1Tim 5:25 - ÎVUKU RÎA ÛVORO MWARO

²⁵ Na njîra wata îno, ciîko mbaro nîcionekaga waro na ethîrwa itironeka itingîkara ciîthithîte.

1Tim 5:25 ပူးပေါင်းရင်းမြစ်များ

Nthi 10:9

Andû arîa marî mîthiîre mîkinyanîru methagîrwa marî agitîre, nwatî arîa matarî evokeku nîmakaamenyeka.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Luka 11:33

“Gûtirî mûndû ûgwatagia taa akînamîthitha Mûndû agwatagia taa na akamigîrîra vandû îgûrû nîguo îmûrîkîre andû magîtonya nyomba.

Ciîko 10:22

Nao nîmaamûcokerie atîrî, “Tue nîkwa tûtûmîrwe nî Korinelio ûrîa wîthagîrwa arî mûnene wa athigari îgana. Ke nî mûndû mûthingu, wîtigîrîte Ngai, na ûvetwe gîtîîo nî rûrîrî ruonthe rwa Ayahudi. Mûraika wa Ngai aramwîrire agûtûmanîre ûthiî gwake mûciî nîguo egue ûrîa we ûkuga.”

Ciîko 22:12

“Na kûu îtûûrarî rîu nîkwarî na mûndû wetagwa Anania. Ke nîwathîkagîra Watho wa Musa mûno na nîwavetwe gîtîîo mûno nî Ayahudi onthe arîa maatûûraga kûu Damesiki.

Ciîko 9:36

Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

1Tim 3:7

Agîrîrwe nî kwîthîrwa arî mûtîîe nî andû arîa matarî a kanitha, nîguo ndagaconorwe nîo na ndakagwe mûtegorî wa Ngoma.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”