1Tim 5:20 - ÎVUKU RÎA ÛVORO MWARO

²⁰ Andû arîa mekaga mevia magîrîrwe nî gûkaanua marî mbere ya andû onthe nîguo andû arîa engî metigîre.

1Tim 5:20 ပူးပေါင်းရင်းမြစ်များ

Alawi 19:17

“Mûtikamenane na andû arîa engî, nwatî îgucanagani nîguo mûtikevie.

Ciîko 19:17

Nao Ayahudi onthe na andû a ndûrîrî onthe arîa maatûûraga kûu Efeso nîmegwire ûvoro ûcio, magîcûrwa nî guoya na magîkumia rîîtwa rîa Mwathani Jesû.

Ciîko 5:11

Nayo kanitha yonthe na andû arîa engî onthe meegwire ûvoro wîgiî maûndû mau, nîmegwire guoya.

Ciîko 5:5

Na rîrîa Anania eegwire ciugo icio, nîwagwîre nthî na agîkua. Na andû onthe arîa meegwire ûvoro ûcio nîmegwire guoya mûno.

2Akor 7:11

Nîûndû ûcio taroriani ûrîa Ngai eekire nîûndû wa kîeva kîenyu. Kîeva kîu nîgîatûmire mûgîe na kîîo, gîgîtûma mwende kwonania atî mûtiarî na mavîtia, gîgîtûma mûrakare na mwîtigîre. Nîgîatûmire mwende kûmona, kwîrutîra na kwenda kwona gûgîkwa ûrîa kwagîrîrîte. Nîmwonanîtie atî mûtirî na mavîtia maûndûrî monthe.

Aefeso 5:11

Tigagani kûgwatanîra na andû arîa mekaga maûndû marîa matarî vata na mekagîrwa ndumarî. Vandû va ûguo, tigagani maûndû mau mamenyekanage nî andû.

Gûco 13:11

Andû onthe a Isiraeli nîmakegua ûrîa gwîkîkîte kûrî mûndû ûcio; nîmagetigîra na matigaacoka gwîka maûndû macûku ta mau rîngî.

Gûco 17:13

Kwoguo andû onthe nîmakegua ûndû ûcio na metigîre, na gûtirî mûndû ûgeeka ûndû rîngî atambîte gwîciiria.

Gûco 19:20

Nao andû acio engî onthe nîmakegua ûndû ûcio na metigîre, na wîvia wa mûthemba ta ûcio ndûgeekîka rîngî gatagatîrî kenyu.

Gûco 21:21

Nao andû onthe a îtûûra nî makaamûraga na mathiga. Ûguo nîguo mûkaathiria wîvia gatagatîrî kenyu; nao andû onthe a Isiraeli megua ûguo nîmagetigîra.

1Tim 1:20

Gatagatîrî ka andû acio, varî na Hîmenayo na Alekisanda. Aya nîo mverithîtie na njîra ya kûmanenganîra kûrî Caitani nîguo mathome atî matiagîrîrwe nî kûruma Ngai.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Tito 1:13

Arathi maarîtie ûvoro wa ma. Kwoguo nwa nginya ûmakaanie na vinya mûno nîguo magîe na wîtîkio mûkinyanîru,

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.