1Tim 6:4 - ÎVUKU RÎA ÛVORO MWARO

⁴ mûndû ûcio nî mwîtîi na gûtirî ûndû ecî. Mûndû ûcio ethagîrwa arî na mûrimû wa kwenda ngarari na gûteta ûvororî wîgiî ciugo. Ûndû ûyû nîûretaga wîru, înegene, irumi, gwîciiranîria naaî,

1Tim 6:4 ပူးပေါင်းရင်းမြစ်များ

Nthi 13:7

Andû amwe metucaga itonga, nwatî matirî kîndû. Engî metucaga athîni, nwatî marî ûtonga mwîngî.

Nthi 25:14

Mûndû ûrîa wîkumagia atî nîakûvecana kîveo na ndavecane, ekariî ta rûkûngi na matu gûtarî na mbura.

Nthi 26:12

Nî kava kîrimû gûkîra mûndû ûrîa wîtucaga atî ke nî mûûgî.

Isaia 58:4

Taroriani, mwînyerekagia nîguo mûtetanie na mûrûe mûkîringanaga na ngundi. Kwînyerekia kwa mûthemba ta ûyû wenyu gûtigaatûma nîmûthikîrîrie mûkîmvoya.

Ciîko 15:2

Nao Paûlo na Baranaba nîmaakararanirie mûno na andû acio, na îgûrû rîgiî ûvoro ûcio. Kwoguo nîgwatuîkire atî Paûlo na Baranaba na etîkia amwe a Antiokia, nwa nginya matûmwe Jerusalemu nîguo mathiî maranîrie na atûmwa na athuuri îgûrû rîa ûvoro ûcio.

Ciîko 18:15

Nwatî maûndû marîa maratûma mûkararanie megiî ciugo, marîîtwa na watho wenyu. Kwoguo mue ene nîmwagîrîrwe nî kûmenya ûrîa mûgwîka. Nie nînarega kûthondeka îtua îgûrû rîa maûndû ta mama!”

Ciîko 8:9

Nwatî îtûûrarî rîu nîkwarî na mûndû wetagwa Simoni watûûraga aragûraga. Nake nîwamakagia andû mûno akîmeera atî ke nî mûndû wa vata mûno.

Aroma 12:16

Tûûrani mwîgucanîte mûndû na mûndû ûrîa wîngî. Mûtigetîîe, nwatî tumagani ûrata na andû arîa monekaga matarî îgweta. Tigagani kwîyona ta mûrî aûgî.

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

Aroma 14:1

Amûkagîrani mûndû ûrîa ûtarî vinya wîtîkiorî, nwatî mûtigakararanie nake ûvororî wa maûndû marîa ke etîkîtie nwatî mue mûtimetîkîtie.

Aroma 2:8

Andû engî nî eyendi na nîmaregaga kûrûmîrîra ûma nîguo mekage maûndû marîa macûku. Nga nîakaaverithia andû acio arî na marakara.

1Akor 11:16

Nwatî ethîrwa mûndû wana ûrîkû nîarenda gûkararia ûndû ûcio, nie ûrîa nguga nî atî, tue wana kana makanitha ma Ngai tûtiîthagîrwa tûrî na mûtugo wîngî vîndî ya kûvoya.

1Akor 11:18

Ûndû wa mbere, nîmbîrîtwe atî kûrî ikundi itegucanaga mîcemaniorî yenyu. Nîmbîtîkîtie atî maûndû mamwe ma mau nîma ma.

1Akor 3:18

Mûndû wana ûrîkû ndakeveenie. Ethîrwa nîkûrî na mûndû wana ûmwe gatagatîrî kenyu wîciragia atî ke nî mûûgî arî gûkû nthî îno, nîwagîrîrwe nîgwîtua kîrimû nîguo atuîke mûûgî na ma.

1Akor 3:3

nîûndû wana rîu mûtûûraga wata ûrîa andû a gûkû nthî matûûraga. Rîrîa kûrî na wîru na ngarari gatagatîrî kenyu-rî, na kinthî ûndû ûcio ndwonanagia atî mue mûrî a gûkû nthî na mûtûûraga ta andû a gûkû nthî.

2Akor 11:20

Mue nîmûkiragîrîria mûndû wa wonthe ûrîa ûmwathaga ta mûrî ngombo, kana ûmûvûthagîra naaî, kana ûmûveenagîrîria. Wana nîmûkiragîrîria mûndû ûrîa wîciragia atî nî mwaro kûmûkîra na ûrîa ûmûcamûraga rûvî.

