ûvoro wa mwoyo. Mweka ûguo, nîngaagîa na gîtûmi Kîam gwîtîîa nîûndû wenyu mûthenya wa gûka gwa Kristû. Ûndû ûcio nîûkoonania atî kîîo gîakwa wa vamwe na wîra wakwa itiarî cia mana.

Afil 4:1

Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.