1Tim 6:11 - ÎVUKU RÎA ÛVORO MWARO

¹¹ Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

1Tim 6:11 ပူးပေါင်းရင်းမြစ်များ

1Atha 13:1

Ngai-Mûnene nîwathire mûndû wa Ngai kuuma Juda athiî Betheli. Nake rîrîa aakinyire nîwethîrîrie Jeroboamu arûngamîte vau metharî ya kîgongoona akîenda kûruta îgongoona.

1Atha 13:26

Rîrîa mûrathi ûcio mûkûrû eegwire ûguo nîwaugire atîrî, “Ûcio nî mûndû wa Ngai ûrîa waregire kwathîkîra ûrîa Ngai-Mûnene aamwathîte! Kwoguo Ngai-Mûnene nîwatûmire mûnyambû ûthiî ûmûtharîkîre na ûmûrage, wata ûrîa Ngai-Mûnene aamwîrîte.”

1Atha 17:18

Mûndûmûka ûcio wa ndigwa nîwerire Elija atîrî, “Mûndû wa Ngai, wambîkire ûguo nîkî? Nîkwa waûkire kûririkania Ngai mevia makwa nîguo mûvîcîwa akue?”

1Atha 17:24

Nake mûndûmûka wa ndigwa nîwerire Elija atîrî, “Rîu nînetîkia atî wî mûndû wa Ngai na atî maûndû marîa Ngai-Mûnene aragia na njîra yaku nîma ma!”

1Atha 20:28

Mûndû wa Ngai ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene arauga atî: ‘nîûndû Asîria maugîte atî nie nî ngai ya irîma na tî wa ciandarî, nîngûkûvotithia kûvoota andû acio eengî ûguo na nîmûkaamenya atî nînie Ngai-Mûnene.’ ”

2Atha 1:13

Wa rîngî mûthamaki nîwatûmire mûnene wa kathatû wa athigari mîrongo îtano na athigari ake. Mûnene ûcio nîwaunûkirie kîrîmarî akîthiî kûrî Elija, agîturia maru mbere yake na akîmûthaitha akîmwîra atîrî, “Mûndû wa Ngai, nakûthaitha ûmbîguîre ntha vamwe na athigari akwa na ndûgatûûrage!

2Atha 1:9

Mûthamaki nîwacokire agîtûma mûnene wa athigari mîrongo îtano na athigari acio mathiî makagîre Elija. Mûnene ûcio nîwethîre Elija ekarîte nthî gacûmbîrî ga kîrîma na akîmwîra atîrî, “Mûndû wa Ngai, mûthamaki akwîra ûnyûrûrûke.”

2Atha 23:17

Nîwacokire akîûria atîrî, “Mbîrîra îîrîa nîrona vaarîa nî ya û?” Nao andû a îtûûra rîa Betheli nîmaamûcokerie atîrî, “Nî ya mûrathi wa Ngai ûrîa waûkire kuuma Juda na akîratha maûndû mama weka gûkû Betheli îgûrû rîa metha îno ya kîgongoona.”

2Atha 5:20

Gehazi, ndungata ya Elisha nîwaugire atîrî, “Taroria, mwathi wakwa nîwarega kwamûkîra kîrîa Naamani aramûreterete na nîwamûrekereria athiî. Nevîta na Ngai-Mûnene ûrîa ûtûûraga mwoyo, atî nînîmûrûmîrîria na îvenya na mboce kîndû kuuma kûrî ke.”

1Maû 23:14

Nwatî Avîcî a Musa mûndû wa Ngai, maataranîrue vamwe na andû a mûvîrîga wa Lawi.

2Maû 8:14

Solomoni nîwarûthire mûvango wa wîra wa wa mûthenya wa athînjîri-Ngai na Alawi arîa maatethagia athînjîri-Ngai kwina na kûruta wîra wao kûringana na watho wa îthe Daudi. Nîwavangire arangîri a ivingo ikundi na akîmava wîra wa gwîkaragia ivingo cionthe wa mûthenya kûringana na ûrîa Daudi ndungata ya Ngai aathanîte.

Nehemia 12:24

Atongoria a Alawi maarî: Hashabia, Sherebia, Jeshua mûvîcî wa Kadimieli. Nao aa mûrwang'ina nîmaarûngamaga mwena ûcio wîngî merekanîrîte na nîmaainaga nyîmbo cia gûkumia na gûcokia ngatho kûrî Ngai kûringana na ûrîa Daudi mûndû wa Ngai amaathîte.

Nehemia 12:36

Nao andû ao; Shemaia, Azareli, Milalai, Gilalai, Maai, Nethanieli, Juda, na Hanani, marî na indo cia kwina ta irîa cia Daudi mûndû wa Ngai nîmaamarûmîrîrîte. Nake Ezira mûndû ûrîa warî na ûgî mwîngî maûndûrî megiî watho nîke watongoretie gîkundi kîu.

