1Tim 5:8 - ÎVUKU RÎA ÛVORO MWARO

⁸ Ethîrwa kûrî mûndû ûrîa ûtamenyagîrîra andû ao na makîria andû a nyomba yake, nîmûreganu na wîtîkio na nî mûcûku gûkîra mûndû ûtetîkîtie.

1Tim 5:8 ပူးပေါင်းရင်းမြစ်များ

Kîam 30:30

Nîûndû mbere ya mbûke gwaku ndîthia ciaku itiarî nyîngî, nwatî rîu nîciîngîvîte mûno na Ngai-Mûnene nîarakûrathimaga kûrîa kuonthe nîrathiîcaga. Nwatî rîu nî kavinda ga kûthûkûmîra mûciî wakwa.”

Isaia 58:7

Nî kûgaana irio cienyu na arîa avûtu na kwamûkîra athîni arîa maûrûraga mîciîrî yenyu. Mwona mûndû arî njaga, mûkamûva nguo na mûtikarege gûtethereria andû enyu.

Mathaayo 18:17

Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.

Mathaayo 7:11

Ethîrwa mue mûnarî andû acûku, nîmûmenyaga kûva ciana cienyu indo irîa mbaro, na kinthî Îthe wenyu ûrîa wî îgûrû ndamenyaga mûno makîria kûvecana indo mbaro kûrî andû arîa mamûvoyaga!

Johana 15:22

Angîthîrwa ndiamava ndûmîrîri yakwa, matingîatuirwe evia. Nwatî rîu matirî na kîîgwatio atî matirî na mevia.

1Akor 6:6

Vandû va ûguo, mûkristiano arathiî îgootirî kûthitanga mûkristiano ûrîa wîngî na agetîkîria andû arîa matetîkîtie Kristû mamatuîre ciira!

2Akor 12:14

Rîîrî rîu nî riita rîa kathatû nîvarîrîtie gûka kûmûcerera. Nie ndigeetia kîndû kuuma kûrî mue. Nîmue ngwenda nwatî tî mbeca cienyu nîûndû ciana iticaragîria aciari ao, nwatî aciari nîo macaragîria ciana ciao.

2Akor 6:15

Kristû na ngoma nwa metîkanie? Mûndû wîtîkîtie na ûrîa ûtetîkîtie nwa magîe na ngwatanîro?

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

2Tim 2:12

Ethîrwa nîtûkûthiî na mbere kûmîrîria, nîtûkaathana nake. Ethîrwa nwa tûmûkaane, wanake nîagaatûkaana.

2Tim 3:5

Ciîko ciao nîta cia andû mecî Ngai, nwatî nîmaatigire kûmwîtîkia. Îîthemage andû ta acio.

Tito 1:16

Maugaga atî nîmecî Ngai nwatî ciîko ciao nîireganîte na ûvoro ûcio. Nîmathwîre andû arîa engî, matiathîkaga na matingîvota gwîka ûndû mwaro.

2Pet 2:1

Tene arathi a maveeni nîmeyumagîria gatagatîrî ka andû. Na njîra wata îo nwa yo arimû a maveeni makeyumîria gatagatîrî kenyu marete irîra cia gûcûkangia na itarî cia ma, na marege Mwathani ûrîa wamakûûrire. Kwoguo nîmakeretera narua maûndû ma kûmathiria o ene.

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.

Kûguû 3:8

Nie nîmbîcî ciîko cienyu. Ta roriani, mbere yaku nîmbigîte mûrango ûrî mûvingûre na gûtirî mûndû ûngîvota kûûvinga. Nie nîmbîcî atî we ûrî na ûvoti mûnini, nwatî we nîûrûmîrîrîte kîthomo gîakwa na ûkethîrwa ûrî mwîvokeku kûrî nie.