Agal 5:15

Nwatî ethîrwa mwîkaga ta nyamû cia kîthaka, mûgatûma andû maturwe na mathînanie. Îîmenyerereni nîûndû nwa mûthiranie viû.

Agal 5:26

Tue ene, tûtiagîrîrwe nî gwîtîîa, kûrakara wana kana kwîgucanîra wîru.

Agal 6:3

Mûndû angîciria atî ke nî wa vata na kwaria ma tî wa vata, nîkwîveenia eveenagia.

Afil 1:15

Nîma atî amwe ao mavunjagia ûvoro wa Kristû marî na wîru na ngarari, nwatî engî mavunjagia marî na ngoro ntheru.

Afil 2:14

Îkagani maûndû monthe mûtagûteta kana gûkararania.

Afil 2:3

Îkagani maûndû mûtakwîyenda na mûtagwîtîîa. Nwatî na njîra ya wînyivia, vingo cionthe wa mûndû nîatucage ûrîa wîngî mwaro kûmûkîra.

Akol 2:18

Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.

1Tim 1:4

Wana nîmerwe matige kûgana ng'ano itarî na vata na kûvecana mûtaratara mûraca wa methe ma tene. Maûndû mama nîmo maretage ngarari na matitungataga mûvango wa Ngai ûrîa ûmenyekaga na njîra ya wîtîkio.

1Tim 1:7

Andû aya mendaga gûtuîka arimû a watho, nwatî matitaûkagîrwa nî ûrîa o ene makwaria wana kana mataûkîrwe nî maûndû marîa maragia marî na ûmîrîru mûnene.

1Tim 3:6

Mûtongoria wa kanitha agîrîrwe nî kwîthîrwa arî mûndû ûtarî mwîthî wîtîkiorî, nîguo ndakagîe na mwîtîîo mwîngî na atuîrwe wata ûrîa Ngoma aatuîrîrwe.

2Tim 2:14

Ririkania andû aku maûndû mama na ûmakaanie mbere ya Mwathani ûvoro wîgiî ngarari na gûteta îgûrû rîgiî ciugo irîa itarî na vata. Ciugo ta icio nîkwa ithûkagia andû arîa maithikagîrîria.

2Tim 2:23

Reganaga na ngarari cia ûrimû na gûtura ûmenyo, nîûndû we nîwîcî atî iretage înegene.

2Tim 3:4

nîmagaatuîka acukanîrîri, arûgîrîri na etîi mûno. Nîmagaatuîka andû a kwenda maûndû marîa macûku vandû va kwenda maûndû marîa maro.

Tito 3:9

Nwatî îthemage ngarari cia ûrimû, ng'ano ciîgiî mûtaratara mûraca wa methe ma tene, na nyamûkano na mateta ma ûvoro wîgiî Watho. Maûndû mau matirî vata na gûtirî kîndû magunaga.

Jakuvu 1:19

Arata akwa ende, ririkanagani maûndû mama! Mûndû wa wonthe nîaviûvage kwîgua, nwatî ndakaviûvage kwaria kana kûrakara.

2Pet 2:12

Nwatî mekaga maûndû matambîte gwîciiria ta nyamû cia kîthaka irîa ciaûmbirwe nîguo inyitagwe na ikaûragwa. Matonyagîrîra na irumi maûndû marîa matarataûkîrwa nîmo. Makaathirua wata nyamû cia kîthaka.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.

Juda 1:10

Nwatî andû acio nîmarumaga maûndû marîa o matataûkagîrwa nîmo. Namo maûndû marîa mamenyaga na ûmenyo wa mûciarîre ta nyamû cia kîthaka, nîmo mamacûkangagia.

Juda 1:16

Vîndî cionthe andû acio nîmanugunaga na makegwatia andû arîa engî. Nîmarûmagîrîra merirîria mao macûku. Nîmeganaga na makaveenereria andû arîa eengî nîguo megune o ene.

Kûguû 3:17

We uugaga atîrî, ‘Ûrî mûtongu na ûrî na indo nyîngî na gûtirî na kîndû ûvatarîte.’ Nwatî we ndûramenya ûrîa ûrî mûkîa na wagîrîrwe nî kwîguîrwa ntha! We ûrî mûthîni, ûrî njaga na ûrî mûtumumu.