Thaburi 34:14

Ûragîra maûndû marîa macûku na wîkage maûndû marîa maro; caragia thayû na ngoro yonthe.

Thaburi 38:20

Acio mambîkaga naaî rîrîa ngûmeka waro, mareganaga nanie nîûndû mbîkaga maûndû marîa maro.

Nthi 15:9

Ngai-Mûnene nîathûrîte mîthiîre ya andû arîa aganu, nwatî nîendete arîa mekaga maûndû ma ûthingu.

Isaia 51:1

Ngai-Mûnene arauga atîrî, “Tanthikîrîriani mue mwendaga gûkûûrwa, mue mûnjaragia nie Ngai-Mûnene. Îcirieni ûvoro wa îthiga varîa mwaumire, na ûvoro wa kware varîa mwenjirwe.

Jeremia 35:4

Nînamavirire nyombarî ya Ngai-Mûnene, kûu kanyombarî ga ciana cia Hanani mûvîcî wa Igadalia, mûndû wa Ngai. Kanyomba kau kaarî vakuvî na nyomba ya atongoria îgûrû rîa nyomba ya Maaseia mûvîcî wa Shalumu, mûrangîri wa mûrango wa hekarû.”

Aroma 14:19

Kwoguo nîtûcaragie maûndû marîa maretaga thayû na marîa mangîtûtethia kwonganagîrîra vinya.

1Akor 10:14

Kwoguo arata akwa arîa nie mendete tiganani na ûvoro wîgiî kûvoya mîvuanano.

1Akor 14:1

Geragiani na vinya mûno kûgîa na wendani. Îîriragîrieni na vinya mûno kûgîa na iveo cia kîîroho, na mûno makîria kîveo gîa kûvota kwanîrîra ndûmîrîri ya Ngai.

1Akor 6:18

Ûrîrani wîvia wa kûmenyana kîîmwîrî. Wîvia wîngî wonthe ûrîa wîkagwa nî andû wîthagîrwa ûrî nja ya mwîrî, nwatî mûndû ûrîa wîvagia na njîra ya kûmenyana kîîmwîrî nîevagîria mwîrî wake ke mwene.

Gûco 16:20

Mavinda monthe rûmagîrîrani kîvooto. Namue nîmûkegwatîra vûrûri ûrîa Ngai-Mûnene Ngai wenyu akûmûva na mûthiî na mbere gûtûûra kuo.

Gûco 33:1

Gîkî nîkîo kîrathimo kîrîa Musa, mûndû wa Ngai aatigîre andû a Isiraeli mbere ya akue.

1Tim 1:14

Nake Mwathani wetû nîamonetie wega wake mwîngî na nînîmwîtîkîtie na ngamwenda nîûndû wa kûgîa na ngwatanîro na Jesû Kristû.

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

1Tim 6:20

Timotheo, menyerera kîndû kîrîa Ngai akwîvokerete. Ndûkathikagîrîrie mîario îtarî na ûngai na ngarari cia ûrimû irîa andû amwe maugaga atî nî ûmenyo na tîguo.

2Tim 2:21

Andû arîa metheragia kuuma kûrî maûndû monthe ma waganu, magaatûmagîrwa rîrîa kûrî na maûndû manene, nîûndû nîmeamûrîte magatuîka andû a vata kûrî mûmathi. Andû aya nîmevarîrîtie kûruta wîra wa wonthe mwaro.

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.

2Tim 3:10

Nwatî we nîûrûmîrîrîte maûndû marîa nthomithagia, mîtugo yakwa, mworoto wakwa, wîtîkio wakwa, gûkirîrîria gwakwa, wendo wakwa, wetereri wakwa na kûmîrîria gwakwa.

2Tim 3:17

nîguo mûndû wonthe ûtungatagîra Ngai ethagîrwa arî mwagîrîru na arî mwîvarîriu gwîka ûndû wa wonthe mwaro.

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.

1Pet 3:11

Nwanginya atige gwîkaga naaî na ekage maûndû maro; nwanginya acaragie thayû na ngoro yake yonthe.

1Sam 2:27

Nake mûrathi nîwatûmirwe nî Ngai-Mûnene kûrî Eli akamwîre atîrî, “Nie nîneyonithanirie kûrî îthe wenyu wa tene Aroni na andû a mûciî wake vîndî îrîa maarî ngombo cia mûthamaki wa Misiri.

1Sam 9:6

Nwatî ndungata îo nîyerire Saûlo atîrî, “Tamba ûtige! Gûkû îtûûrarî rîîrî kwîthagîrwa kûrî na mûndû wa Ngai. Mûndû ûcio ethagîrwa arî mûtîîku mûno nîûndû maûndû monthe marîa augaga nîmatuîkîkaga. Tiga tûthiî kûrî ke, na avota gûtwîra kûrîa tûngîona mvunda icio.”