1Tim 5:5 - ÎVUKU RÎA ÛVORO MWARO

⁵ Mûndûmûka wa ndigwa ûrîa ûtarî na mûndû wa kûmûtethia na wîkaraga wenga, aigaga kîîrîgîrîro gîake kûrî Ngai. Avoyaga ûtukû na mûthenya nîguo Ngai amûtethie.

1Tim 5:5 ပူးပေါင်းရင်းမြစ်များ

Thaburi 91:4

Ngai nîagaagûkunîkîra na mathagu make; na ûkethagîrwa ûrî mûgitîre ûrî varî ke; wîvokeku wake ûgaakûgitagîra na ûgakûrûîrîra.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Isaia 49:21

Nîûgacoka wîyûrie na ngoro atîrî, ‘Nû wanjiarîre ciana ino cionthe? Nakuîrîrwe nî ciana ciakwa ngîtigwa takwa nîrî nthaata, navirirwe îthamîriorî na ngîtewa kûndû kûraca. Nwatî nû warerire ciana ino? Natigirwe kûu nîrî nienga, ciana ino nacio ciaumire kû?’ ”

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Isaia 54:1

Ngai-Mûnene arauga atîrî, Ina, we mûndûmûka nthata we ûtaanaciara, ugîrîria na wine na vinya, we ûtaanegua ruuo rwa gûciara. Nîûndû ciana cia mûndûmûka ûrîa ûtigîtwe nî nyîngî, gûkîra cia mûndûmûka ûrîa ûrî na mûrûme!

Maca 1:13

“Nîwatûmire mwaki kuuma îgûrû ûrîa wamvîvirie mavîndî. Nîwambigîre mûtego na akînjokia vuva, nîwacokire akîndiganîria ngîtinda nîrî mûgirîku.

Luka 18:1

Jesû nîwacokire akîva arutwa ake ngerekano ya kûmonia atî nîmagîrîrwe nî kûvoya vingo cionthe matagûkua ngoro.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Luka 2:37

Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Ciîko 26:7

Kîîranîro kîu nwakîo andû etû a mîvîrîga îrîa îkûmi na îîrî merîgagîrîra kûgîa nakîo vîndî îrîa makûgooca Ngai marî na kîîo ûtukû na mûthenya. Mûthamaki mûgathe, Ayahudi maranthitanga nîûndû nîrî na mwîrîgîrîro ûvororî wîgiî kîîranîro kîu!

Ciîko 6:1

Vuvarî arutwa nîmaathiîre na mbere kwongerereka. Nwatî vîndî wa îo, nîkwagîre na ngucanio gatagatîrî ka Ayahudi arîa maaragia Kîngiriki na Ayahudi arîa maaragia Kîhibirania. Ayahudi arîa maaragia Kîngiriki maaugaga atî aka ao a ndigwa nîmaatigagîrîrwa vîndî ya kûgaîrwa mbeca wa mûthenya wa mûthenya.

Ciîko 9:39

Kwoguo Petero nîwaûkîrire na akîthiîcania nao. Na vîndî îrîa ke aakinyire kuo, etîkia nîmaamûvirire nyomba ya îgûrû. Nao aka a ndigwa nîmaathiûrûrûkîrie Petero makîrîraga, na makîmwonia cati na magooti marîa Dorokasi aatumîte rîrîa aarî mwoyo.

Ciîko 9:41

Nake Petero nîwamûnengererie njara na akîmûtethia kûrûngama. Nîwacokire agîîta etîkia na aka a ndigwa na akîmûnenganîra kûrî o arî mwoyo.

Aroma 1:12

Ûrîa nîrauga nî atî tuonthe tûkaaûmanagîrîria ûndû ûmwe nî wîtîkio ûrîa tûrî naguo: Mue mûgunîke nî wîtîkio wakwa na nie ngunîke nî wîtîkio wenyu.

Aroma 1:5

Na njîra ya Jesû Kristû Ngai nîwatûmire ngîe na wega wake na agîtûma nduîke mûtûmwa nîguo andû a ndûrîrî cionthe metîkie na mathîke. Ndutaga wîra ûyû nîûndû wa Kristû.

1Akor 7:32

Nie ndirenda mûtangîke. Mûndû mûrûme wa wonthe ûtarî mûvikaniu nîarûmbûyanagia na wîra wa Mwathani, nîûndû ke ethagîrwa akîgeria gûkenia Mwathani.

1Akor 7:34

na kwoguo wendi wake wîthagîrwa ûrî mûgaûkanu. Mwanamwarî wa wonthe kana mwîrîtu nîarûmbûyanagia na wîra wa Mwathani, nîûndû ke endaga kwîyamûrîra Mwathani mwîrî na roho. Nwatî mûndûmûka wa wonthe ûvikîtue arûmbûyanagia na maûndû ma gûkû nthî nîûndû ethagîrwa akîenda gûkenia mûthuuriwe.

Aefeso 6:18

Voyagani Ngai amûtethagie vîndî îrîa mûreka maûndû mama monthe. Voyagani vîndî cionthe mûtongoretue nî Roho. Nîûndû wa gîtûmi kîu, îkaragani mwîvarîrîtie na mûtikanakue ngoro. Voyagîrani andû onthe a Ngai vîndî cionthe.

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

1Tim 2:1

Mbere ya maûndû monthe nîramûthaitha mûvoyage mavoya ma kûthaithanîra andû, gwîtia Ngai kîrîa mûrenda na gûcokia Ngatho kûrî Ngai nîûndû wa andû onthe.

1Tim 5:16

Nwatî ethîrwa kûrî mûndûmûka mûkristiano wî na aka a ndigwa gwake mûciî, nîamatethie. Kanitha ndîgakuithue mûrigo ûcio nîguo îvote gûtethia aka a ndigwa arîa matigîtwe matarî na mûndû wa kûmatethia.

1Tim 5:3

Menyagîrîra aka a ndigwa arîa matarî na andû mangîmatethia.

2Tim 1:3

Nie nînjokagîria Ngai ngatho ûrîa ndungataga na thamiri itarî na ûcuke. Methe metû ma tene nwaguo meekaga. Nînjokagîria Ngai ngatho vîndî îrîa ngûkûririkana mavoyarî makwa thaa cionthe ûtukû na mûthenya.

1Pet 3:5

Nîûndû aka arîa atheru a tene na maaigaga mwîrîgîrîro wao kûrî Ngai meetucaga athaka na njîra ya kwathîkîra athuuri ao.

Ruthu 2:12

Ngai-Mûnene arokûva kîveo nîûndû wa maûndû mau wîkîte. Ngai-Mûnene, Ngai wa Isiraeli ûrîa ûkîte kûrî ke nîguo akûgitîre arokûva kîveo kîrîa Kîamgîrîrîte!”