2Akor 1:12 - ÎVUKU RÎA ÛVORO MWARO

¹² Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 1:12 ပူးပေါင်းရင်းမြစ်များ

2Sam 22:22

Nîmbathîkîrîte mawatho ma Ngai-Mûnene, na ndirî nagarûrûka ngatiganîria Ngai wakwa.

Ayubu 13:15

Enda kûmbûraga nîambûrage, ndirî na mwîrîgîrîro wîngî. Kûnarî ûguo, ngeyarîrîria varî ke.

Isaia 38:3

na akiuga atîrî, “Ûûi Ngai-Mûnene, nakûthaitha ûririkane ûrîa mbîthîrîtwe nîrî mwîvokeku kûrî we na ngoro yonthe, na ngîkaga maûndû marîa wonaga marî maro.” Na Hezekia nîwarîrire arî na ûrûrû mwîngî mûno.

Ciîko 23:1

Paûlo nîwaroririe athuuri a Kîamma araûkîtie mûno na akiuga atîrî, “Ariû na aarî a îthe wetû, methorî ma Ngai nie nîndûûrîte nîrî na thamiri ntheru nginya mûthenya ûyû wa ûmûnthî.”

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

Aroma 9:1

Nie nîraria ûma nîrî ndaarî ya Kristû. Thamiri yakwa îrîa yathagwa nî Roho Mûtheru nî mûira wakwa atî ndirathaana.

1Akor 1:17

Kristû ndaandûma nîguo mvatithanie. Nwatî aandûmire nîguo ngavunjie Ûvoro Mwaro. Aandûmire ngavunjie ûvoro ûcio ndagûtûmîra ûûgî ûrîa umanîte na ûûmûndû. Nekire ûguo nîguo gûkua gwa Kristû mûtharavarî gûtigaatuîke kwa mana.

1Akor 12:8

Roho nîavecaga mûndû ûmwe ndûmîrîri îcûrîte ûûgî, na Roho wa ûcio akava mûndû wîngî ndûmîrîri îcûrîte ûmenyo.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 2:13

Kwoguo tûtiaragia ûvoro wîgiî maûndû mama tûgîtûmagîra ciugo irîa twathomithirue na njîra ya ûûgî wa ûmûndû, nwatî twaragia tûgîtûmagîra ciugo irîa twathomithirue nî Roho. Kwoguo andû arîa marî na roho nîtûmataaragîria ûvoro wa ma wa kîîroho.

1Akor 4:4

Nie ndiîcî ûndû wana ûmwe mûcûku mbîkîte, nwatî ûguo tî kuga atî nîrî mwagîrîru. Mwathani nîke ûnducagîra.

1Akor 5:8

Kwoguo tigani tûkûngûîre kîrugo gîkî tûtarî na mîgate îrî na ndawa îno ngûrû ya kwimbia na nîo wîvia na waganu, nwatî nî na mûgate ûrugîtwe na mûtu ûrarî mwîkîre ndawa ya kwimbia ûrîa arî guo ûtheru na ûma.

2Akor 1:17

Nie ngîvanga mûvango nîkwa nonekaga ta nîngîgarûrûka? Vîndî îrîa ngûthondeka mîvango yakwa, nîkwa nîmîthondekaga nîrî na meciria ma ûmûndû nîvarîrîtie kuga “Ii,” na “naarî” vîndî wa îo?

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

2Akor 8:8

Nie ndiramwîra ûguo takwa nîramwatha. Nwatî na njîra ya ûrîa arîa engî mendete gûtethia, nîrenda kûmenya ûrîa wendo wenyu wana guo ûrî wa ma.

Agal 6:4

Wa mûndû nîatuîrie wîra wake ke mwene. Wethîrwa wî mwaro, mûndû nwa etîe nîûndû wa wîra ûrîa arutîte atakûûringithania na wîra wa mûndû ûrîa wîngî.

Aefeso 6:14

Kwoguo îkaragani mwîkindîrîtie na mwîvotorete ûma ta arî guo mûcivi ûrîa mwîyovaga kîûnûrî, naguo ûthingu ta arî yo ngo yenyu ya kûgitîra kîthûri,

Afil 1:10

nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

1Ath 2:10

Mue mûrî aira wana Ngai nî mûira wetû atî rîrîa twarî namue, mue arîa mwîtîkîtie twarî na mîtugo mîaro na îtaarî na ûcuke.

1Tim 1:5

Nîrakwatha ûguo nîguo mûrurumûkie wendo ûrîa umaga ngororî ntheru, thamirirî mbaro na wîtîkiorî wa ma.

Tito 2:7

Maûndûrî monthe, nwa nginya we wîthagîrwe ûrî kîonereria Kîam mîtugo mîaro. Vîndî îrîa ûrathomithia, onanagia ûgima na wîthagîrwe ûrî na gîtîîo.

Ahib 13:18

Tûvoyagîreni. Tûrî nama atî thamiri cietû nî ntheru, nîûndû twendaga gwîka ûrîa kwagîrîrîte mavindarî monthe.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”

Josh 24:14

“Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.

1Pet 3:16

Nwatî îkagani ûguo mûrî na ûvoreri na gîtîîo. Îthagîrwani mûrî na thamiri ntheru, nîguo andû arîa maragia ûndû mûcûku ûmwîgiî nîûndû nîmûrûmagîrîra Kristû, maconokage.

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,