1Tim 6:18 - ÎVUKU RÎA ÛVORO MWARO

¹⁸ Atha itonga ituîke andû aro na ituîke itonga cia mawîra marîa maro. Maathe matuîke andû ataana na andû a kûgaana indo ciao na andû arîa engî.

1Tim 6:18 ပူးပေါင်းရင်းမြစ်များ

2Maû 24:16

Jehoiada nîwathikirwe mbîrîrarî irîa ciathikagwa athamaki îtûûrarî rîa Daudi, nîûndû nîwarutîte wîra mwaro kûu Isiraeli na kûrî Ngai na hekarû yake.

Thaburi 112:9

Arutaga na ûtaana, akava andû arîa athîni; ûtaana wake ûtûûraga tene na tene; ethagîrwa na vinya na nîwîtigîrîtwe.

Thaburi 37:3

Îîvokeni Ngai-Mûnene na mwîkage waro, nîguo mûtûûre vûrûrirî ûyû mûrî na thayû.

Mûvunjia 11:6

Vanda mbegû mûgûndarî waku kîraûko na kîvwaî, nîûndû ndwîcî irîa igaakûthatûka nî cia kîraûko kana nî cia kîvwaî.

Mûvunjia 3:12

Kwoguo nînaamenyire atî ûndû ûrîa mwaro mûndû angîka nî gûkena na gwîkenia ûtûûrorî wake wonthe.

Isaia 32:8

Nwatî mûndû mûtîîku ekaga maûndû ma gîtîîo, na arûngamagîrîra ûma.

Isaia 58:7

Nî kûgaana irio cienyu na arîa avûtu na kwamûkîra athîni arîa maûrûraga mîciîrî yenyu. Mwona mûndû arî njaga, mûkamûva nguo na mûtikarege gûtethereria andû enyu.

Mathaayo 5:42

Ethîrwa mûndû nwa akûvoe kîndû mûve, na ethîrwa nwa agûkove kîndû mûkovithie.

Luka 12:21

“Ûguo nwa ta guo gwîkaraga vîndî îrîa mûndû eigîra mûthithû ûrîa ûtarî wa ndûmîrîri ya Ngai.”

Luka 3:11

Nake Johana nîwamacokerie atîrî, “Mûndû wonthe ûrî na cati igîrî nwa nginya ave ûrîa ûtarî, na mûndû wa wonthe ûrî na irio nwa nginya agaîre ûrîa ûtarî.”

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 11:29

Nao arutwa nîmaatwire marute mbeca kûringana na ûvoti wa mûndû wa mûndû nîguo matethie etîkia arîa maatûûraga Judea.

Ciîko 9:36

Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.

Aroma 12:13

Tethagiani andû a Ngai arîa mavatarîte ûtethio, na mwamûkagîre ageni mîciîrî yenyu.

Aroma 12:8

Ûrîa ûrî na kîveo gîa kûûmanîrîria, nwanginya aûmanagîrîrie. Ûrîa ûrî na kîveo gîa kûvecana indo ciake, nî avecanage na ûtaana. Mûndû ûrîa ûrî na kîveo gîa ûtongoria nî atongoragie na kîîo. Mûndû ûrîa ûrî na kîveo gîa kwîgucanîra ntha nîegucanagîre ntha akenete.

1Akor 16:2

Wa mûthenya wa Jumaviri, wa mûndû nwa nginya aigage mbeca kûringana na ûrîa athûkûmîte. Wa mûndû nîwagîrîrwe nî kwiga mûthithû nîguo gûtikethîrwe kûrî na vata wa kûngania mbeca rîrîa ngaaûka.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

Aefeso 4:28

Mûndû wa wonthe wîaga nîatigane na wîi na ambîrîrie kûruta wîra nîguo ethûkûmagîre na njîra îno mbagîrîru kîrîa avatarîte ûtûûrorî na avotage gûtethia athîni.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Tito 3:8

Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.

Ahib 13:16

Mûtikariganîrwe nî gwîka waro na gûtethania mûndû na ûrîa wîngî, nîûndû mama nîmo magongoona marîa makenagia Ngai.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Pet 3:11

Nwanginya atige gwîkaga naaî na ekage maûndû maro; nwanginya acaragie thayû na ngoro yake yonthe.

1Joh 3:17

Mûndû angîthîrwa nî mûtongu na one mûrwang'ina kana mwarwang'ina arî na thîna nwatî arege kûmwîguîra ntha, mûndû ûcio nwa ethîrwe endete Ngai?

3Joh 1:11

Mûrata wakwa, ndûkarûmîrîre maûndû marîa macûku, nwatî rûmagîrîra maûndû marîa maro. Mûndû wa wonthe wîkaga waro nî wa Ngai, nake mûndû wa wonthe wîkaga maûndû macûku ndaanona Ngai.