1Tim 6:19 - ÎVUKU RÎA ÛVORO MWARO

¹⁹ Na njîra ta îno nîmakwîthîrwa meigîrîte mûthithû wao wî ta mûcingi wî na vinya wa vîndî îrîa îgaûka. Nao nîmagaacoka magîe na mûtûûrîre ûrîa wa ma.

1Tim 6:19 ပူးပေါင်းရင်းမြစ်များ

Thaburi 17:14

mvonokia na vinya waku we Ngai-Mûnene, kuuma kûrî andû arîa marî na indo cionthe irîa mendaga. Maverithie na îvera rîrîa ûmaigîrîte, ciana ciao irokinyîrwa nî îvera rîu, na rîkinyîre ciana cia ciana ciao!

Nthi 10:25

Rîrîa rûkûngi rûnene rwaûka rûthiragia andû arîa aganu, nwatî andû arîa athingu matûûraga mekindîrîtie tene na tene.

Nthi 31:25

Nîakumagua nîûndû wa vinya na gîtîîo gîake, na ndetigagîra mavinda marîa magaaûka.

Mûvunjia 11:2

Onjorithia mbeca ciaku na njîra nyîngî, nîûndû ndwîcî ûrîa gûgekara.

Mathaayo 19:21

Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Luka 12:33

Endiani indo cionthe cienyu na mûcoke mûve athîni mbeca icio. Îîthondekereni tûveeti twa mbeca tûrîa tûtangîthira. Îigîreni mûthithû wenyu îgûrû kwa Ngai, kûrîa ûtangînyiva nîûndû gûtirî mwîi ûngîûkinyîra wana kana mûthûa ûngîûcûkia.

Luka 16:25

“Nwatî Iburahimu nîwamwîrire atîrî, ‘Mwana wakwa, taririkana atî kavinda karîa warî mwoyo nîwavetwe maûndû monthe maro, nake Lazaro akavewa maûndû monthe macûku. Nwatî rîu Lazaro arî gîkenorî nawe ûrî mathînarî.

Luka 16:9

Jesû nîwathiîre na mbere kwaria na akiuga atîrî, “Tûmîrani ûtonga wa gûkû nthî mûkîthondeka arata, nîguo rîrîa ûtonga wenyu ûkaathira, Ngai akamûgwata ûgeni mûciîrî wa tene na tene.

Luka 18:2

“Îtûûrarî rîmwe kwarî na mûcirithania ûtetigagîra Ngai kana ava andû gîtîîo.

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

Afil 3:12

Nditucaga atî nîrîmûgîu na kîndû kana atî nîrî mûkinyanîru viû, nwatî mbîthagîrwa ngîîrutanîria nîguo ngîe na kîveo nîûndû Kristû nîmûvootanu na akandua wake.

Afil 3:14

Kwoguo nîîrutanagîria kûvinyûra ndoretie mbere nîguo nacinda mvewe kîveo kîrîa Ngai ambîtîîre kûu îgûrû na njîra ya Jesû Kristû.

1Tim 6:12

Rûa mbaara mbaro ya wîtîkio, nîguo ûgîe na mwoyo wa tene na tene ûrîa wetîrwe vîndî îrîa waumbûrire ûrîa wîtîkîtie Jesû Kristû ûrî mbere ya aira eengî.

2Tim 1:1

Kuuma kûrî Paûlo mûtûmwa wa Jesû Kristû nî ûndû wa kwenda kwa Ngai, ndûmîtwe ngavunjie ûvoro mwaro wa tene na tene ûrîa ûvecanagwa nî Jesû Kristû.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

1Pet 1:4

kwoguo nîtwetagîrîra kûgwata îgai rîrîa Ngai aigîrîte andû ake. Îgai rîrîa amwigîrîte îgûrû kûrîa rîtangîora, rîtangîgia na gîko na rîtangîthira.